ਸਰੀ-ਸਰੀ ਵਿਚ ਸਕੂਲ ਟਰੱਸਟੀ ਦੀ ਚੋਣ ਲੜ ਰਹੀ ਦੁਪਿੰਦਰ ਸਰਾ ਨੇ ਹੁਣ ਇਹ ਚੋਣ ਆਜ਼ਾਦ ਉਮੀਦਵਾਰ ਵਜੋਂ ਲੜਨ ਦਾ ਐਲਾਨ ਕੀਤਾ ਹੈ। ਇਕ ਪ੍ਰੈਸ ਨੋਟ ਰਾਹੀਂ ਉਸ ਨੇ ਕਿਹਾ ਹੈ ਕਿ ਪਹਿਲਾਂ ਉਹ ਟੀਮ ਸਰੀ ਸਕੂਲ ਦੀ ਸਲੇਟ ਤੋਂ ਉਮੀਦਵਾਰ ਬਣੀ ਸੀ ਪਰ ਹੁਣ ਉਸ ਨੇ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜਨ ਦਾ ਫੌਸਲਾ ਕੀਤਾ ਹੈ ਤਾਂ ਜੋ ਬਤੌਰ ਆਜ਼ਾਦ ਉਮੀਦਵਾਰ ਉਹ ਆਪਣੇ ਪ੍ਰੋਗਰਾਮ ਵਿਚ ਹੋਰ ਕਈ ਮੁੱਦੇ ਸ਼ਾਮਿਲ ਕਰ ਸਕੇ। ਉਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਸਰੀ ਵਿਚਲੇ ਸਕੂਲਾਂ ਦੇ ਚੰਗੇ ਪ੍ਰਬੰਧਾਂ ਅਤੇ ਬੱਚਿਆਂ ਦੇ ਬਿਹਤਰ ਭਵਿੱਖ ਦੀ ਉਸਾਰੀ ਲਈ ਇਮਾਨਦਾਰ ਅਤੇ ਸਮਰਪਿਤ ਉਮੀਦਵਾਰਾਂ ਨੂੰ ਹੀ ਸਕੂਲ ਟਰੱਸਟੀ ਚੁਣਿਆ ਜਾਵੇ।