ਕੀ ਹਰਿਆਣਾ ਕਮੇਟੀ ਮਾਮਲਾ ਸ਼ੋ੍ਰਮਣੀ ਕਮੇਟੀ ਦੀ ਕਮਜੋਰ ਲੀਡਰਸ਼ਿਪ ਕਾਰਨ ਹਾਰਿਆ

ਅੰਮ੍ਰਿਤਸਰ - ਸ਼ੋ੍ਰਮਣੀ ਕਮੇਟੀ ਗਲਿਆਰਿਆਂ ਵਿਚ ਇਹ ਚਰਚਾ ਬੜੀ ਹੀ ਜੋਰ ਸ਼ੋਰ ਨਾਲ ਚਲ ਰਹੀ ਹੈ ਕਿ ਹਰਿਆਣਾ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦਾ ਕੇਸ ਸ਼ੋ੍ਰਮਣੀ ਕਮੇਟੀ ਦੇ ਮੌਜ਼ੂਦਾ ਆਹੁਦੇਦਾਰਾਂ ਦੀਆਂ ਗ਼ਲਤੀਆਂ ਨਾਲ ਹਾਰਿਆ ਗਿਆ ਹੈ।ਸ਼ੋ੍ਰਮਣੀ ਕਮੇਟੀ ਦੀ ਕਮਜੋਰ ਲੀਡਰਸ਼ਿਪ ਦੀਆਂ ਗਲਤੀਆਂ ਤੇ ਸਿਆਸੀ ਦਬਾਅ ਦੇ ਕਾਰਨ ਇਸ ਮਾਮਲੇ ਤੇ ਅਦਾਲਤ ਵਿਚ ਹਾਰ ਦਾ ਮੂੰਹ ਦੇਖਣਾ ਪਿਆ। ਚਰਚਾ ਹੈ ਕਿ ਸ਼ੋ੍ਰਮਣੀ ਕਮੇਟੀ ਦੇ ਮੌਜ਼ੂਦਾ ਪ੍ਰਬੰਧਕਾਂ ਨੇ ਇਸ ਕੇਸ ਨੂੰ ਪੂਰੀ ਗੰਭੀਰਤਾ ਨਾਲ ਲਿਆ ਹੀ ਨਹੀ ਜਿਸ ਕਾਰਨ ਇਹ ਮਾਮਲਾ ਭਾਰਤ ਦੀ ਸਰਬਉੱਚ ਅਦਾਲਤ ਵਿਚ ਮੂਦੜੇ ਮੂੰਹ ਡਿਗਾ। ਇਸ ਸੰਬਧੀ 30 ਸਤੰਬਰ ਨੂੰ ਸ਼ੋ੍ਰਮਣੀ ਕਮੇਟੀ ਦੇ ਹੋਣ ਜਾ ਰਹੇ ਵਿਸੇ਼ਸ਼ ਇਜਲਾਸ ਵਿਚ ਕੁਝ ਮੈਂਬਰ ਅਵਾਜ਼ ਬੁਲੰਦ ਕਰ ਸਕਦੇ ਹਨ।ਇਨਾਂ ਮੈਂਬਰਾਂ ਮੁਤਾਬਿਕ ਸ਼ੋ੍ਰਮਣੀ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੇ ਇਸ ਮਾਮਲੇ ਨੂੰ ਹਲ ਕਰਨ ਵਿਚ ਦਿਲਚਸਪੀ ਹੀ ਨਹੀ ਦਿਖਾਈ। ਜਾਣਕਾਰੀ ਮੁਤਾਬਿਕ ਸ਼ੋ੍ਰਮਣੀ ਕਮੇਟੀ ਦੇ ਇਕ ਉੱਚ ਆਹੁਦੇਦਾਰ ਨੂੰ ਹਰਿਆਣਾ ਦੇ ਸਿੱਖਾਂ ਦਾ ਵੱਡਾ ਆਗੂ ਬਣਾਉਣ ਦੇ ਚਕਰ ਵਿਚ ਇਹ ਸਾਰਾ ਕਾਂਡ ਵਾਪਰ ਗਿਆ। ਕਿਹਾ ਜਾਂਦਾ ਹੈ ਕਿ ਅਕਾਲੀ ਦਲ ਦੇ ਪ੍ਰਧਾਨ ਸ੍ਰ ਸੁਖਬੀਰ ਸਿੰਘ ਬਾਦਲ ਦੇ ਨੇੜਲੇ ਸਾਥੀ ਇਸ ਆਹੁਦੇਦਾਰ ਨੂੰ ਹਰਿਆਣਾ ਦਾ ਵੱਡਾ ਆਗੂ ਸਥਾਪਿਤ ਕਰਨ ਲਈ ਹਰਿਆਣੇ ਦੇ ਸ਼ੋ੍ਰਮਣੀ ਕਮੇਟੀ ਦੇ ਚੁਣੇ ਮੈਂਬਰਾਂ ਨੂੰ ਨਰਾਜ ਕਰਨ ਦੇ ਨਾਲ ਨਾਲ ਹਰਿਆਣਾ ਦੇ ਸਿੱਖਾਂ ਨੰੁ ਅਕਾਲੀ ਦੇ ਨਾਲ ਨਾਲ ਸ਼ੋ੍ਰਮਣੀ ਕਮੇਟੀ ਨੇ ਨਰਾਜ ਕਰ ਲਿਆ ਜਿਸ ਦਾ ਸਿੱਟਾ ਸਭ ਦੇ ਸਾਹਮਣੇ ਹੈ।ਸ਼ੋ੍ਰਮਣੀ ਕਮੇਟੀ ਮੈਂਬਰ ਹਰਭਜਨ ਸਿੰਘ ਮਸਾਨੀਆਂ ਇਹ ਮਾਮਲਾ ਲੈ ਕੇ ਸਾਲ 2014 ਵਿਚ ਅਦਾਲਤ ਵਿਚ ਗਏ ਸਨ।ਉਸ ਸਮੇ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਚੌਧਰੀ ਭੁਪਿੰਦਰ ਸਿੰਘ ਹੁੱਡਾ ਨੇ ਵਿਧਾਨ ਸਭਾ ਵਿਚ ਵਖਰੀ ਹਰਿਆਣਾ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਬਿਲ ਲਿਆਂਦਾ ਸੀ। ਇਸ ਕੇਸ ਲਈ ਸ਼ੋ੍ਰਮਣੀ ਕਮੇਟੀ ਨੇ 4 ਵੱਡੇ ਵਕੀਲਾਂ ਦਾ ਇਕ ਪੈਨਲ ਵੀ ਬਣਾਇਆ ਸੀ ਜਿਨਾਂ ਦੀ ਹਰ ਪੇਸ਼ੀ ਤੇ ਲੱਖਾਂ ਰੁਪਏ ਫੀਸ ਹੁੰਦੀ ਸੀ। ਅਣਗਿਣਤ ਪੇਸ਼ੀਆਂ ਭੁਗਤਣ ਤੋ ਬਾਅਦ ਕੇਸ ਮਾਮਲੇ ਵਿਚ ਹਾਰ ਹੋਈ। 2018 ਵਿਚ ਸ਼ੋ੍ਰਮਣੀ ਕਮੇਟੀ ਨੇ ਅਦਾਲਤ ਵਿਚ ਖੁਦ ਨੂੰ ਵੀ ਪਾਰਟੀ ਬਣਾਉਣ ਲਈ ਅਪੀਲ ਦਾਇਰ ਕੀਤੀ। ਹਰਿਆਣਾ ਵਲੋ ਪੇਸ਼ ਵਕੀਲ ਰਾਕੇਸ਼ ਦ੍ਰਿਵੇਦੀ ਦੀਆਂ ਅਕੱਟ ਦਲੀਲਾਂ ਅਗੇ ਸ੍ਰ ਮਸਾਨੀਆਂ ਜਿੰਨਾਂ ਦੀ ਮਦਦ ਲਈ ਸ਼ੋ੍ਰਮਣੀ ਕਮੇਟੀ ਨੇ ਵਕੀਲ ਤਾਇਨਾਤ ਕੀਤੇ ਸਨ ਟਿਕ ਨਹੀ ਸਕੇ।