ਨਵੀਂ ਦਿੱਲੀ-ਜਗਤ ਤਾਰਕ ਗੁਰੂ, ਪਹਿਲੀ ਪਤਾਸ਼ਾਹੀ ਸਾਹਿਬ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਆਗਮਨ ਪੁਰਬ ਨੂੰ ਸਮਰਪਿਤ ਇਕ ਆਲੌਕਿਕ ਨਗਰ ਕੀਰਤਨ ਅੱਜ ਗੁਰਦਵਾਰਾ ਸ਼੍ਰੀ ਗੁਰੂ ਸਿੰਘ ਸਭਾ 7-ਬਲਾਕ ਸੁਭਾਸ਼ ਨਗਰ ਦੀ ਪ੍ਰਬੰਧਕ ਕਮੇਟੀ ਅਤੇ
ਸਥਾਨਕ ਸੰਗਤਾਂ ਦੇ ਸਹਿਯੋਗ ਨਾਲ ਸਜਾਇਆ ਗਿਆ।ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਛੱਤਰ ਛਾਇਆ ਹੇਠ ਅਤੇ ਪੰਜ ਪਿਆਰਿਆਂ ਦੀ ਅਗਵਾਈ ’ਚ ਆਰੰਭ ਹੋਇਆ ਇਹ ਨਗਰ ਕੀਰਤਨ ਸੁਭਾਸ਼ ਨਗਰ ਦੇ ਵੱਖ-ਵੱਖ ਬਲਾਕਾਂ ’ਚੋਂ ਹੁੰਦਾ ਹੋਇਆ, ਗੁਰਦਵਾਰਾ ਬਾਬਾ ਬੁੱਢਾ ਜੀ 1-ਬਲਾਕ,
ਗੁਰਦਵਾਰਾ ਮਾਤਾ ਗੁਜਰੀ ਜੀ ਕੱਚਾ ਤਿਹਾੜ, ਗੁਰਦਵਾਰਾ ਕਲਗੀਧਰ ਸਿੰਘ ਸਭਾ ਬੇਰੀ ਵਾਲਾ ਬਾਗ 17-ਬਲਾਕ ਤੋਂ ਮੇਨ ਮਾਰਕਿਟ, ਪੰਚਾਇਤੀ ਗੁਰਦਵਾਰਾ ਭਾਈ ਜੈ ਸਿੰਘ, ਗੁਰਦਵਾਰਾ ਭਾਈ ਹਾਕਮ ਸਿੰਘ ਤੋਂ ਹੁੰਦਾ ਹੋਇਆ ਵਾਪਸ ਗੁਰਦਵਾਰਾ ਸ਼੍ਰੀ ਗੁਰੂ ਸਿੰਘ ਸਭਾ ਵਿੱਖੇ ਸਮਾਪਤ
ਹੋਇਆ।ਇਸ ਮੌਕੇ ਗੱਤਕਾ ਪਾਰਟੀਆਂ ਨੇ ਅਪਣੇ ਜ਼ੌਹਰ ਵਿਖਾਏ।ਨਗਰ ਕੀਰਤਨ ਦੇ ਰਸਤੇ ਵਿੱਚ ਥਾਂ-ਥਾਂ ਤੇ ਸੰਗਤਾਂ ਲਈ ਵੱਖ-ਵੱਖ ਪਕਵਾਨਾਂ ਦੇ ਸੰਗਤਾਂ ਵਲੋਂ ਸਟਾਲ ਲਾਏ ਗਏ।ਇਸ ਮੌਕੇ ਗੁਰਦਵਾਰੇ ਦੇ ਪ੍ਰਧਾਨ ਦਲਜੀਤ ਸਿੰਘ ਭਾਟੀਆ, ਜਨਰਲ ਸਕੱਤਰ ਮੋਹਨ ਸਿੰਘ ਬੱਬਲਾ,
ਸੀਨੀਅਰ ਮੀਤ ਪ੍ਰਧਾਨ ਭੁਪਿੰਦਰ ਸਿੰਘ ਬੱੱਗਾ, ਸਰਵਜੀਤ ਸਿੰਘ ਨੀਟਾ, ਜਗਦੀਪ ਸਿੰਘ ਸਭਰਵਾਲ, ਮੀਤ ਪ੍ਰਧਾਨ ਪ੍ਰਿਤਪਾਲ ਸਿੰਘ, ਹਰਮਿੰਦਰ ਸਿੰਘ ਚੱਢਾ, ਮੀਤ ਸਕੱਤਰ ਇੰਦਰਪਾਲ ਸਿੰਘ ਮਾਰਵਾਹ, ਜਸਕਰਨ ਸਿੰਘ, ਹੈਡ ਕੈਸ਼ੀਅਰ ਪਰਵਿੰਦਰ ਸਿੰਘ, ਮੀਤ ਕੈਸ਼ੀਅਰ ਗਗਨਦੀਪ
ਸਿੰਘ ਭਾਟੀਆ, ਮਨਪ੍ਰੀਤ ਸਿੰਘ, ਹਰਮੀਤ ਸਿਮਘ ਬਿੰਦਰਾ, ਸਟੋਰ ਇੰਚਾਰਜ ਜਸਬੀਰ ਸਿੰਘ ਮਾਰਵਾਹ, ਸਰਬਜੀਤ ਸਿੰਘ, ਲੰਗਰ ਇੰਚਾਰਜ ਵਿਰੰਦਰਪਾਲ ਸਿੰਘ, ਮਨਮੋਹਮ ਸਿੰਘ ਮੋਹਣੀ ਤੋਂ ਇਲਾਵਾ ਸਮੂਹ ਮੈਂਬਰ ਆਦਿ ਮੌਜੂਦ ਸਨ।ਇਸ ਮੌਕੇ ਦਲਜੀਤ ਸਿੰਘ ਭਾਟੀਆ ਤੇ ਮੋਹਨ ਸਿੰਘ
ਬੱਬਲਾ ਨੇ ਦੱਸਿਆ ਕਿ ਇਸ ਆਗਮਨ ਪੁਰਬ ਨੂੰ ਸਮਰਪਿਤ ਪਿਛਲੇ ਕੁਝ ਦਿਨਾਂ ਤੋਂ ਗੁਰਦਵਾਰਾ ਸਾਹਿਬ ਵਿਖੇ ਧਾਰਮਕ ਦੀਵਾਨ ਸਜਾਏ ਜਾਂਦੇ ਰਹੇ ਹਨ, ਜਿਸ ਵਿੱਚ ਪੰਥ ਪ੍ਰਸਿੱਧ ਰਾਗੀ ਜਥਿਆਂ ਅਤੇ ਗੁਰਦਵਾਰਾ ਸਾਹਿਬ ਦੇ ਹੈਡ ਗ੍ਰੰਥੀ ਗਿਆਨੀ ਗੁਰਮੀਤ ਸਿੰਘ ਤੇ ਮੀਤ ਗ੍ਰੰਥੀ
ਭਾਈ ਗੁਰਨਾਮ ਸਿੰਘ ਅਤੇ ਹਜੂਰੀ ਰਾਗੀ ਭਾਈ ਸੰਤ ਸਿੰਘ ਦੇ ਰਾਗੀ ਜੱਥੇ ਵੱਲੋਂ ਗੁਰਬਾਣੀ ਦੇ ਮਨੋਹਰ ਕੀਰਤਨ ਤੇ ਕਥਾ ਵਿਚਾਰਾਂ ਰਾਹੀ ਸੰਗਤਾਂ ਨੂੰ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਦੇ ਉਪਦੇਸ਼ਾਂ ਦੁਆਰਾ ਸ਼ਬਦ ਗੁਰੂ ਨਾਲ ਜੋੜਿਆਂ ਜਾਂਦਾ ਰਿਹਾ ਹੈ।