ਆਦਮਪੁਰ ਦੇ ਨਵੇਂ ਵਿਧਾਇਕ ਬਿਸ਼ਨੋਈ ਨੇ ਭੇਦ ਗੁਪਤ ਰੱਖਣ ਦੀ ਚੁੱਕੀ ਸਹੁੰ

ਚੰਡੀਗੜ੍ਹ- ਹਰਿਆਣਾ ਵਿਧਾਨਸਭਾ ਦੇ ਸਪੀਕਰ ਸ੍ਰੀ ਗਿਆਨ ਚੰਦ ਗੁਪਤਾ ਨੇ ਆਦਮਪੁਰ ਦੇ ਨਵੇਂ ਚੁਣ ਵਿਧਾਇਥ ਸ੍ਰੀ ਭਵਯ ਬਿਸ਼ਨੋਈ ਨੂੰ ਵਿਧਾਨਸਭਾ ਵਿਚ ਵਿਧੀਵਤ ਰੂਪ ਨਾਲ ਅਹੁਦੇ ਅਤੇ ਭੇਦ ਗੁਪਤ ਰੱਖਣ ਦੀ ਸਹੁੰ ਦਿਵਾਈ।

ਸਹੁੰ ਚੁੱਕਣ ਬਾਅਦ ਪੱਤਰਕਾਰਾਂ ਨਾਲ ਗਲਬਾਤ ਕਰਦੇ ਹੋਏ ਵਿਧਾਨਸਭਾ ਸਪੀਕਰ ਸ੍ਰੀ ਗਿਆਨ ਚੰਦ ਗੁਪਤਾ ਨੇ ਭਵਯ ਬਿਸ਼ਨੋਈ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਆਸ ਕਰਦਾ ਹਾਂ ਕਿ ਜੋ ਜਿਮੇਵਾਰੀ ਆਦਮਪੁਰ ਦੀ ਜਨਤਾ ਨੇ ਉਨ੍ਹਾਂ ਨੂੰ ਦਿੱਤੀ ਹੈ ਉਸ ਜਿਮੇਵਾਰੀ ਨੂੰ ਨਿਭ; ਆਪਣੀ ਯੋਗਤ ਤੇ ਸਮਰੱਥਾ ਅਨੁਸਾਰ ਜਨਹਿਤ ਵਿਚ ਪੂਰਾ ਕਰਣਗੇ ਅਤੇ ਸਦਨ ਦੀ ਗਰਿਮਾ ਅਤੇ ਮਰਿਯਾਦਾ ਨੂੰ ਬਣਾਏ ਰੱਖਣ ਵਿਚ ਆਪਣਾ ਪੂਰਾ ਸਹਿਯੋਗ ਦੇਣਗੇ।

ਸ੍ਰੀ ਗਿਆਨ ਚੰਗ ਗੁਪਤਾ ਨੇ ਕਿਹਾ ਕਿ ਭਵਯ ਬਿਸ਼ਨੋਈ ਦੇ ਸੁੰਹ ਲੈਣ ਬਾਅਦ ਵਿਧਾਨਸਭਾ ਵਿਚ ਭਾਜਪਾ ਦੇ ਵਿਧਾਇਕਾਂ ਦੀ ਗਿਣਤੀ 41 ਹੋ ਗਈ ਹੈ। ਇਸੀ ਤਰ੍ਹਾ ਕਾਂਗਰਸ ਦੇ 30 ਮੈਂਬਰ, ਜੇਜੇਪੀ ਦੇ 10 ਮੈਂਬਰ , ਇਨੋਲੋ ਦਾ 1 ਮੈਂਬਰ, ਹਰਿਆਣਾ ਲੋਕਹਿਤ ਪਾਰਟੀ ਦਾ 1 ਮੈਂਬਰ ਅਤੇ 7 ਆਜਾਦ ਮੈਂਬਰਾਂ ਦੇ ਨਾਲ ਵਿਧਾਨਸਭਾ ਦੀ ਮੈਂਬਰਾਂ ਦੀ ਗਿਣਤੀ 90 ਹੋ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਵਿਧਾਨਸਭਾ ਵਿਚ 45 ਮੈਂਬਰ ਪਹਿਲੀ ਵਾਰ ਚੁਣ ਕੇ ਆਏ ਹਨ। ਵਿਧਾਨਸਭਾ ਵਿਚ ਭਵਯ ਬਿਸ਼ਨੋਈ ਸੱਭ ਤੋਂ ਯੁਵਾ (29 ਸਾਲ) ਵਿਧਾਇਕ ਬਣ ਗਏ ਹਨ।

ਆਦਮਪੁਰ ਦੇ ਵਿਧਾਇਕ ਸ੍ਰੀ ਭਵਯ ਬਿਸ਼ਨੋਈ ਨੇ ਵਿਧਾਨਸਭਾ ਸਪੀਕਰ ਸ੍ਰੀ ਗਿਆਨ ਚੰਦ ਗੁਪਤਾ ਦਾ ਧੰਨਵਾਦ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਆਦਮਪੁਰ ਦੀ ਜਨਤਾ ਨੂੰ ਭਰੋਸਾ ਦਿਵਾਉਂਦਾ ਹਾਂ ਕਿ ਉਨ੍ਹਾਂ ਦੀ ਹਰ ਉਮੀਦ 'ਤੇ ਖਰਾ ਉਤਰਣ ਦਾ ਯਤਨ ਕਰਾਂਗਾ। ਉਨ੍ਹਾਂ ਨੇ ਕਿਹਾ ਕਿ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ 'ਤੇ ਪੂਰਾ ਭਰੋਸਾ ਹੈ ਕਿ ਜਿਸ ਤਰ੍ਹਾ 90 ਵਿਧਾਨਸਭਾ ਖੇਤਰਾਂ ਵੱਲ ਵਿਸ਼ੇਸ਼ ਧਿਆਨ ਦੇ ਕੇ ਕੰਮ ਕਰ ਰਹੇ ਹਨ ਉਸੀ ਤਰ੍ਹਾ ਉਹ ਅੱਗੇ ਵੀ ਕਰਦੇ ਰਹਿਣਗੇ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਪੂਰੀ ਜਿਮੇਵਾਰੀ ਨਾਲ ਕੰਮ ਕਰੂੰਗਾਂ ਤਾਂ ਜੋ ਆਦਮਪੁਰ ਨੂੰ ਵਿਕਾਸ ਦੇ ਨਾਤੇ ਲਾਭ ਮਿਲ ਸਕੇ। ਆਦਮਪੁਰ ਵਿਚ ਵੱਧ ਤੋਂ ਵੱਧ ਵਿਕਾਸ ਕਰਵਾਉਣ ਲਈ ਯਤਨਸ਼ੀਲ ਰਹੂੰਗਾਂ।

ਇਸ ਮੌਕੇ 'ਤੇ ਵਿਧਾਨਸਭਾ ਦੇ ਡਿਪਟੀ ਸਪੀਕਰ ਰਣਬੀਰ ਗੰਗਵਾ, ਵਿਧਾਇਕ ਦੂੜਾ ਰਾਮ, ਭਵਯ ਬਿਸ਼ਨੋਈ ਦੇ ਪਰਿਵਾਰ ਮੈਂਬਰ ਮੌਜੂਦ ਰਹੇ।