ਸਾਬਕਾ ਅਕਾਲੀ ਆਗੂ ਸੁੱਚਾ ਸਿੰਘ ਲੰਗਾਹ ਬਾਰੇ ਫੈਸਲਾ ਲੈਂਦਿਆਂ ਜਥੇਦਾਰ ਨੇ ਲੰਗਾਹ ਕੋਲੋ ਪੰਜ ਵਾਰ ਕਹਾਇਆ ਕਿ ਮੇਰੇ ਕੋਲੋ ਬਜਰ ਕੂਰਹਿਤ ਹੋਈ ਹੈ ਮੈ ਸੰਗਤ ਕੋਲੋ ਮੁਆਫੀ ਮੰਗਦਾ ਹਾਂ। ਜਥੇਦਾਰ ਨੇ 21 ਦਿਨ ਸ੍ਰੀ ਦਰਬਾਰ ਸਾਹਿਬ ਵਿਖੇ ਬਰਤਨ ਮਾਜਨ, ਇਕ ਘੰਟਾ ਪ੍ਰਕਰਮਾਂ ਵਿਚ ਬੈਠ ਕੇ ਕੀਰਤਨ ਸਰਵਨ ਕਰਨ ਤੇ 21 ਪਾਠ ਜਪੁਜੀ ਸਾਹਿਬ ਦੇ ਕਰਨ ਦਾ ਹੁਕਮ ਦਿੱਤਾ। ਜਥੇਦਾਰ ਨੇ ਨਾਲ ਹੀ ਕਿਹਾ ਕਿ ਇਸ ਸੇਵਾ ਦੀਆਂ ਤਸਵੀਰਾਂ ਸ਼ੋਸ਼ਲ ਮੀਡੀਆ ਤੇ ਨਹੀ ਪਾਉਣੀਆਂ। ਉਨਾਂ ਅਗੇ ਕਿਹਾ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਢਾਡੀ ਜੱਥਿਆਂ ਨੂੰ ਪ੍ਰਤੀ ਜੱਥਾ 5100 ਭੇਟਾ ਦੇਣੀ ਹੋਵੇਗੀ। ਨਾਲ ਹੀ ਇਨਾਂ ਢਾਡੀ ਜੱਥਿਆਂ ਨੂੰ ਘਰੋ ਤਿਆਰ ਕਰਕੇ ਪ੍ਰਸ਼ਾਦਾ ਲਿਆਉਣਾ ਹੋਵੇਗਾ ਤੇ ਇਨਾਂ ਜੱਥਿਆਂ ਨੂੰ ਛਕਾ ਕੇ ਜ਼ੂਠੇ ਬਰਤਨ ਸਾਫ ਕਰਨ ਦੀ ਸੇਵਾ ਖੁਦ ਕਰਨੀ ਹੋਵੇਗੀ। ਜਥੇਦਾਰ ਨੇ ਅਗੇ ਕਿਹਾ ਕਿ ਸੇਵਾ ਪੂਰੀ ਹੋਣ ਤੇ 5100 ਰੁਪਏ ਦੀ ਦੇਗ ਕਰਵਾਉਣੀ ਹੋਵੇਗੀ।ਜਥੇਦਾਰ ਨੇ ਕਿਹਾ ਕਿ ਲੰਗਾਹ 5 ਸਾਲ ਤਕ ਕਿਸੇ ਵੀ ਗੁਰਦਵਾਰਾ ਕਮੇਟੀ ਦਾ ਮੈਂਬਰ ਨਹੀ ਬਣ ਸਕੇਗਾ, ਰਾਜਨੀਤਕ ਖੇਤਰ ਵਿਚ ਲੰਗਾਹ ਵਿਚਰ ਸਕਦਾ ਹੈ।