ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਇਤਿਹਾਸਕ ਫਸੀਲ ਤੋ ਅੱਜ ਅਹਿਮ ਫੈਸਲੇ ਲੈਂਦਿਆਂ ਤਖ਼ਤਾਂ ਦੇ ਜਥੇਦਾਰਾਂ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਸਰੂਪ ਵਿਚ ਵਾਧੂ ਲਗਾ ਮਾਤਰਾਂ ਲਗਾ ਕੇ ਬੇਅਦਬੀ ਕਰਨ ਦੇ ਜਿੰਮੇਵਾਰ ਥਮਿੰਦਰ ਸਿੰਘ ਨੂੰ ਪੰਥ ਵਿਚੋ ਛੇਕਣ ਦਾ ਐਲਾਨ ਕੀਤਾ।ਉਨਾਂ ਪੰਥ ਨੂੰ ਆਦੇਸ਼ ਕੀਤਾ ਕਿ ਥਮਿੰਦਰ ਸਿੰਘ ਨਾਲ ਕਿਸੇ ਤਰ੍ਹਾਂ ਦੀ ਰੋਟੀ ਬੇਟੀ ਦੀ ਸਾਂਝ ਨਾ ਰਖੀ ਜਾਵੇ।
ਜਥੇਦਾਰਾਂ ਨੇ ਨਾਲ ਹੀ ਪਰ ਇਸਤਰੀ ਗਮਨ ਦੇ ਦੋਸ਼ ਵਿਚ ਪੰਥ ਵਿਚੋ ਛੇਕੇ ਗਏ ਸੁੱਚਾ ਸਿੰਘ ਲੰਗਾਹ ਨੂੰ ਸ਼ਰਤਾਂ ਸਹਿਤ ਮੁੜ ਪੰਥ ਦਾ ਫੈਸਲਾ ਸੁਣਾਇਆ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਇਤਿਹਾਸਕ ਫਸੀਲ ਤੋ ਵਿਚ ਪੰਜ ਸਿੰਘ ਸਾਹਿਬਾਨ ਨੇ ਥਮਿੰਦਰ ਸਿੰਘ ਦਾ ਸਾਥ ਦੇਣ ਵਾਲੇ ਡਾਕਟਰ ਰਾਜਵੰਤ ਸਿੰਘ ਈਕੋ ਸਿੱਖ ਵਾਲੇ, ਭਜਨੀਕ ਸਿੰਘ ਤੇ ਗੁਰਦਰਸ਼ਨ ਸਿੰਘ ਨੂੰ ਤਨਖਾਹ ਲਗਾਈ। ਇਸ ਮੌਕੇ ਤੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਥਮਿੰਦਰ ਸਿੰਘ ਨੇ ਚੀਨ ਤੋ ਵਾਧੂ ਲਗਾ ਮਾਤਰਾ ਲਗਾ ਕੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਛਪਵਾ ਕੇ ਡਬਿਆਂ ਵਿਚ ਬੰਦ ਕਰਕੇ ਅਮਰੀਕਾ ਲਿਆਂਦਾ ਤੇ ਵਖ ਵਖ ਗੁਰੂ ਘਰਾਂ ਨੂੰ ਭੇਜ਼ੇ ਤੇ ਇਸ ਦੀ ਮਦਦ ਡਾਕਟਰ ਰਾਜਵੰਤ ਸਿੰਘ, ਭਜਨੀਕ ਸਿੰਘ ਤੇ ਗੁਰਦਰਸ਼ਨ ਸਿੰਘ ਨੇ ਕੀਤੀ। ਜਥੇਦਾਰ ਨੇ ਕਿਹਾ ਕਿ ਇਨਾਂ ਸਰੂਪਾਂ ਵਿਚ ਅੰਕ ਰੋਮਨ ਸ਼ਬਦਾਂ ਵਿਚ ਲਿਖੇ ਹਨ ਬਾਕੀ ਪੜਤਾਲ ਜਾਰੀ ਹੈ। ਕਿਉਕਿ ਡਾਕਟਰ ਗੁਰਦਰ਼ਸਨ ਸਿੰਘ ਪਾਸਪੋਰਟ ਨਾ ਹੋਣ ਕਾਰਨ ਭਾਰਤ ਨਹੀ ਆ ਸਕੇ ਤੇ ਉਨਾਂ ਈ ਮੇਲ ਰਾਹੀ ਮੁਆਫੀ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਭੇਜੀ ਹੈ। ਜਥੇਦਾਰ ਨੇ ਡਾਕਟਰ ਰਾਜਵੰਤ ਸਿੰਘ ਬਾਰੇ ਇਹ ਵੀ ਕਿਹਾ ਕਿ ਉਸ ਨੇ ਪੜਤਾਲੀਆਂ ਕਮੇਟੀ ਦੀ ਤੋਹੀਨ ਕੀਤੀ ਹੈ। ਡਾਕਟਰ ਰਾਜਵੰਤ ਸਿੰਘ 11 ਦਿਨ ਅਮਰੀਕਾ ਦੇ ਕਿਸੇ ਗੁਰੂ ਘਰ ਵਿਚ ਇਕ ਘੰਟਾ ਜੋੜੇ ਸਾਫ ਕਰਨੇ, ਬਰਤਨ ਸਾਫ ਕਰਨੇ ਅਤੇ ਕਥਾ ਜਾਂ ਕੀਰਤਨ ਸੁਣਣਾ ਹੈ। ਇਸ ਦੇ ਨਾਲ ਨਾਲ 125 ਡਾਲਰ ਗੁਰੂ ਕੀ ਗੋਲਕ ਵਿਚ ਪਾਉਣੇ ਹਨ। ਜਥੇਦਾਰ ਨੇ ਅਗੇ ਕਿਹਾ ਇਸ ਦੇ ਨਾਲ ਨਾਲ ਇਕ ਸਹਿਜ ਪਾਠ ਆਪ ਕਰਨਾ ਹੈ। ਗੁਰੂ ਘਰ ਦੇ ਗ੍ਰੰਥੀ ਸਿੰਘ ਕੋਲੋ ਅਰਦਾਸ ਕਰਵਾ ਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੂੰ ਲਿਖਤੀ ਸੂਚਨਾ ਦੇਣੀ ਹੋਵੇਗੀ। ਭਜਨੀਕ ਸਿੰਘ ਤੇ ਗੁਰਦਰ਼ਸਨ ਸਿੰਘ ਨੂੰ ਸਜਾ ਲਗਾਉਦਿਆਂ ਜਥੇਦਾਰ ਨੇ ਕਿਹਾ ਕਿ ਇਹ ਦੋਵੇ 7 ਦਿਨ ਤਕ ਕਿਸੇ ਗੁਰੂ ਘਰ ਵਿਚ ਇਕ ਘੰਟਾ ਜੋੜੇ ਸਾਫ ਕਰਨ, ਬਰਤਨ ਸਾਫ ਕਰਨ ਅਤੇ ਕਥਾ ਜਾਂ ਕੀਰਤਨ ਸੁਣਨਗੇ। ਇਸ ਦੇ ਨਾਲ ਨਾਲ 125 ਡਾਲਰ ਗੁਰੂ ਕੀ ਗੋਲਕ ਵਿਚ ਪਾਉਣੇ ਹਨ ਅਤੇ ਇਕ ਸਹਿਜ ਪਾਠ ਆਪ ਕਰਨਾ ਹੈ।
ਭਜਨੀਕ ਸਿੰਘ ਤੇ ਗੁਰਦਰ਼ਸਨ ਸਿੰਘ ਦੋਵੇ 7 ਦਿਨ ਤਕ ਕਿਸੇ ਗੁਰੂ ਘਰ ਵਿਚ ਇਕ ਘੰਟਾ ਜੋੜੇ ਸਾਫ ਕਰਨ, ਬਰਤਨ ਸਾਫ ਕਰਨ ਅਤੇ ਕਥਾ ਜਾਂ ਕੀਰਤਨ ਸੁਣਨਗੇ। ਇਸ ਦੇ ਨਾਲ ਨਾਲ 125 ਡਾਲਰ ਗੁਰੂ ਕੀ ਗੋਲਕ ਵਿਚ ਪਾਉਣੇ ਹਨ ਅਤੇ ਇਕ ਸਹਿਜ ਪਾਠ ਆਪ ਕਰਨਾ ਹੈ।ਅੱਜ ਦੀ ਇਸ ਸਾਰੀ ਕਾਰਵਾਈ ਵਿਚ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ, ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਰਘਬੀਰ ਸਿੰਘ, ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਹੈਡ ਗ੍ਰੰਥੀ ਸਿੰਘ ਸਾਹਿਬ ਗਿਆਨੀ ਮਲਕੀਤ ਸਿੰਘ, ਸ੍ਰੀ ਦਰਬਾਰ ਸਾਹਿਬ ਦੇ ਗ੍ਰੰਥੀ ਸਿੰਘ ਸਾਹਿਬ ਗਿਆਨੀ ਗੁਰਮਿੰਦਰ ਸਿੰਘ ਤੇ ਗਿਆਨੀ ਸੁਖਦੇਵ ਸਿੰਘ ਸ਼ਾਮਲ ਹੋਏ।