ਕੇਂਦਰੀ ਸ੍ਰੀ ਗੁਰੂ ਸਿੰਘ ਸਭਾ ਇਦੌਰ ਦੇ ਜਰਨਲ ਸਕੱਤਰ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਕਤਰੇਤ ਦੇ ਬਾਹਰ ਪੱਤਰਕਾਰਾਂ ਨਾਲ ਕੀਤੀ ਬਦਸਲੂਕੀ

ਅੰਮ੍ਰਿਤਸਰ- ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਕਤਰੇਤ ਦੇ ਬਾਹਰ ਸਥਿਤੀ ਉਸ ਸਮੇ ਤਨਾਅ ਪੂਰਨ ਬਣ ਗਈ ਜਦ ਸਕਤਰੇਤ ਵਿਖੇ ਸ਼ਪਸ਼ਟੀਕਰਨ ਦੇਣ ਆਏ ਕੇਂਦਰੀ ਸ੍ਰੀ ਗੁਰੂ ਸਿੰਘ ਸਭਾ ਇੰਦੌਰ ਦੇ ਜਰਨਲ ਸਕੱਤਰ ਸ੍ਰ ਜ਼ਸਬੀਰ ਸਿੰਘ ਗਾਂਧੀ ਪੱਤਰਕਾਰਾਂ ਦੇ ਸਵਾਲਾਂ ਦਾ ਜਵਾਬ ਦੇਣ ਦੀ ਬਜਾਏ ਉਲਝ ਗਏ। ਉਨਾਂ ਅਗੇ ਮਾਇਕ ਰਖਣ ਵਾਲੇ ਕੁਝ ਪੱਤਰਕਾਰਾਂ ਨੂੰ ਗਾਂਧੀ ਨੇ ਧੱਕੇ ਵੀ ਮਾਰੇ, ਤੇ ਉਚੀ ਅਵਾਜ਼ ਵਿਚ ਗਲਤ ਸ਼ਬਦਾਂ ਵੀ ਵਰਤੋ ਵੀ ਕੀਤੀ। ਗਾਂਧੀ ਸਵਾਲਾਂ ਦੇ ਜਵਾਬ ਦੇਣ ਦੀ ਬਜਾਏ ਮੌਕੇ ਤੋ ਪੱਤਰਾ ਵਾਚ ਗਏ। ਅੱਜ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਕਤਰੇਤ ਵਿਖੇ ਵਖ ਵਖ ਮਾਮਲਿਆਂ ਵਿਚ ਇੰਦੌਰ ਦੀ ਕੇਂਦਰੀ ਸ੍ਰੀ ਗੁਰੂ ਸਿੰਘ ਸਭਾ ਦੇ ਜਰਨਲ ਸਕੱਤਰ ਸ੍ਰ ਜ਼ਸਬੀਰ ਸਿੰਘ ਗਾਂਧੀ ਤੇ ਪ੍ਰਧਾਨ ਮਨਜੀਤ ਸਿੰਘ ਰਿੰਕੂ ਭਾਟੀਆ ਨੂੰ ਆਪਣਾ ਪੱਖ ਰਖਣ ਲਈ ਬੁਲਾਇਆ ਗਿਆ ਸੀ। ਕਰੀਬ ਇਕ ਘੰਟੇ ਦੇ ਇਤਜਾਰ ਤੋ ਬਾਅਦ ਜ਼ਸਬੀਰ ਸਿੰਘ ਗਾਂਧੀ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਕਤਰੇਤ ਵਿਚੋ ਗੁੱਸੇ ਨਾਲ ਤਮਤਮਾਉਦੇ ਹੋਏ ਬਾਹਰ ਆਏ।ਉਨਾਂ ਨੂੰ ਜਦ ਵਖ ਵਖ ਅਖਬਾਰਾਂ ਅਤੇ ਚੈਨਲਾਂ ਦੇ ਪੱਤਰਕਾਰਾਂ ਨੇ ਅੰਦਰ ਹੋਈ ਗਲਬਾਤ ਬਾਰੇ ਸਵਾਲ ਕੀਤੇ ਤਾਂ ਗਾਂਧੀ ਨੇ ਕਿਸੇ ਦਾ ਜਵਾਬ ਦੇਣ ਦੀ ਬਜਾਏ ਚੈਨਲਾਂ ਦੇ ਪੱਤਰਕਾਰਾਂ ਨੂੰ ਧੱਕੇ ਮਾਰਨੇ ਸ਼ੁਰੂ ਕਰ ਦਿੱਤੇ। ਗਾਂਧੀ ਨੇ ਅਖਬਾਰਾਂ ਦੇ ਪ੍ਰਤੀਨਿਧੀਆਂ ਨਾਲ ਵੀ ਘਟੀਆ ਸਲੂਕ ਕੀਤਾ ਤੇ ਪੱਤਰਕਾਰ ਭਾਈਚਾਰੇ ਨੂੰ ਬੁਰਾ ਭਲਾ ਕਹਿਣਾ ਸ਼ੁਰੂ ਕਰ ਦਿੱਤਾ। ਗਾਂਧੀ ਲਗਭਗ ਦੌੜ ਕੇ ਸਕਤਰੇਤ ਤੋ ਪਾਸੇ ਚਲੇ ਗਏ।