ਚੰਡੀਗੜ - ਹਜ ਸਾਲ 2020 'ਤੇ ਜਾਣ ਵਾਲੇ ਹਜ ਯਾਤਰੀਆਂ ਨਾਲ ਖਾਦੀਮ-ਉਲ-ਹੁੱਜਾਲ ਵੱਜੋਂ ਸਾਊਦੀ ਅਰਬ ਜਾਣ ਦੇ ਇਛੁੱਕ ਸਰਕਾਰੀ ਕਰਮਚਾਰੀਆਂ ਤੋਂ ਅਪੀਲ ਹੈ ਕਿ ਉਹ ਆਪਣੇ ਬਿਨੈ ਦੀ ਹਾਰਡ ਕਾਪੀ ਹਰਿਆਣਾ ਰਾਜ ਹਜ ਕਮੇਟੀ ਦੇ ਦਫਤਰ ਵਿਚ 25 ਫਰਵਰੀ, 2020 ਤਕ ਜ਼ਰੂਰੀ ਭਿਜਵਾ ਦੇਣ|
ਹਰਿਆਣਾ ਰਾਜ ਹਜ ਕਮੇਟੀ ਦੇ ਬੁਲਾਰੇ ਨੇ ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਬਿਨੈਕਾਰਾਂ ਵਿਚੋਂ ਜਿਸ ਕਰਮਚਾਰੀ ਦੇ ਵਿਰੁੱਧ ਕੋਈ ਵਿਭਾਗੀ ਜਾਂਚ ਪੈਂਡਿੰਗ ਹੋਵੇਗੀ, ਉਸ ਦੇ ਨਾਂਅ 'ਤੇ ਵਿਚਾਰ ਨਹੀਂ ਕੀਤਾ ਜਾਵੇਗਾ| ਇਸ ਲਈ ਬਿਨੈਕਾਰ ਆਪਣੇ ਦਫਤਰ ਇੰਚਾਰਜ ਤੋਂ ਜਾਂਚ ਪੈਂਡਿੰਗ ਨਾ ਹੋਣ ਬਾਰੇ ਪ੍ਰਮਾਣ ਪੱਤਰ ਦੀ ਕਾਪੀ ਬਿਨੈ ਨਾਲ ਭੇਜਣ ਅਤੇ ਇਸ ਨਾਲ ਹੀ ਸਰਕਾਰੀ ਹਸਪਤਾਲ ਤੋਂ ਮੈਡੀਕਲ ਪ੍ਰਮਾਣ ਪੱਤਰ ਦੀ ਕਾਪੀ ਵੀ ਬਿਨੈ ਨਾਲ ਨੱਥੀ ਕਰਨ|
ਉਨਾਂ ਦਸਿਆ ਕਿ ਹਜ ਸਾਲ 2020 'ਤੇ ਜਾਣ ਵਾਲੇ ਹਜ ਯਾਤਰੀਆਂ ਨਾਲ ਖਾਦੀਮ-ਉਲ-ਹੁੱਜਾਲ ਵੱਜੋਂ ਸਾਊਦੀ ਅਰਬ ਭੇਜੇ ਜਾਣ ਵਾਲੇ ਸਰਕਾਰੀ ਕਰਮਚਾਰੀਆਂ ਵੱਲੋਂ ਆਨਲਾਇਨ ਬਿਨੈ ਕਰਨ ਦੀ ਆਖਰੀ ਮਿਤੀ 22 ਫਰਵਰੀ, 2020 ਹੈ ਅਤੇ ਬਿਨੈ ਪੱਤਰ ਦੀ ਹਾਰਡ ਕਾਪੀ ਹਰਿਆਣਾ ਰਾਜ ਹਜ ਕਮੇਟੀ ਦੇ ਦਫਤਰ ਵਿਚ 25 ਫਰਵਰੀ, 2020 ਤਕ ਜ਼ਰੂਰ ਭਿਜਵਾ ਦੇਣ|