ਖਰੜ:- ਪੰਜਾਬ ਦੇ ਤਕਨੀਕੀ ਸਿੱਖਿਆ ਅਤੇ ਸਭਿਆਚਾਰਕ ਤੇ ਸੈਰ ਸਪਾਟਾ ਵਿਭਾਗ ਦੇ ਕੈਬਨਿਟ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ ਕਿ ਪਿੰਡਾਂ ਦੀਆਂ ਪੰਚਾਇਤਾਂ ਵਲੋਂ ਪਿੰਡਾਂ ਨੂੰ ਸਾਫ ਸੁੱਥਰਾ ਰੱਖਣ ਲਈ ਮਨਰੇਗਾ ਸਕੀਮ ਤਹਿਤ 'ਸੋਲਡ ਵੈਸਟ ਮੈਨੇਜ਼ਮੈਟ ਪ੍ਰੋਜੈਕਟ' ਤਿਆਰ ਕਰਕੇ ਅਹਿਮ ਭੂਮਿਕਾ ਨਿਭਾਉਣ ਕਿਉਕਿ ਮਨਰੇਗਾ ਸਕੀਮ ਤਹਿਤ ਵੱਧ ਤੋਂ ਵੱਧ ਪੰਚਾਇਤਾਂ ਫੰਡ ਖਰਚ ਸਕਦੀਆਂ ਹਨ। ਉਹ ਅੱਜ ਪਿੰਡ ਮਦਨਹੇੜੀ ਦੀ ਪੰਚਾਇਤ ਵਲੋਂ ਤਿਆਰ ਕੀਤੇ ਗਏ ਇਸ ਪ੍ਰੋਜੈਕਟ ਦਾ ਉਦਘਾਟਨ ਕਰਨ ਉਪਰੰਤ ਪੱਤਰਕਾਰਾਂ ਨਾਲ ਗੱਲ ਕਰ ਰਹੇ ਸਨ। ਕੈਬਨਿਟ ਮੰਤਰੀ ਵਲੋ ਪਿੰਡ ਦੇ ਸਰਪੰਚ ਜਸਵਿੰਦਰ ਸਿੰਘ ਮਦਨਹੇੜੀ ਤੇ ਪੰਚਾਇਤ ਮੈਬਰਾਂ ਵਲੋਂ ਇਸ ਪ੍ਰੋਜੈਕਟ ਨੂੰ ਤਿਆਰ ਕਰਨ ਲਈ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਵਿਧਾਨ ਸਭਾ ਹਲਕਾ ਸ੍ਰੀ ਚਮਕੌਰ ਸਾਹਿਬ ਦੀਆਂ ਸਮੂਹ ਪੰਚਾਇਤਾਂ ਪਿੰਡ ਮਦਨਹੇੜੀ ਵਿਚ ਤਿਆਰ ਕੀਤੇ ਗਏ ਸੋਲਡ ਵੈਸਟ ਮੈਨੇਜ਼ਮੈਟ ਨੂੰ ਵੇਖ ਕੇ ਆਪਣੇ ਪਿੰਡਾਂ ਵਿਚ ਇਸ ਤਰਾਂ ਦਾ ਪ੍ਰੋਜੈਕਟ ਤਿਆਰ ਕਰਨ ਅਤੇ ਆਪਣੇ ਆਪਣੇ ਪਿੰਡਾਂ ਨੂੰ ਸਾਫ ਸਫਾਈ ਲਈ ਸੁੰਦਰ ਬਣਾਉਣ। ਉਹਨਾਂ ਕਿਹਾ ਕਿ ਉਹਨਾਂ ਦੇ ਵਿਧਾਨ ਸਭਾ ਹਲਕੇ ਵਿਚ ਇਹ ਪਹਿਲੀ ਪੰਚਾਇਤ ਹੈ ਜਿਸ ਵਲੋਂ ਇਹ ਪ੍ਰੋਜੈਕਟ ਨੂੰ ਤਿਆਰ ਕਰਕੇ ਪਿੰਡ ਨੂੰ ਸਾਫ ਸੁੱਥਰਾ ਰੱਖਣ ਦਾ ਵੱਡੇ ਪੱਧਰ ਤੇ ਯਤਨ ਕੀਤਾ ਗਿਆ ਹੈ। ਪਿੰਡ ਦੇ ਸਰਪੰਚ ਜਸਵਿੰਦਰ ਸਿੰਘ ਮਦਨਹੇੜੀ ਨੇ ਦਸਿਆ ਕਿ ਰਾਊਡ ਗਲਾਸ ਫਾਊਡੇਸ਼ਨ ਵਲੋਂ ਪਿੰਡ ਦੇ ਘਰ ਘਰ ਜਾ ਕੇ ਹਰਾ ਅਤੇ ਨੀਲਾ ਡਸਟਬੀਨ ਰਖਵਾਏ ਗਏ ਅਤੇ ਪਿੰਡ ਨਿਵਾਸੀਆਂ ਨੂੰ ਜਾਗਰੂਕਤ ਕੀਤਾ ਕਿ ਹਰੇ ਡਸਟਬੀਨ ਵਿਚ ਗਿੱਲਾ ਕੂੜਾ ਅਤੇ ਹਰੇ ਡਸਟੀਨ ਵਿਚ ਸੁੱਕਾ ਕੂੜਾ ਪਾਇਆ ਜਾਣਾ ਹੈ। ਇਸ ਮੌਕੇ ਬੀ.ਡੀ.ਪੀ.ਓ. ਖਰੜ ਹਿਤੇਨ ਕਪਿਲਾ, ਕੁਲਵਿੰਦਰ ਸਿੰਘ, ਜਸਵੀਰ ਕੌਰ, ਕੁਲਦੀਪ ਕੌਰ ਪੰਚਾਇਤ ਮੈਂਬਰ, ਮਾਸਟਰ ਪ੍ਰੇਮ ਸਿੰਘ, ਗੁਰਦੇਵ ਸਿੰਘ, ਸੁਰਿੰਦਰਜੀਤ ਸਿੰਘ, ਸਰਬਜੀਤ ਸਿੰਘ, ਨਰੇਸ ਕੁਮਾਰ ਚੋਲਟਾ, ਅਸੋਕ ਬਜਹੇੜੀ, ਕੁਲਵੰੰਤ ਸਿੰਘ ਸਰਪੰਚ ਤਿਰਪੜੀ, ਜੀਵਨ ਨਬੀਪੁਰ ਸਮੇਤ ਹੋਰ ਪਿੰਡਾਂ ਦੀਆਂ ਪੰਚਾਇਤਾਂ ਦੇ ਸਰਪੰਚ ਅਤੇ ਪੰਤਵੱਤੇ ਸੱਜਣ ਹਾਜ਼ਰ ਸਨ।