BREAKING NEWS
ਕੋਵਿਡ -19 - ਦੁਨੀਆ ਭਰ ਵਿਚ ਮਰੀਜ਼ਾਂ ਦਾ ਵਾਧਾ ਲਗਾਤਾਰ ਜਾਰੀ, ਕੁਲ ਗਿਣਤੀ 4,47 ਕਰੋੜ ਤੋਂ ਵੱਧਸਿਹਤ ਮੰਤਰੀ ਸਿੱਧੂ ਨੇ ਪੰਜਾਬ ਦੇ ਸਾਰੇ ਸ਼ੂਗਰ ਅਤੇ ਹਾਈਪਰਟੈਨਸ਼ਨ ਮਰੀਜ਼ਾਂ ਨੂੰ ਕੋਵਿਡ -19 ਰੋਕਥਾਮ ਉਪਾਅ ਅਪਨਾਉਣ ਲਈ ਲਿਖਿਆ ਪੱਤਰਮਾਈ ਭਾਗੋ ਬ੍ਰਿਗੇਡ ਵੱਲੋ ਦਿੱਲੀ ਦੇ ਸਕੂਲੀ ਵਿਦਿਆਰਥੀਆਂ ਦੇ 'ਆਨਲਾਈਨ ਧਾਰਮਿਕ ਮੁਕਾਬਲਿਆਂ' ਦਾ ਆਯੋਜਨਦਿੱਲੀ ਗੁਰਦੁਆਰਾ ਕਮੇਟੀ ਵੱਲੋਂ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦਾ 400 ਸਾਲਾ ਪ੍ਰਕਾਸ਼ ਪੁਰਬ ਵੱਡੇ ਪੱਧਰ ’ਤੇ ਮਨਾਉਣ ਲਈ 101 ਮੈਂਬਰੀ ਕਮੇਟੀ ਗਠਿਤ ਕਰਨ ਦਾ ਫੈਸਲਾਬਰਤਾਨਿਆਂ ਅੰਦਰ ਸਿੱਖਾਂ ਖਿਲਾਫ ਵੱਧ ਰਹੇ ਨਸਲੀ ਅਪਰਾਧਾਂ ਬਾਰੇ ਸੰਸਦੀ ਮੈਂਬਰਾ ਵਲੋਂ ਸਰਕਾਰ ਕੋਲੋ ਕਾਰਵਾਈ ਦੀ ਮੰਗਆਰਡੀਐਫ ਦੀ ਦੁਰਵਰਤੋਂ ਬਾਰੇ ਵਾਈਟ ਪੇਪਰ ਰਾਹੀਂ ਜਵਾਬ ਦੇਣ ਕੈਪਟਨ ਅਮਰਿੰਦਰ - 'ਆਪ'

ਟ੍ਰਾਈਸਿਟੀ

ਸਿੱਖਿਆ ਵਿਭਾਗ ਵੱਲੋਂ ਮੁਲਾਜ਼ਮਾਂ ਦੇ ਸਰਵਿਸ ਸਬੰਧੀ ਮਸਲਿਆਂ ਦਾ ਹੁਣ ਹੋਵੇਗਾ ਆਨਲਾਈਨ ਨਿਪਟਾਰਾ

ਕੌਮੀ ਮਾਰਗ ਬਿਊਰੋ | October 15, 2020 07:34 PM


ਐੱਸ.ਏ.ਐੱਸ.ਨਗਰ 
ਸਕੂਲ ਸਿੱਖਿਆ ਵਿਭਾਗ ਵੱਲੋਂ ਆਪਣੇ ਮੁਲਾਜ਼ਮਾਂ ਤੇ ਵਿਦਿਆਰਥੀਆਂ ਨੂੰ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਆਨਲਾਈਨ ਸਹੂਲਤਾਂ ਤਹਿਤ ਸੀਨੀਅਰ ਅਤੇ ਜੂਨੀਅਰ ਮੁਲਾਜ਼ਮਾਂ ਦੀ ਤਨਖਾਹ ਵਿੱਚ ਆਈ ਅਨਾਮਲੀ ਦੂਰ ਕਰਨ ਵਿੱਚ ਵੀ ਸਰਲਤਾ ਲਿਆਉਣ ਲਈ ਮੁਲਾਜ਼ਮਾਂ ਨੂੰ ਇਸ ਸਬੰਧੀ ਕੇਸਾਂ ਨੂੰ ਈ-ਪੰਜਾਬ ਪੋਰਟਲ ਰਾਹੀਂ ਆਨਲਾਈਨ ਅਪਲਾਈ ਕੀਤਾ ਜਾ ਸਕੇਗਾ| ਵਿਭਾਗ ਵੱਲੋਂ ਇਹ ਪਹਿਲਕਦਮੀ ਸੀਨੀਅਰ ਅਤੇ ਜੂਨੀਅਰ ਸਮਾਨਤਾ ਸਬੰਧੀ ਕੇਸਾਂ ਦੀ ਮੁੱਖ ਦਫ਼ਤਰ ਵਿੱਚ ਵਧ ਰਹੀ ਗਿਣਤੀ ਕਰਕੇ ਕੀਤਾ ਗਿਆ ਹੈ| ਵਿਭਾਗ ਵੱਲੋਂ ਇਸ ਸਬੰਧੀ ਕੇਸਾਂ ਲਈ ਈ-ਪੰਜਾਬ ਪੋਰਟਲ 'ਤੇ ਇੱਕ ਨਵਾਂ ਸਾਫ਼ਟਵੇਅਰ ਤਿਆਰ ਕੀਤਾ ਗਿਆ ਹੈ| ਹੁਣ ਸਬੰਧਿਤ ਅਧਿਆਪਕ, ਅਧਿਕਾਰੀ ਅਤੇ ਕਰਮਚਾਰੀ ਆਪਣੇ ਕੇਸਾਂ ਨੂੰ ਆਪਣੇ ਨਿੱਜੀ ਈ-ਪੰਜਾਬ ਪੋਰਟਲ ਤੋਂ ਅਪਲਾਈ ਕਰਨਗੇ| ਇਸ ਪ੍ਰਕਿਰਿਆ ਤਹਿਤ ਸਭ ਤੋਂ ਪਹਿਲਾਂ ਈ-ਪੰਜਾਬ ਪੋਰਟਲ 'ਤੇ ਜਾ ਕੇ ਸਟਾਫ਼ ਲਾਗ ਇਨ ਆਈ ਡੀ 'ਤੇ ਲਾਗ ਇਨ ਕੀਤਾ ਜਾਵੇਗਾ| ਇਸ ਤੋਂ ਬਾਅਦ ਮੀਨੂੰ ਬਟਨ ਦਬਾ ਕੇ ਸੀਨੀਅਰ ਜੂਨੀਅਰ ਪੈਰਿਟੀ ਕੇਸ 'ਤੇ ਕਲਿੱਕ ਕਰਨਾ ਹੈ| ਇਸ ਤੋਂ ਬਾਅਦ ਸਬੰਧਿਤ ਅਧਿਕਾਰੀ/ਕਰਮਚਾਰੀ ਵੱਲੋਂ ਆਪਣਾ ਨਿੱਜੀ ਵੇਰਵਾ ਅਤੇ ਜੂਨੀਅਰ ਕਰਮਚਾਰੀ ਦਾ ਵੇਰਵਾ ਜਿਸ ਨਾਲ ਪੇਅ ਸਬੰਧੀ ਅਨਾਮਲੀ ਪੈਦਾ ਹੋਈ ਹੈ, ਪੋਰਟਲ 'ਤੇ ਸਬਮਿੱਟ ਕਰਨਾ ਹੋਵੇਗਾ| ਸਬੰਧਿਤ ਡੀ ਡੀ ਓ ਨੂੰ ਕੇਸ ਸਬਮਿਟ ਕਰਨ ਤੋਂ ਬਾਅਦ ਡੀਡੀਓ ਦੋਹਾਂ ਕਰਮਚਾਰੀਆਂ ਦੀ ਪੇਅ ਨੂੰ ਘੋਖ ਕੇ ਇਸ ਸਬੰਧੀ ਵੇਰਵੇ ਸੀਨੀਅਰ ਅਤੇ ਜੂਨੀਅਰ ਕਰਮਚਾਰੀਆਂ ਨੂੰ ਆਨਲਾਈਨ ਭੇਜੇਗਾ|
ਇਸ ਤੋਂ ਬਾਅਦ ਜੂਨੀਅਰ ਕਰਮਚਾਰੀ ਦਾ ਡੀ ਡੀ ਓ ਕਰਮਚਾਰੀ ਦੀ ਨਿਯੁਕਤੀ ਦੀ ਮਿਤੀ ਤੋਂ ਮਿਲਣ ਵਾਲੀ ਪੇਅ ਸਬੰਧੀ ਵੇਰਵੇ ਦੋ ਦਿਨਾਂ ਦੇ ਅੰਦਰ-ਅੰਦਰ ਮੁੱਖ ਦਫ਼ਤਰ ਨੂੰ ਭੇਜੇਗਾ| ਇਸ ਤੋਂ ਬਾਅਦ ਸੀਨੀਅਰ ਕਰਮਚਾਰੀ ਦਾ ਡੀਡੀਓ ਵੀ ਦੋਹਾਂ ਕਰਮਚਾਰੀਆਂ ਦੀ ਤਨਖਾਹ ਦਾ ਤੁਲਨਾਤਮਕ ਵੇਰਵਾ ਸੀਨੀਅਰ ਕਰਮਚਾਰੀ ਦੀ ਸਰਵਿਸ ਬੁੱਕ ਸਮੇਤ ਦੋ ਦਿਨਾਂ ਦੇ ਅੰਦਰ-ਅੰਦਰ ਮੁੱਖ ਦਫ਼ਤਰ ਨੂੰ ਭੇਜੇਗਾ|
ਇਸ ਤੋਂ ਬਾਅਦ ਮੁੱਖ ਦਫ਼ਤਰ ਵਿੱਚ ਸਬੰਧਿਤ ਡੀਲਿੰਗ ਹੈਂਡ ਅਤੇ ਸੁਪਰਡੈਂਟ ਸਮੁੱਚੇ ਕੇਸ ਵਿੱਚ ਅਨਾਮਲੀ ਪੈਦਾ ਹੋਣ ਦੇ ਕਾਰਨਾਂ ਦੀ ਪੜਤਾਲ ਕਰਕੇ ਲੋੜੀਂਦੇ ਸੁਝਾਵਾਂ ਸਮੇਤ ਕੇਸ ਦੋ ਦਿਨ ਦੇ ਅੰਦਰ -ਅੰਦਰ ਡੀ ਐੱਸ ਐੱਫ਼ ਏ ਨੂੰ ਆਡਿਟ ਲਈ ਭੇਜਣਗੇ| ਡੀ ਐੱਸ ਐੱਫ਼ ਏ ਇੱਕ ਦਿਨ ਬਾਅਦ ਕੇਸ ਦੀ ਪੜਤਾਲ ਕਰਕੇ ਡੀ ਪੀ ਆਈ ਨੂੰ ਅਪਰੂਵਲ ਅਤੇ ਮਨਜੂਰੀ ਲਈ ਭੇਜਣਗੇ| ਡੀ ਪੀ ਆਈ ਵੱਲੋਂ ਮਨਜੂਰੀ ਮਿਲਣ ਤੋਂ ਬਾਅਦ ਸਬੰਧਿਤ ਸੁਪਰਡੈਂਟ ਕਰਮਚਾਰੀ ਨੂੰ ਇੱਕ ਦਿਨ ਦੇ ਅੰਦਰ ਆਨਲਾਈਨ ਮਨਜ਼ੂਰੀ ਭੇਜੇਗਾ| ਇਸ ਪ੍ਰਕਾਰ ਸਾਰੀ ਪ੍ਰਕ੍ਰਿਆ ਨੂੰ ਦਸ ਦਿਨ ਦਾ ਸਮਾਂ ਲੱਗੇਗਾ|
ਇਸ ਪ੍ਰਕ੍ਰਿਆ ਸਬੰਧੀ ਕਿਸੇ ਵੀ ਪ੍ਰਕਾਰ ਦੀ ਮੁਸ਼ਕਿਲ ਪੇਸ਼ ਆਉਣ ਦੀ ਸਥਿਤੀ ਵਿੱਚ ਜ਼ਿਲ੍ਹੇ ਦੇ ਐੱਮ. ਆਈ.ਐੱਸ ਕੋਆਰਡੀਨੇਟਰ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ ਜਿਹਨਾਂ ਦੇ ਸੰਪਰਕ ਨੰਬਰ ਈ-ਪੋਰਟਲ 'ਤੇ ਉਪਲੱਬਧ ਹਨ|
ਸਿੱਖਿਆ ਵਿਭਾਗ ਦੇ ਬੁਲਾਰੇ ਨੇ ਦੱਸਿਆ ਕਿ ਇਸ ਸਬੰਧੀ ਸਕੱਤਰ ਸਕੂਲ ਸਿੱਖਿਆ ਵੱਲੋਂ ਸਮੂਹ ਜ਼ਿਲ੍ਹਾ ਸਿੱਖਿਆ ਅਫ਼ਸਰਾਂ ( ਐ. ਸਿੱ/ ਸੈ. ਸਿੱ), ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰਾਂ ਅਤੇ ਸਕੂਲ ਮੁਖੀਆਂ ਨੂੰ ਇੱਕ ਪੱਤਰ ਜਾਰੀ ਕਰਦੇ ਹੋਏ ਇਹ ਵੀ ਕਿਹਾ ਹੈ ਕਿ ਉਹ ਇਹਨਾਂ ਕੇਸਾਂ ਸਬੰਧੀ ਪੂਰੀ ਪ੍ਰਕ੍ਰਿਆ ਨੂੰ ਆਪਣੇ ਸਕੂਲ ਜਾਂ ਦਫ਼ਤਰ ਦੇ ਈ-ਪੰਜਾਬ ਪੋਰਟਲ ਦੀ ਆਈ ਡੀ ਤੋਂ ਚੰਗੀ ਤਰ੍ਹਾਂ ਸਮਝ ਲੈਣ ਤਾਂ ਕਿ ਉਹਨਾਂ ਦੇ ਅਧੀਨ ਆਉਂਦੇ ਅਧਿਆਪਕਾਂ ਅਤੇ ਕਰਮਚਾਰੀਆਂ ਦੇ ਅਜਿਹੇ ਕੇਸਾਂ ਦਾ ਨਿਪਟਾਰਾ ਜਲਦੀ ਤੋਂ ਜਲਦੀ ਸੰਭਵ ਬਣਾਇਆ ਜਾ ਸਕੇ| ਉਹਨਾਂ ਇਹ ਵੀ ਹਦਾਇਤ ਕੀਤੀ ਹੈ ਕਿ ਸਮੂਹ ਡੀ ਡੀ ਓਜ਼ ਅਜਿਹੇ ਕੇਸਾਂ 'ਤੇ ਰੋਜ਼ਾਨਾ ਕਾਰਵਾਈ ਕਰਨ ਤਾਂ ਕਿ ਕੋਈ ਵੀ ਕੇਸ ਲੰਬਿਤ ਨਾ ਰਹੇ|
ਜਾਰੀ ਵਿਭਾਗੀ ਪੱਤਰ ਅਨੁਸਾਰ ਅਜਿਹੇ ਕੇਸ ਜੋ ਪੱਤਰ ਜਾਰੀ ਹੋਣ ਤੋਂ ਪਹਿਲਾਂ ਮੁੱਖ ਦਫ਼ਤਰ ਵਿੱਚ ਫ਼ਿਜ਼ੀਕਲੀ ਪ੍ਰਾਪਤ ਹੋ ਚੁੱਕੇ ਹਨ , 'ਤੇ ਕਾਰਵਾਈ ਸਬੰਧਿਤ ਅਮਲਾ ਸ਼ਾਖਾਵਾਂ ਵੱਲੋਂ ਪਹਿਲਾਂ ਦੀ ਤਰ੍ਹਾਂ ਹੀ ਕੀਤੀ ਜਾਵੇਗੀ ਅਤੇ ਇਹਨਾਂ ਕੇਸਾਂ ਦਾ ਨਿਪਟਾਰਾ 31 ਅਕਤੂਬਰ ਤੱਕ ਮੁਕੰਮਲ ਤੌਰ 'ਤੇ ਕੀਤਾ ਜਾਵੇ| ਇਸ ਤੋਂ ਇਲਾਵਾ ਪੇ ਅਨਾਮਲੀ ਸਬੰਧੀ ਪੈਂਡਿੰਗ ਕੋਰਟ ਕੇਸ 'ਤੇ ਵੀ ਸਬੰਧਿਤ ਅਮਲਾ ਸ਼ਾਖਾਵਾਂ ਵੱਲੋਂ ਹੀ ਕਾਰਵਾਈ ਕੀਤੀ ਜਾਵੇਗੀ| ਦੱਸਯਯੋਗ ਹੈ ਕਿ ਸਿੱਖਿਆ ਵਿਭਾਗ ਵੱਲੋਂ ਪਿਛਲੇ ਕੁੱਝ ਸਮੇਂ ਤੋਂ ਇੱਕ ਨਵੀਂ ਪੁਲਾਂਘ ਪੁੱਟਦਿਆਂ ਸਾਰੇ ਦਫ਼ਤਰੀ ਕੰਮਾਂ ਵਿੱਚ ਸਰਲਤਾ ਲਿਆਉਣ ਲਈ ਈ-ਰਜਿਸਟ੍ਰੇਸ਼ਨ ਤਹਿਤ ਆਨਲਾਈਨ ਪ੍ਰਕ੍ਰਿਆ ਸ਼ੁਰੂ ਕੀਤੀ ਗਈ ਹੈ|
ਇਸ ਤਹਿਤ ਮੁਲਾਜ਼ਮਾਂ ਦੀਆਂ ਛੁੱਟੀਆਂ, ਉੱਚੇਰੀ ਸਿੱਖਿਆ ਦੀ ਮਨਜ਼ੂਰੀ, ਮੈਡੀਕਲ ਕਲੇਮ, ਸੇਵਾ-ਮੁਕਤੀ ਅਤੇ ਨੌਕਰੀ ਤੋਂ ਅਸਤੀਫ਼ਾ ਦੇਣ ਦੀ ਪ੍ਰਕ੍ਰਿਆ ਨੂੰ ਆਨਲਾਈਨ ਅਪਲਾਈ ਕਰਨ ਲਈ ਈ-ਪੰਜਾਬ ਪੋਰਟਲ 'ਤੇ ਸਹੂਲਤ ਮੁਹੱਈਆ ਕਰਵਾਈ ਗਈ ਹੈ|

 

Have something to say? Post your comment

 

ਟ੍ਰਾਈਸਿਟੀ

ਪੰਜਾਬ ਰਾਜ ਨਿਪੁੰਨਤਾ ਖੋਜ ਪ੍ਰੀਖਿਆ ਅਤੇ ਨੈਸ਼ਨਲ ਮੀਨਜ਼ ਕਮ ਮੈਰਿਟ ਸਕਾਲਰਸ਼ਿਪ ਪ੍ਰੀਖਿਆ ਦੀਆਂ ਤਾਰੀਕਾਂ ਐਲਾਨੀਆਂ

ਖਰੜ ਵਿਚ ਮਨਾਇਆ ਸਾਦਗੀ ਨਾਲ ਦੁਸਾਹਿਰੇ ਦਾ ਤਿਉਹਾਰ- ਪ੍ਰਧਾਨ ਕਮਲ ਕਿਸ਼ੋਰ ਸ਼ਰਮਾ ਨੇ ਕੀਤੀ ਅਗਨੀ ਭੇਂਟ

ਲੁੱਟ ਖੋਹ ਕਰਨ ਦੇ ਮਾਮਲੇ ਵਿਚ ਪੰਜ ਗ੍ਰਿਫਤਾਰ: ਰਵਜੋਤ ਕੌਰ ਗਰੇਵਾਲ

ਜੱਟ ਮਹਾਂ ਸਭਾ ਦਾ ਵਫ਼ਦ ਡਿਪਟੀ ਕਮਿਸ਼ਨਰ ਚੰਡੀਗੜ੍ਹ ਨੂੰ ਮਿਲਿਆ ਵਫ਼ਦ ਨਵੇਂ ਖੇਤੀ ਕਾਨੂੰਨ ਰੱਦ ਕਰਨ ਲਈ ਰਾਸ਼ਟਰਪਤੀ ਦੇ ਨਾਮ ਦਿੱਤਾ ਮੰਗ ਪੱਤਰ

ਵਿਦਿਆਰਥੀਆਂ ਦੀ ਸਿਹਤ ਸੰਭਾਲ ਲਈ ਵਿਸ਼ੇਸ਼ ਉਪਰਾਲੇ ਜਾਰੀ , ਮੋਹਾਲੀ ਮੈਰੀਟੋਰੀਅਸ ਸਕੂਲ ਨੂੰ ਕੀਤਾ ਗਿਆ ਐੱਨਜੀਓ ਵੱਲੋਂ ਸੈਨੀਟਾਇਜ਼

ਏ.ਪੀ.ਜੇ.ਸਮਾਰਟ ਸਕੂਲ ਮੁੰਡੀ ਖਰੜ ਵਿਚ ਮਨਾਇਆ ਦੁਸਾਹਿਰੇ ਦਾ ਤਿਉਹਾਰ

ਅਨਾਜ ਮੰਡੀ ਵਿਚਆੜਤੀ ਐਸੋਸੀਏਸ਼ਨ ਵਲੋਂ ਦੁਰਗਾ ਅਸ਼ਟਮੀ ਮੌਕੇ ਕੜਾਹ ਪ੍ਰਸਾਦ ਵਰਤਾਇਆ

ਦੁਸਾਹਿਰਾ ਕਮੇਟੀ ਖਰੜ ਵਲੋਂ ਲੋੜਵੰਦ ਪਰਿਵਾਰ ਦਾ ਕੀਤਾ ਵਿਆਹ- ਕਮਲ ਕਿਸ਼ੋਰ ਸ਼ਰਮਾ ਨੇ ਦਿੱਤਾ ਲਾੜੇ ਲਾਡੀ ਨੂੰ ਅਸ਼ੀਰਵਾਦ

ਮੁੱਖ ਮੰਤਰੀ ਪੰਜਾਬ ਦੇ ਕਿਸਾਨ ਮਸਲੇ ਉਤੇ ਦਿ੍ੜਤਾ ਭਰੇ ਫੈਸਲਾ ਸਲਾਘਾਯੋਗ-ਸੈਣੀ ਸਮਾਜ

ਦੁਸਹਿਰਾ ਕਮੇਟੀ ਵਲੋਂ ਪ੍ਰਧਾਨ ਕਮਲ ਕਿਸ਼ੋਰ ਸ਼ਰਮਾ ਦੀ ਤੰਦਰੁਸਤੀ ਲਈ ਸ਼੍ਰੀ ਰਾਮ ਜੀ ਅਗੇ ਕੀਤੀ ਅਰਦਾਸ