ਖਰੜ :- ਆੜਤੀ ਐਸੋਸੀਏਸ਼ਨ ਖਰੜ ਵਲੋਂ ਅਨਾਜ ਮੰਡੀ ਵਿਚ ਕੰਮ ਕਰ ਰਹੇ ਮਜ਼ਦੂਰਾਂ ਨੂੰ ਦੁਰਗਾ ਅਸ਼ਟਮੀ ਮੌਕੇ ਕੜਾਹ ਪ੍ਰ੍ਰਸ਼ਾਦ ਵਰਤਾਇਆ ਗਿਆ। ਪੰਜਾਬ ਦੇ ਮੁੱਖ ਮੰਤਰੀ ਦੀ ਸਾਬਕਾ ਓ.ਐਸ.ਡੀ.ਲਖਵਿੰਦਰ ਕੌਰ ਗਰਚਾ ਨੇ ਵਿਸੇਸ ਤੌਰ ਤੇ ਹਾਜਰੀ ਲਗਵਾਈ। ਉਨਾਂ ਮੰਡੀ ਵਿਚਆੜਤੀਆਂ ਦੀਆਂ ਸਮੱਸਿਆਵਾਂ ਵੀ ਸੁਣੀਆਂ ਅਤੇ ਮੌਕੇ ਤੇ ਹੀ ਖਰੀਦ ਏਜੰਸੀਆਂ ਦੇ ਇੰਸਪੈਕਟਰਾਂ ਨਾਲ ਗੱਲਬਾਤ ਕਰਕੇ ਖਰੀਦਦੀ ਸਮੱਸਿਆ ਦੂਰ ਕਰਵਾਈ। ਉਹਨਾਂ ਕਿਹਾ ਕਿ ਜੇਕਰ ਫਿਰ ਆੜਤੀਆਂ ਨੂੰ ਕਿਸੇ ਤਰਾਂ ਦੀ ਕੋਈ ਸਮੱਸਿਆ ਆਉਦੀ ਹੈ ਤਾਂ ਉਹ ਪੰਜਾਬ ਦੇ ਖੁਰਾਕ ਤੇ ਸਪਲਾਈ ਮੰਤਰੀ ਭਾਰਤ ਭੂਸਨ ਆਸ਼ੂ ਨਾਲ ਵੀ ਗੱਲਬਾਤ ਕਰਨਗੇ ਕਿਉ ਕਿ ਪਿਛਲੇ ਦਿਨੀ ਜਦੋ ਝੋਨੇ ਦੀ ਖਰੀਦ ਵਿਚ ਸਮੱਸਿਆ ਆਈ ਤਾਂ ਉਹਨਾਂ ਖੁਰਾਕ ਤੇ ਸਪਲਾਈ ਮੰਤਰੀ ਨਾਲ ਗੱਲ ਕੀਤੀ ਅਤੇ ਉਹਨਾਂ ਇਹ ਸਮੱਸਿਆ ਤੁਰੰਤ ਹੱਲ ਕਰਵਾਈ। ਇਸ ਮੌਕੇ ਪ੍ਰਧਾਨ ਸੁਨੀਲ ਅਗਰਵਾਲ, ਚੇਅਰ ਮੈਨ ਰਾਜੇਸ਼ ਸੂਦ, ਰਾਜਿੰਦਰ ਅਗਰਵਾਲ, ਅਮਨਦੀਪ ਗਰਗ, ਜੈ ਪਾਲ ਅਗਰਵਾਲ, ਸੁਭਮ ਗਰਗ, ਪ੍ਰਵੇਸ਼ ਬਾਂਸਲ, ਸੁਭਾਸ ਅਗਰਵਾਲ, ਐਡਵੋਕੇਟ ਗਗਨਦੀਪ ਸਿੰਘ ਸਮੇਤ ਹੋਰ ਆੜਤੀਆਂ ਵਲੋਂ ਲਖਵਿੰਦਰ ਕੌਰ ਗਰਚਾ ਦਾਵਿਸੇਸ ਤੌਰ ਤੇ ਸਨਮਾਨ ਵੀ ਕੀਤਾ ਗਿਆ।