ਖਰੜ:-ਕੋਰੋਨਾ ਮਹਾਂਮਾਰੀ ਕਾਰਨ ਦੁਸਾਹਿਰਾ ਕਮੇਟੀ ਖਰੜ ਵਲੋਂ ਪਰਸੂ ਰਾਮ ਭਵਨ ਖਰੜ ਵਿਖੇ ਸਾਦੇ ਢੰਗ ਨਾਲ ਦੁਸਾਹਿਰੇ ਦਾ ਤਿਉਹਾਰ ਮਨਾਇਆ। ਪ੍ਰਸ਼ਾਸ਼ਨ ਖਰੜ ਵਲੋਂ ਨਾਇਬ ਤਹਿਸੀਲਦਾਰ ਪੁਨੀਤ ਬਾਂਸਲ ਅਤੇ ਡੀ.ਐਸ.ਪੀ.ਖਰੜ-1 ਰੁਪਿੰਦਰਦੀਪ ਕੌਰ ਸੋਹੀ ਨੇ ਵਿਸ਼ੇਸ਼ ਤੌਰ ਤੇ ਹਾਜ਼ਰੀ ਲਗਵਾਈ। ਕਮੇਟੀ ਦੇ ਪ੍ਰਧਾਨ ਕਮਲ ਕਿਸੋਰ ਸਰਮਾ ਨੇ ਦਸਿਆ ਕਿ ਸਮੂਹ ਅਹੁੱਦੇਦਾਰਾਂ ਅਤੇ ਸ਼ਹਿਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਪਰਸੂ ਰਾਮ ਭਵਨ ਖਰੜ ਵਿਖੇ ਤਿਆਰ ਕੀਤੇ ਗਏ ਕੁੰਭਕਰਨ, ਮੇਘ ਨਾਥ ਅਤੇ ਲੰਕਾਪਤੀ ਰਾਵਨ ਦੇ ਪੂਤਲਿਆਂ ਨੂੰ ਅੱਗ ਲਗਾਈ ਗਈ। ਉਹਨਾਂ ਸ਼ਹਿਰ ਨਿਵਾਸੀਆਂ ਨੂੰ ਦੁਸਾਹਿਰਾ ਦੀ ਵਧਾਈ ਦਿੱਤੀ। ਸਦੀਆਂ ਤੋ ਖਰੜ ਸ਼ਹਿਰ ਦਾ ਮਸ਼ਹੂਰ ਦੁਸਾਹਿਰਾ ਜਿਸਨੂੰ ਦੂਰ ਦੂਰ ਤੇ ਲੋਕੀ ਦੇਖਣ ਆਉਦੇ ਸਨ ਪਰ ਕੋਰੋਨਾ ਮਹਾਂਮਾਰੀ ਕਾਰਨ ਪ੍ਰਸ਼ਾਂਸਨ ਦੇ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ ਕਮੇਟੀ ਵਲੋਂ ਸਾਦਗੀ ਨਾਲ ਦੁਸਾਹਿਰੇ ਦਾ ਤਿਉਹਾਰ ਮਨਾਇਆ ਗਿਆ। ਇਸ ਮੌਕੇ ਕਮੀ ਦੇ ਸਾਰੇ ਮੇਂਬਰ ਹਾਜਰ ਸਨ।