ਚੰਡੀਗੜ, ਹਰਿਆਣਾ ਦੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰੀ ਜੇ.ਪੀ. ਦਲਾਲ ਨੇ ਕਿਹਾ ਹੈ ਕਿ ਖੇਤੀਬਾੜੀ ਪਸ਼ੂਪਾਲਣ ਅਤੇ ਡੇਅਰੀ, ਬਾਗਬਾਨੀ, ਮੱਛੀ ਪਾਲਣ ਅਤੇ ਦੂਰਦਰਸ਼ੀ ਸੋਚ ਦੇ ਨਾਲ ਪ੍ਰਗਤੀਸ਼ੀਲ ਕਿਸਾਨਾਂ ਨੂੰ ਹੋਰ ਕਿਸਾਨਾਂ ਲਈ ਮਾਡਲ ਕਿਸਾਨ ਵਜੋ ਪ੍ਰੇਰਣਾ ਸਰੋਤ ਬਣਾ ਕੇ ਸਾਡਾ ਟੀਚਾ ਕਿਸਾਨਾਂ ਦੀ ਆਮਦਨ ਦੁਗਣੀ ਕਰਨਾ ਹੈ|
ਅੱਜ ਇੱਥੇ ਜਾਰੀ ਇਕ ਬਿਆਨ ਵਿਚ ਸ੍ਰੀ ਦਲਾਲ ਨੇ ਕਿਹਾ ਕਿ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਦੀ ਦੂਰਦਰਸ਼ੀ ਸੋਚ ਦੇ ਨਾਲ ਪ੍ਰਗਤੀਸ਼ੀਲ ਕਿਸਾਨ ਸਨਮਾਨ ਯੋਜਨਾ ਨਾਂਅ ਨਾਲ ਇਕ ਨਵੀਂ ਯੋਜਨਾ ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ, ਜਿਸ ਦੇ ਤਹਿਤ ਖੇਤੀਬਾੜੀ ਮੇਲਿਆਂ (ਏਗਰੋ ਸਮਿਟ) ਵਿਚ ਕਿਸਾਨਾਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ ਤਾਂ ਜੋ ਹੋਰ ਕਿਸਾਨ ਉਨਾਂ ਤੋਂ ਪ੍ਰੇਰਿਤ ਹੋ ਕੇ ਖੇਤੀ ਦੀ ਬਿਹਤਰ ਤਕਨੀਕ ਅਪਨਾਉਣ ਦੇ ਵੱਲ ਵੱਧਣ|
ਉਨਾਂ ਨੇ ਕਿਹਾ ਕਿ ਯੋਜਨਾ ਦੇ ਤਹਿਤ ਪੁਰਸਕਾਰ ਸਵਰੂਪ ਪਹਿਲੇ ਸਥਾਨ ਲਈ 5 ਲੱਖ ਰੁਪਏ, ਦੂਜੇ ਸਥਾਨ ਲਈ ਦੋ ਕਿਸਾਨਾਂ ਨੂੰ 3-3 ਲੱਖ ਰੁਪਏ, ਤੀਜੇ ਸਥਾਨ ਲਈ ਪੰਚ ਕਿਸਾਨਾਂ ਨੂੰ 1-1 ਲੱਖ ਰੁਪਏ ਦੀ ਨਗਦ ਰਕਮ ਪ੍ਰਦਾਨ ਕੀਤੀ ਜਾਵੇਗੀ| ਇਸ ਤੋਂ ਇਲਾਵਾ, 100 ਕਿਸਾਨਾਂ ਨੂੰ 50-50 ਹਜਾਰ ਰੁਪਏ ਦੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ|
ਸ੍ਰੀ ਦਲਾਲ ਨੇ ਦਸਿਆ ਕਿ ਯੋਜਨਾ ਦਾ ਮੁੱਖ ਉਦੇਸ਼ ਪ੍ਰਗਤੀਸ਼ੀਲ ਕਿਸਾਨਾਂ ਨੂੰ ਪ੍ਰਗਤੀਸ਼ੀਲ ਕਿਸਾਨ ਟ੍ਰੇਨਰ ਵਜੋ ਵੀ ਚੋਣ ਕਰਨਾ ਹੈ ਅਤੇ ਇਕ ਪ੍ਰਗਤੀਸ਼ੀਲ ਕਿਸਾਨ ਨੂੰ ਜਿਮੇਵਾਰੀ ਦਿੱਤੀ ਜਾਵੇਗੀ ਕਿ ਉਹ ਆਪਣੇ ਆਲੇ-ਦੁਆਲੇ ਦੇ ਘੱਟ ਤੋਂ ਘੱਟ 10 ਕਿਸਾਨਾਂ ਨੂੰ ਪ੍ਰੇਰਣਾ ਦੇਣ ਕਿ ਕਿਸ ਤਰਾ ਨਾਲ ਖੇਤੀਬਾੜੀ ਅਤੇ ਇਸ ਨਾਲ ਜੁੜੇ ਹੋਏ ਪਸ਼ੂਪਾਲਣ ਅਤੇ ਡੇਅਰੀ, ਬਾਗਬਾਨੀ, ਮੱਛੀ ਪਾਲਣ ਦੇ ਖੇਤਰ ਵਿਚ ਬਿਹਤਰ ਤਕਨੀਕ ਅਪਣਾ ਕੇ ਉਹ ਆਪਣੀ ਆਮਦਨ ਦੇ ਸਰੋਤ ਵਧਾ ਸਕਣ|
ਖੇਤੀਬਾੜੀ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਦਾ ਕਿਸਾਨ ਮਿਹਨਤੀ ਹੈ ਅਤੇ ਇਕ ਵਾਰ ਠਾਨ ਲਵੇ ਤਾਂ ਉਹ ਉਸ ਨੂੰ ਕਰ ਕੇ ਦਿਖਾਉਂਦਾ ਹੈ, ਇਸ ਦਾ ਉਦਾਹਰਣ ਹਰਿਤ ਕ੍ਰਾਂਤੀ ਦੇ ਸਮੇਂ ਅਨਾਜਾਂ ਦਾ ਰਿਕਾਰਡ ਉਤਪਾਦਨ ਕਰਨ ਦਾ ਹੈ ਅਤੇ ਅੱਜ ਵੀ ਉਹ ਕਾਇਮ ਹਨ| ਹਰਿਆਣਾ ਕੇਂਦਰੀ ਭੰਡਾਰਣ ਵਿਚ ਯੋਗਦਾਨ ਦੇਣ ਵਾਲਾ ਦੇਸ਼ ਦਾ ਸੱਭ ਤੋਂ ਵੱਡਾ ਦੂਜਾ ਸੂਬਾ ਹੈ| ਭੌਗੋਲਿਕ ਦ੍ਰਿਸ਼ਟੀ ਨਾਲ ਹਰਿਆਣਾ ਦੀ ਨੇੜਤਾ ਦਿੱਲੀ ਦੇ ਤਿੰਨ ਪਾਸੇ ਤੋਂ ਜੁੜੇ ਕੌਮੀ ਰਾਜਧਾਨੀ ਖੇਤਰ ਹੈ ਜੋ ਰੋਜਮਰਾ ਦੀਆਂ ਜਰੂਰੀ ਵਸਤੂਆਂ ਜਿਵੇਂ ਕਿ ਫੱਲ, ਫੁੱਲ, ਸਬਜੀ, ਦੁੱਧ, ਅੰਡਾ, ਮਾਸ, ਮੱਛੀ ਦੀ ਇਸ ਖੇਤਰ ਦੀ ਮੰਗ ਨੂੰ ਪੂਰਾ ਕਰਨ ਦੇ ਲਈ ਸੱਭ ਤੋਂ ਉਪਯੁਕਤ ਸੂਬਾ ਹੈ| ਲਗਭਗ 5 ਕਰੋੜ ਦੀ ਆਬਾਦੀ ਦੇ ਇਸ ਬਾਜਾਰ 'ਤੇ ਹਰਿਆਣਾ ਦੇ ਕਿਸਾਨਾਂ ਦੀ ਪਕੜ ਬਣੇ ਇਸ ਦੇ ਲਈ ਕਈ ਨਵੀਂ-ਨਵੀਂ ਯੋਜਨਾਵਾਂ ਤਿਆਰ ਕੀਤੀਆਂ ਗਈਆਂ ਹਨ|
ਸ੍ਰੀ ਦਲਾਲ ਨੇ ਕਿਹਾ ਕਿ ਇਸ ਤਰਾ ਨਾਲ ਕਿਸਾਨ ਮਿੱਤਰ ਨਾਂਅ ਨਾਲ ਇਕ ਨਵੀਂ ਯੋਜਨਾ ਦੀ ਸ਼ੁਰੂਆਤ ਕੀਤੀ ਗਈ ਹੈ, ਜੋ ਸੂਬੇ ਦੇ ਲਗਭਗ 17 ਲੱਖ ਕਿਸਾਨਾਂ ਨੂੰ ਉਨਾਂ ਦੇ ਵਿੱਤ ਪ੍ਰਬੰਧਨ ਵਿਚ ਮਾਰਗਦਰਸ਼ਨ ਕਰਣਗੇ| ਯੋਜਨਾ ਦੇ ਤਹਿਤ 17 ਹਜਾਰ ਕਿਸਾਨ ਮਿੱਤਰ ਨਾਮਜਦ ਕੀਤੇ ਜਾਣਗੇ ਅਤੇ ਇਕ ਕਿਸਾਨ ਮਿੱਤ ਘੱਟ ਤੋਂ ਘੱਟ 100 ਕਿਸਾਨਾਂ ਦਾ ਮਾਰਗਦਰਸ਼ਨ ਕਰਣਗੇ|
ਖੇਤੀਬਾੜੀ ਮੰਤਰੀ ਨੇ ਕਿਹਾ ਕਿ ਹਾਲ ਹੀ ਵਿਚ ਭਾਵਾਂਤਰ ਭਰਪਾਈ ਯੋਜਨਾ ਵਿਚ ਫੱਲ ਅਤੇ ਸਬਜੀਆਂ ਦੀ 15 ਹੋਰ ਫਸਲਾਂ ਨੂੰ ਸ਼ਾਮਿਲ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ| ਸਬਜੀ ਤੇ ਬਾਗਬਾਨੀ ਫਸਲਾਂ ਨੂੰ ਵੀ ਪ੍ਰਧਾਨ ਮੰਤਰੀ ਫਸਲ ਬੀਮਾ ਯੋਜਨਾ ਦੀ ਤਰਜ 'ਤੇ ਹਰਿਆਣਾ ਸਰਕਾਰ ਆਪਣੇ ਪੱਧਰ 'ਤੇ ਬੀਮਾ ਕਵਰ ਦੇਵੇਗੀ, ਇਸ ਦੇ ਲਈ ਯੋਜਨਾ ਤਿਆਰ ਕੀਤੀ ਗਈ ਹੈ| ਮੌਜੂਦਾ ਵਿਚ ਸੂਬੇ ਦਾ 5.26 ਲੱਖ ਹੈਕਟੇਅਰ ਖੇਤਰ ਬਾਗਬਾਨੀ ਫਸਲਾਂ ਦੇ ਅਧੀਨ ਹੈ, ਜੋ ਕੁੱਲ ਖੇਤਰ ਦਾ 7.07 ਫੀਸਦੀ ਬਣਦਾ ਹੈ| ਸਬਜੀ ਤੇ ਬਾਗਬਾਨੀਫਸਲ ਬੀਮਾ ਯੋਜਨਾ ਲਾਗੂ ਹੋਣ ਨਾਲ ਯਕੀਨੀ ਰੂਪ ਨਾਲ ਇਸ ਦੇ ਅਧੀਨ ਖੇਤਰ ਵਿਚ ਵਾਧਾ ਹੋਵੇਗਾ|
ਉਨਾਂ ਨੇ ਕਿਹਾ ਕਿ ਇਸ ਨਵੀਂ ਬੀਮਾ ਯੋਜਨਾ ਵਿਚ ਕਿਸਾਨਾਂ ਨੂੰ 2.5 ਫੀਸਦੀ ਦਾ ਪ੍ਰੀਮੀਅਮ ਦੇਣਾ ਹੋਵਗਾ ਅਤੇ ਉਨਾਂ ਨੂੰ ਪ੍ਰਤੀ ਏਕੜ 40, 000 ਰੁਪਏ ਦਾ ਬੀਮਾ ਕਵਰ ਮਿਲੇਗਾ| ਜਿਨਾਂ 14 ਸਬਜੀਆਂ ਦਾ ਇਸ ਬੀਮਾ ਕਵਰ ਵਿਚ ਸ਼ਾਮਿਲ ਕੀਤਾ ਜਾਵੇਗਾ, ਉਨਾਂ ਵਿਚ ਟਮਾਟਰ, ਪਿਆਜ, ਆਲੂ, ਬੰਦ ਗੋਭੀ, ਮਟਰ, ਗਾਜਰ, ਭਿੰਡੀ, ਲੌਕੀ, ਕਰੇਲਾ, ਬੈਂਗਨ, ਹਰੀ ਮਿਰਚ, ਸ਼ਿਮਲਾ ਮਿਰਚ, ਫੁੱਲ ਗੋਭੀ ਅਤੇ ਮੂਲੀ ਸ਼ਾਮਿਲ ਹਨ| ਇਸ ਤਰਾ, ਕਿਨੂੰ, ਅਮਰੂਦ, ਅੰਬ ਅਤੇ ਬੇਰ ਤੇ ਹਲਦੀ ਅਤੇ ਲਸਨ ਨੂੰ ਵੀ ਇਸ ਯੋਜਨਾ ਵਿਚ ਸ਼ਾਮਿਲ ਕੀਤਾ ਜਾਵੇਗਾ|
ਸ੍ਰੀ ਦਲਾਲ ਨੇ ਕਿਹਾ ਕਿ ਕਿਸਾਨ ਸਵੈ ਜਾਂ ਕਿਸਾਨ ਸਮੂਹ ਐਫਪੀਓ ਬਣਾ ਕੇ ਆਪਣੇ ਉਤਪਾਦ ਬ੍ਰਾਂਡ ਬਣਾ ਕੇ ਵੇਚਣ, ਇਸ ਦੇ ਲਈ ਵੀ ਕਿਸਾਨਾਂ ਨੂੰ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ| ਵਿਭਾਗ ਦਾ ਟੀਚਾ ਹੈ ਕਿ ਘੱਟ ਤੋਂ ਘੱਟ 500 ਤੋਂ ਵੱਧ ਐਫਪੀਓ ਬਣਾਏ ਜਾਣ ਅਤੇ ਇੰਨਾ ਦੇ ਵੱਲੋਂ ਏਕੀਕ੍ਰਿਤ ਪੈਕ ਹਾਊਸ ਬਣਾਏ ਜਾਣਗੇ, ਜਿੱਥੇ ਕਿਸਾਨ ਆਪਣੀ ਉਪਜ ਆਸਾਨੀ ਨਾਲ ਵੇਚ ਸਕਣਗੇ|