ਮੋਹਾਲੀ - ਕੇਂਦਰ ਦੀ ਬੀ ਜੇ ਪੀ ਸਰਕਾਰ ਵੱਲੋਂ ਦੇਸ਼ ਦੇ ਕਿਸਾਨ ਮਾਰੂ ਖੇਤੀ ਬਿੱਲਾਂ ਦੇ ਵਿਰੋਧ ਵਿੱਚ ਮੋਹਾਲੀ ਚਰਚਸ ਅਸੋਸੀਏਸ਼ਨ ਦੇ ਨੁਮਾਇੰਦਿਆਂ ਵੱਲੋਂ ਕੈਂਡਲ ਮਾਰਚ ਕੱਢ ਕੇ ਰੋਸ ਵਿਅਕਤ ਕੀਤਾ ਗਿਆ।
ਇਸ ਦੌਰਾਨ ਰੈਵ. ਅਨਿਲ ਰੋਏ ਜੀ ਨੇ ਕਿਹਾ ਕਿ ਇਨ੍ਹਾਂ ਤਿੰਨ ਖੇਤੀ ਬਿੱਲਾਂ (ਇਸ਼ੈਂਸ਼ਲ ਕਮੌਡਟੀ, ਕਾਂਟਰੈਕਟ ਫਾਰਮਿੰਗ ਅਤੇ ਏ ਪੀ ਐਮ ਸੀ) ਦੇ ਲਾਗੂ ਹੋਣ ਨਾਲ ਸਭ ਤੋਂ ਵੱਧ ਕਿਸਾਨ ਅਤੇ ਮਜ਼ਦੂਰ ਪ੍ਰਭਾਵਿਤ ਹੋਣਗੇ। ਇਹ ਬਿੱਲ ਕਿਸਾਨਾਂ ਦੀਆਂ ਜ਼ਮੀਨਾਂ ਲੀਜ਼ ਤੇ ਲੈਣ ਦੀ ਤਿਆਰੀ ਵੱਜੋਂ ਹਨ। ਇਹਨਾਂ ਬਿੱਲਾਂ ਦੇ ਦੇਸ਼ ਵਿੱਚ ਲਾਗੂ ਹੋਣ ਤੋਂ ਬਾਅਦ ਕਿਸਾਨਾਂ ਦੀਆਂ ਜ਼ਮੀਨਾਂ ਕਾਰਪੋਰੇਟ ਅਦਾਰਿਆਂ ਦੇ ਹੱਥਾਂ ਵਿੱਚ ਜਾਣ ਨਾਲ ਮਜ਼ਦੂਰਾਂ ਲਈ ਰੋਜ਼ਗਾਰ ਦੇ ਮੌਕੇ ਘੱਟਣਗੇ। ਇਹ ਕਿਸਾਨੀ ਲਈ ਅਣਸੁਖਾਵਾਂ ਮਾਹੌਲ ਪੈਦਾ ਕਰ ਦੇਣਗੇ। ਇਸ ਲਈ ਅਸੀਂ ਆਪਣੇ ਕਿਸਾਨ ਅਤੇ ਮਜ਼ਦੂਰ ਭਰਾਵਾਂ ਦੀ ਹਾਂ ਦੇ ਵਿੱਚ ਹਾਂ ਦਾ ਨਾਅਰਾ ਮਾਰਦੇ ਹੋਏ ਇਹਨਾਂ ਤਿੰਨੇ ਬਿੱਲਾਂ ਨੂੰ ਰੱਦ ਕਰਨ ਦੀ ਪੁਰਜੋਰ ਅਪੀਲ ਕਰਦੇ ਹਾਂ ਅਤੇ ਉਹਨਾਂ ਨੇ ਕਿਹਾ ਕਿ ਮੋਹਾਲੀ ਦਾ ਮਸੀਹੀ ਭਾਈਚਾਰਾ ਆਪਣੇ ਕਿਸਾਨ ਮਜ਼ਦੂਰ ਭਰਾਵਾਂ ਦੇ ਹਰ ਪੱਖੋਂ ਨਾਲ ਹੈ।
ਇਸ ਮੌਕੇ ਤੇ ਮੋਹਾਲੀ ਚਰਚਸ ਅਸੋਸੀਏਸ਼ਨ ਦੇ ਪ੍ਰਧਾਨ ਰੈਵ. ਅਨਿਲ ਰੋਏ, ਪਾਸਟਰ ਐਮ ਡੀ ਸੈਮੂਏਲ ਮੀਤ ਪ੍ਰਧਾਨ, ਸ਼ੀਜੂ ਫ਼ਿਲਿੱਪ ਖ਼ਜ਼ਾਨਚੀ, ਸ਼੍ਰੀ ਸੰਨੀ ਬਾਵਾ ਮੈਂਬਰ ਮਸੀਹ ਭਲਾਈ ਬੋਰਡ, ਪਾਸਟਰ ਰਾਜੂ ਚਾਕੂ ਜਨਰਲ ਸੈਕਟਰੀ, ਪਾਸਟਰ ਪ੍ਰਸਾਦ ਪੌਲ, ਪਾਸਟਰ ਦਰਸ਼ਨ, ਪਾਸਟਰ ਜੈ ਪਾਲ, ਬ੍ਰਦਰ ਰਿਤੇਸ਼, ਬ੍ਰਦਰ ਡੈਨੀਏਲ, ਬ੍ਰਦਰ ਲਾਲ ਚੰਦ, ਬਿਹਾਰੀ ਲਾਲ, ਸਲਵਿੰਦਰ ਅਤੇ ਬ੍ਰਦਰ ਅਨਿਲ ਆਦਿ ਹਾਜ਼ਰ ਸਨ।