ਖਰੜ : ਦੋ ਅਣਪਛਾਤੇ ਵਿਅਕਤੀਆਂ ਵੱਲੋਂ ਪਾਵਰਕਾਮ ਦੇ ਖਾਨਪੁਰ ਸਥਿਤ ਦਫਤਰ ਦੇ ਕ੍ਰਮਚਾਰੀਆਂ ਤੋਂ 2 ਲੱਖ 60 ਹਜਾਰ ਰੁਪਏ ਦੇ ਕਰੀਬ ਰਾਸ਼ੀ ਲੁੱਟਣ ਦੀ ਜਾਣਕਾਰੀ ਮਿਲੀ ਹੈ ।ਜਾਣਕਾਰੀ ਅਨੂਸਾਰ ਅੱਜ ਪਾਵਰਕਾਮ ਖਰੜ ਦੇ ਖਾਨਪੁਰ ਦਫਤਰ ਦੇ ਦੋ ਮੁਲਾਜਮ ਸਕੂਟਰ ਤੇ ਦਫਤਰ ਦਾ ਕੈਸ਼ ਲੈਕੇ ਬੈਂਕ ਅੰਦਰ ਜਮਾਂ ਕਰਵਾਉਣ ਜਾ ਰਹੇ ਸਨ। ਜਦੋਂ ਪੁਰਸ਼ ਅਤੇ ਮਹਿਲਾ ਕ੍ਰਮਚਾਰੀ ਰਣਜੀਤ ਨਗਰ ਕੋਲ ਪਹੂੰਚੇ ਤਾਂ ਦੋ ਅਣਪਛਾਤੇ ਵਿਅਕਤੀ ਉਨਾਂ ਕੋਲੋ 2 ਲੱਖ 60 ਹਜਾਰ ਰੁਪਏ ਕੈਸ਼ ਵਾਲਾ ਬੈਗ ਖੋਹ ਕੇ ਮੋਟਰਸਾਈਕਲ ਤੇ ਭੱਜਣ ਚ ਕਾਮਯਾਬ ਹੋ ਗਏ। ਸੂਚਨਾ ਮਿਲਣ ਤੇ ਐਸ.ਪੀ ਓਪਰੇਸ਼ਨ, ਐਸ.ਪੀ ਜਾਂਚ, ਡੀ.ਐਸ.ਪੀ ਖਰੜ ਰੁਪਿੰਦਰਦੀਪ ਕੌਰ ਸੋਹੀ ਸਮੇਤ ਪੁਲਿਸ ਪਾਰਟੀ ਨੇ ਵਾਰਦਾਤ ਵਾਲੀ ਥਾਂ ਤੇ ਪਹੂੰਚਕੇ ਪਾਵਰਕਾਮ ਕ੍ਰਮਚਾਰੀਆਂ ਤੋਂ ਘਟਨਾ ਸਬੰਧੀ ਜਾਣਕਾਰੀ ਹਾਸਲ ਕੀਤੀ।ਲੁਟੇਰਿਆਂ ਨੇ ਮੂੰਹ ਢੱਕੇ ਹੋਏ ਸਨ।ਸਿਟੀ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ।