ਖਰੜ :- ਦੇਸ਼ ਦੇ ਰਾਖੇ ਅਤੇ ਅਸਲੀ ਹੀਰੋ ਫੌਜੀ ਜਵਾਨਾਂ ਲਈ ਮਿਉਂਸਿਪਲ ਇੰਪਲਾਈਜ਼ ਯੂਨੀਅਨ ਰਜਿ: ਨਗਰ ਕੌਂਸਲ ਖਰੜ ਵੱਲੋਂ ਚੰਡੀਮੰਦਰ ਚੰਡੀਗਡ੍ਹ ਦੇ ਆਰਮੀ ਅਫਸਰਾਂ ਦੇ ਸਹਿਯੋਗ ਨਾਲ ਇੱਕ ਵਿਸ਼ੇਸ਼ ਖੂਨ ਦਾਨ ਕੈਂਪ ਲਗਾ ਕੇ 130 ਯੂਨਿਟ ਇਕੱਤਰ ਕੀਤੇ ਗਏ । ਕੈਂਪ ਵਿੱਚ ਐੱਸ ਡੀ ਐੱਮ ਖਰੜ ਸ੍ਰੀ ਹਿਮਾਂਸ਼ੂ ਜੈਨ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ ਅਤੇ ਖੂਨ ਦਾਨੀਆਂ ਦੀ ਹੌਸਲਾ ਅਫਜ਼ਾਈ ਕੀਤੀ।ਕੈਂਪ ਵਿੱਚ ਕਰਮਚਾਰੀਆਂ, ਅਫਸਰਾਂ, ਨਵਨਿਯੁਕਤ ਕੌਂਸਲਰਾਂ ਤੋਂ ਇਲਾਵਾ ਪ੍ਰਸਿੱਧ ਪੰਜਾਬੀ ਗਾਇਕ ਜੈਲੀ, ਸਚਿਨ ਆਹੂਜਾ ਮਿਊਜ਼ਿਕ ਡਾਇਰੈਕਟਰ, ਸੰਗੀਤ ਕੁਮਾਰ ਕਾਰਜਸਾਧਕ ਅਫਸਰ ਖਰੜ ਵਲੋਂ ਵੀ ਖੂਨਦਾਨ ਕੀਤਾ ਗਿਆ। ਇਸ ਮੌਕੇ ਮਿਉਂਸਿਪਲ ਇੰਪਲਾਈਜ਼ ਯੂਨੀਅਨ ਦੇ ਪ੍ਰਧਾਨ ਮਹੇਸ਼ ਚੰਦਰ, ਹਰਪ੍ਰੀਤ ਸਿੰਘ ਜਨਰਲ ਸਕੱਤਰ, ਜੀ ਐਮ ਸਿੰਘ ਜੁਆਇੰਟ ਸਕੱਤਰ, ਸੰਜੇ ਕੁਮਾਰ ਕਨਵੀਨਰ ਜਸਵੀਰ ਕੌਰ, ਅਮਰੀਕ ਸਿੰਘ, ਰਮੇਸ਼ ਚੰਦ, ਵਿਕਰਮ ਕੁਮਾਰ, ਦਰਸ਼ਨ ਸਿੰਘ, ਇੰਦਰ ਸਿੰਘ, ਕੁਲਜੀਤ ਸਿੰਘ ਸਮੇਤਹੋਰ ਮੌਜੂਦ ਸਨ।