ਜ਼ੀਰਕਪੁਰ -ਜ਼ੀਰਕਪੁਰ ਪੁਲਿਸ ਨੇ ਇੱਕ ਨੌਜਵਾਨ ਨੂੰ ਵਿਦੇਸ਼ ਭੇਜਣ ਦਾ ਝਾਂਸਾ ਦੇ ਕੇ 10 ਲੱਖ ਰੁਪਏ ਦੀ ਠੱਗੀ ਕਰਨ ਦੇ ਦੋਸ਼ ਟਰੈਵਲ ਏਜੰਟ ਪਤੀ ਪਤਨੀ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਰਮੇਸ਼ ਕੁਮਾਰ ਪੁੱਤਰ ਸੋਹਣ ਲਾਲ ਵਾਸੀ ਮਕਾਨ ਨੰਬਰ 605 ਟੀ—3 ਮੋਤੀਆ ਹਾਈਟਸ ਢਕੋਲੀ ਜ਼ੀਰਕਪੁਰ ਨੇ ਦਸਿਆ ਕਿ ਉਸ ਨੇ ਸਾਲ 2020 ਵਿੱਚ ਅਪਣੇ ਲੜਕੇ ਨੂੰ ਵਿਦੇਸ਼ ਭੇਜਣ ਲਈ ਟਰੈਵਲ ਏਜੰਟ ਪਤੀ—ਪਤਨੀ ਸੁਸ਼ੀਲ ਸਹਿਗਲ ਪੁੱਤਰ ਰੋਸ਼ਨ ਲਾਲ ਅਤੇ ਸਮਰਿਧੀ ਸਹਿਗਲ ਪਤਨੀ ਸੁਸ਼ੀਲ ਸਹਿਗਲ ਵਾਸੀ ਮਕਾਨ ਨੰਬਰ 1301 ਬਲਾਕ ਬੀ 13 ਫਲੋਰ ਐਪੇਕਸ ਗਰੀਨ ਵੈਲੀ ਗਾਜ਼ੀਆਬਾਦ ਯੂ.ਪੀ ਨਾਲ ਸ਼ਮਪਰਕ ਕੀਤਾ ਸੀ ਜਿਨ੍ਹਾ ਨੇ ਉਸ ਤੋਂ ਉਸ ਦੇ ਲੜਕੇ ਨੂੰ ਵਿਦੇਸ਼ ਭੇਜਣ ਲਈ 10 ਲੱਖ ਰੁਪਏ ਲੈ ਲਏ।ਜਦ ਉਨ੍ਹਾਂ ਨੇ ਲੰਮਾ ਸਮਾ ਬੀਤ ਜਾਣ ਦੇ ਬਾਵਜੂਦ ਉਸ ਦੇ ਲੜਕੇ ਨੂੰ ਬਾਹਰ ਨਹੀ ਭੇਜਣ ਤੇ ਉਸ ਨੇ ਅਪਣੇ ਪੈਸੇ ਵਾਪਿਸ ਮੰਗੇ ਉਨ੍ਹਾਂ ਨੇ ਪੈਸੇ ਦੇਣ ਵਿੱਚ ਟਾਲਮਟੌਲ ਕਰਨੀ ਆਰੰਭ ਕਰ ਦਿੱਤੀ।ਉਸ ਵਲੋਂ ਮਾਮਲੇ ਦੀ ਸ਼ਿਕਾਇਤ ਪੁਲਿਸ ਦੇ ਉੱਚ ਅਧਿਕਾਰੀਆਂ ਨੂੰ ਦੇਣ ਤੇ ਉਨ੍ਹਾਂ ਵਲੋਂ ਕੀਤੀ ਪੜਤਾਲ ਤੋਂ ਬਾਅਦ ਪੁਲਿਸ ਨੇ ਟ੍ਰੈਵਲ ਏਜੰਟ ਪਤੀ ਪਤਨੀ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।