ਜੀਰਕਪੁਰ -ਜੀਰਕਪੁਰ ਪਟਿਆਲਾ ਸੜਕ ਤੇ 28 ਮਾਰਚ ਨੂੰ ਸੜਕ ਹਾਦਸੇ ਵਿੱਚ ਜਖਮੀ ਹੋਏ 20 ਸਾਲਾ ਨੌਜਵਾਨ ਦੀ ਅੱਜ ਹਸਪਤਾਲ ਵਿੱਚ ਜੇਰੇ ਇਲਾਜ ਮੌਤ ਹੋ ਗਈ। ਪੁਲਿਸ ਸੂਤਰਾਂ ਅਨੁਸਾਰ ਰਜਿੰਦਰ ਸਿੰਘ (20) ਵਾਸੀ ਪਿੰਡ ਗੁੜਾਣਾ ਅਪਣੇ ਮੋਸਟਰਾਈਕਲ ਤੇ ਸਵਾਰ ਹੋ ਕੇ ਜੀਰਕਪੁਰ ਵਲ ਆ ਰਿਹਾ ਸੀ ਜਦ ਉਹ ਪਿੰਡ ਦਿਆਲਪੁਰਾ ਕੋਲ ਪੁਜਿਆ ਤਾਂ ਉਸ ਨੂੰ ਕਿਸੇ ਅਣਪਛਾਤੇ ਵਾਹਨ ਚਾਲਕ ਨੇ ਫੇਟ ਮਾਰ ਕੇ ਗੰਭੀਰ ਜਖਮੀ ਕਰ ਦਿੱਤਾ। ਜਿਸ ਦੀ ਅੱਜ ਸ਼ਾਮ ਚੰਡੀਗੜ੍ਹ ਸੈਕਟਰ 32 ਦੇ ਹਸਪਤਾਲ ਵਿੱਚ ਮੌਤ ਹੋ ਗਈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਬ ਕਰ ਦਿੱਤੀ ਹੈ।