ਸੂਰਜ ਦੀ ਗਰਮੀ ਵਿਚ ਬਲਿਆ ਹਾਂ
ਤੇਜ ਧੁੱਪਾਂ ਵਿਚ ਜਲਿਆ ਹਾਂ
ਤਾਹਨੇ ਮਿਹਣੇ ਹਜਾਰ ਨੇ ਮਿਲਦੇ
ਉਹਨਾਂ ਵਿਚ ਰਹਿ ਕੇ ਢਲਿਆਂ ਹਾਂ
ਠੰਢਾ ਬੁੱਲਾ ਨਾ ਕਿਧਰੋਂ ਆਵੇ
ਕੌੜੇ ਬੋਲਾਂ ਨੇ ਹੀ ਧਰਿਆ ਹਾਂ
ਮਿੱਤਰ ਮੇਰਾ ਨਾ ਕੋਈ ਦਿਸਦਾ
ਦੁਸ਼ਮਣਾਂ ਸੰਗ ਮੈਂ ਲੜਿਆਂ ਹਾਂ
ਰਿਸ਼ਤੇਦਾਰ ਵੀ ਪਾਸੇ ਹੋ ਗਏ
ਸੱਚ ਦੇ ਨਾਲ ਜਦ ਖੜ੍ਹਿਆਂ ਹਾਂ
ਜਮੀਰ ਮਾਰ ਕੇ ਮੈਂ ਨਹੀਂ ਜਿਊਣਾ
ਸ਼ੁਰੂ ਤੋਂ ਸਬਕ ਇਹ ਪੜ੍ਹਿਆ ਹਾਂ
ਹਿੱਕ ਤਾਣ ਕੇ ਜਦ ਮੈਂ ਚੱਲਾਂ
ਲੋਕੀਂ ਆਖਣ ਮਰਿਆ ਹਾਂ
ਲੋਕਾਂ ਉਤੇ ਹਾਸਾ ਆਵੇ
ਮੈਂ ਸਵਾਰਥ ਤੋਂ ਉਤੇ ਚੜ੍ਹਿਆ ਹਾਂ
ਮੇਰੇ ਸਾਹਮਣੇ ਲੋਕ ਨਾ ਖੜ੍ਹਦੇ
ਬੁਰਾਈ ਮਿਟਾਉਣ ਨੂੰ ਲੜਿਆ ਹਾਂ
ਸਵਾਰਥੀ ਲੋਕ ਖਿਸਕ ਨੇ ਜਾਂਦੇ
ਪੰਚਾਇਤ ਵਿਚ ਜਦ ਵੜਿਆਂ ਹਾਂ
ਸੱਚ ਕਹਿਣ ਦੀ ਆਦਤ ਮੇਰੀ
ਝੂਠਿਆਂ ਨੇ ਬਦਨਾਮ ਕਰਿਆਂ ਹਾਂ
"ਮਾਵੀ" ਨੇ ਸੱਚ ਕਹਿੰਦੇ ਰਹਿਣਾ
ਮੈਂ ਸੱਚਿਆ ਦੇ ਸੰਗ ਰਲਿਆਂ ਹਾਂ