ਮੇਲੋ ਦਾ ਕੱਦ ਕੰਧ ਨਾਲੋਂ ਉੱਚਾ ਹੋਣ ਲੱਗਾ। ਬੇਬੇ ਨੇ ਦੋ ਖਣਾਂ ਕਮਰੇ ਦੇ ਦਰਵਾਜ਼ੇ ਦਾ ਖਿਆਲ ਘੱਟ ਤੇ ਗਲੀ ਵੱਲ ਧਿਆਨ ਵੱਧ ਰੱਖਣਾ ਸ਼ੁਰੂ ਕਰ ਦਿੱਤਾ।
ਮੇਲੋ ਦਾ ਬਾਪੂ ਦਿਹਾੜੀ ਕਰਕੇ ਘਰ ਆਉਂਦਾ ਤਾਂ ਰੋਜ਼ਾਨਾ ਕੰਧ ਦੀ ਗੱਲ ਸ਼ੁਰੂ ਹੋ ਜਾਂਦੀ। ਘਰ ਵਿੱਚ ਇੱਕ ਤੂਫ਼ਾਨ ਆ ਜਾਂਦਾ ਪਰ ਗੱਲ ਕਿਸੇ ਸਿਰੇ ਨਾ ਲੱਗਦੀ। ਬੇਬੇ ਕੰਧ ਉੱਚੀ ਕਰਨ ਤੇ ਖ਼ਰਚ ਕਰਨ ਦੀ ਗੱਲ ਰੱਖਦੀ ਤੇ ਬਾਪੂ ਮੇਲੋ ਦੇ ਵਿਆਹ ਮੌਕੇ ਸਿਰ ਤੇ ਚੜ੍ਹਨ ਵਾਲੇ ਕਰਜ਼ ਬਾਰੇ ਸੋਚਦਾ ਹੋਇਆ ਕਦੇ ਮੇਲੋ ਦੇ ਉੱਚੇ ਕੱਦ ਤੇ ਕਦੇ ਨੀਵੀਂ ਕੰਧ ਨੂੰ ਦੇਖਣ ਲੱਗ ਜਾਂਦਾ।