ਜੀਰਕਪੁਰ - ਹਲਕਾ ਡੇਰਾਬਸੀ ਅਧੀਨ ਪੈਂਦੀ ਕੋਆਪ੍ਰੇਟਿਵ ਸੁਸਾਇਟੀ ਛੱਤ ਵਿਖੇ ਪੰਜਾਬ ਸਰਕਾਰ ਦੀ ਕਰਜ਼ਾ ਰਾਹਤ ਸਕੀਮ ਤਹਿਤ ਸਮਾਗਮ ਕਰਵਾਇਆ ਗਿਆ। ਜਿਸ ‘ਚ ਸੀਨੀਅਰ ਕਾਂਗਰਸੀ ਆਗੂ ਦੀਪਇੰਦਰ ਸਿੰਘ ਢਿੱਲੋਂ ਨੇ ਮੁੱਖ ਮਹਿਮਾਨ ਵਜੋਂ ਸ਼ਮੂਲੀਅਤ ਕਰਦਿਆਂ ਛੱਤ ਸੋਸਾਇਟੀ ਅਧੀਨ ਆਉਂਦੇ ਪਿੰਡ ਦਿਆਲਪੁਰਾ, ਅੱਡਾ ਝੁੰਗੀਆ, ਨਾਭਾ ਸਹਿਬ, ਰਾਮਗੜ੍ਹ ਭੁਡਾ ਦੇ ਕਰਜ਼ਾ ਮੁਆਫੀ ਦੇ ਲਾਭਪਾਤਰੀਆਂ ਨੂੰ ਚੈੱਕ ਪ੍ਰਦਾਨ ਕੀਤੇ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੀਪਇੰਦਰ ਸਿੰਘ ਢਿੱਲੋਂ ਨੇ ਦਸਿਆ ਕਿ ਅੱਜ ਉਨ੍ਹਾਂ ਵੱਲੋਂ ਸਰਕਾਰ ਦੀ ਕਰਜ਼ਾ ਰਾਹਤ ਸਕੀਮ ਦੇ ਤਹਿਤ ਛੱਤ ਸੁਸਾਇਟੀ ਦੇ 104 ਬੇਜ਼ਮੀਨੇ ਖੇਤ ਮਾਜਦੂਰਾਂ ਦਾ 26 ਲੱਖ ਦਾ ਕਾਰਜ ਮਾਫ ਕਰਵਾ ਕੇ ਉਨ੍ਹਾਂ ਨੂੰ ਰਾਹਤ ਰਾਸ਼ੀ ਦੇ ਚੈੱਕ ਦਿੱਤੇ ਗਏ ਹਨ।ਉਨ੍ਹਾਂ ਦਸਿਆ ਕਿ ਹਲਕਾ ਪੱਧਰ ਤੇ ਡੇਰਾਬੱਸੀ ਵਿਚ ਬੇਜਮੀਨੇ 1109 ਮੈਬਰਾਂ ਦਾ ਕੁੱਲ 2 ਕਰੋੜ 39 ਲੱਖ ਰੁਪਏ ਦਾ ਕਰਜਾ ਮਾਫ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਕਾਂਗਰਸ ਸਰਕਾਰ ਵੱਲੋਂ ਕਿਸਾਨਾਂ ਦੀ ਕਰਜ਼ਾ ਮੁਆਫੀ ਕਰਨਾ ਬਹੁਤ ਹੀ ਸ਼ਲਾਘਾਯੋਗ ਕਦਮ ਹੈ ਇਸ ਨਾਲ ਕਿਸਾਨਾਂ ਅਤੇ ਬੇਜ਼ਮੀਨੇ ਖੇਤ ਮਜ਼ਦੂਰਾਂ ਨੂੰ ਵੱਡੀ ਰਾਹਤ ਮਿਲੇਗੀ। ਇਸ ਮੋਕੇ ਤੇ ਦੀਪਇੰਦਰ ਢਿੱਲੋਂ ਨਾਲ ਸਹਾਇਕ ਰਜਿਸਟਰਾਰ ਡੇਰਾਬੱਸੀ ਈਸ਼ਾ ਸਰਮਾ, ਇੰਸਪੈਕਟਰ ਰਬਦੀਪ ਸਿੱਧੂ , ਸੈਕਟਰੀ ਸੁਖਵਿੰਦਰ ਸਿੰਘ, ਜਤਿੰਦਰ ਸਿੰਘ ਪ੍ਰਧਾਨ ਗਿਆਨ ਸਿੰਘ ਛੱਤ , ਨਿਰਮੈਲ ਸਿੰਘ ਸੁਰਿੰਦਰ ਸਿੰਘ, ਹਰਪਾਲ ਸਿੰਘ ਨੀਟੂ ਸਮੇਤ ਮੀਡਿਆ ਇੰਚਾਰਜ ਸੁਮੀਤ ਗਰਗ ਮੌਜੂਦ ਸਨ।