ਖਰੜ, ਹੋਲੀ ਬੇਸਿਲ ਮੈਡੀਕਲੀਨਿਕ ਖਰੜ ਵਿਖੇ ਆਪਣੀ ਕਿਸਮ ਦਾ ਪਹਿਲਾਂ ਡਾਇਬੀਟੀਜ਼ ਈਕੋਸਿਸਟਮ ਲਾਂਚ ਕੀਤਾ ਗਿਆ। ਮੈਡੀਕਲੀਨਿਕ ਦੇ ਡਾਇਰੈਕਟਰ ਡਾ.ਸਚਿਨ ਵਰਮਾ ਨੇ ਕਿਹਾ ਕਿ ਅੱਜ ਦੇ ਯੁੱਗ ਵਿਚ ਡਾਇਬਟੀਜ਼ ਈਕੋਸਿਸਟਮ ਸਭ ਤੋਂ ਜ਼ਰੂਰੀ ਹੈ। ਉਨ੍ਹਾਂ ਕਿਹਾ ਕਿ ਸ਼ੂਗਰ ਦੇ ਮਰੀਜ਼ਾਂ ਲਈ ਅਜਿਹੀਆਂ ਬਹੁਤ ਸਾਰੀਆਂ ਐਪਾਂ ਹਨ ਪਰ ਜੇਕਰ ਮਰੀਜ਼ ਫਿਜ਼ੀਕਲ ਕਲੀਨਿਕ ਵਿਚ ਚੈਕਅੱਪ ਕਰਵਾਉਣਾ ਚਾਹੁੰਦਾ ਹਾਂ ਤਾਂ ਉਨ੍ਹਾਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਪਰ ਹੋਲੀ ਬੇਸਿਲ ਮੈਡੀਕਲੀਨਿਕ ਆਪਣੀ ਐਪ ਦੇ ਨਾਲ ਨਾਲ ਨਾਲ ਮਰੀਜ਼ਾਂ ਲਈ ਸਰੀਰਕ ਤੌਰ ਤੇ ਵੀ ਚੈਕਅੱਪ ਦੀ ਸਹੂਲਤ ਪ੍ਰਦਾਨ ਕਰ ਰਿਹਾ ਹੈ। ਅਜੈ ਦਵੇਸਰ ਨੇ ਕਿਹਾ ਕਿ ਈਕੋ ਸਿਸਟਮ ਦੇ ਰਾਹੀ ਮਰੀਜ਼ ਸ਼ੂਗਰ ਤੋਂ ਛੁਟਕਾਰਾ ਪਾ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਸ਼ੂਗਰ ਮਹਾਂਮਾਰੀ ਦੇ ਅੰਕੜੇ ਦੱਸਦੇ ਹਨ ਕਿ ਆਉਣ ਸਮੇ ਵਿਚ ਭਾਰਤ ਵਿਚ ਸ਼ੂਗਰ ਦੇ ਸਭ ਤੋਂ ਵੱਧ ਮਰੀਜ਼ ਹੋਣਗੇ ਪਰ ਜੇਕਰ ਲੋਕ ਇਸ ਨਾਲ ਜੁੜ ਜਾਣ ਤਾਂ ਉਨ੍ਹਾਂ ਨੂੰ ਫਾਇਦਾ ਹੋਵੇਗਾ। ਉਨ੍ਹਾਂ ਦਸਿਆ ਕਿ ਹੋਲੀ ਬੇਸਿਲ ਕਲੀਨਿਕ ਖਰੜ ਅਤੇ ਮਾਤ੍ਰਾ ਆਰਟੀਫੀਸ਼ੀਅਲ ਇੰਟੈਲੀਜੈਸ ਕੰਪਨੀ ਦਾ ਸਾਂਝਾ ਪ੍ਰੋਜੈਕਟ ਹੈ ਜਿਸ ਨਾਲ ਸ਼ੂਗਰ ਦੇ ਮਰੀਜ਼ਾਂ ਨੂੰ ਕਾਫੀ ਫਾਇਦਾ ਹੋਵੇਗਾ। ਇਸ ਮੌਕੇ ਡਾ. ਰਜਨੀਸ਼, ਮੇਘਾ ਜੋਸੀ, ਪੂਜਾ, ਸਾਨਵੀ ਗੁਪਤਾ, ਡਾ. ਸੰਤੋਸ਼ ਸਮੇਤ ਹੋਰ ਮੈਂਬਰ ਹਾਜ਼ਰ ਸਨ।