ਚੰਡੀਗੜ੍ਹ - ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਸਰਕਾਰ ਕੋਰੋਨਾ ਦੀ ਤੀਜੀ ਲਹਿਰ ਦੀ ਕਿਸੇ ਵੀ ਸਥਿਤੀ ਨਾਲ ਨਜਿੱਠਣ ਲਈ ਪੂਰੀ ਮੁਸਤੈਦੀ ਨਾਲ ਕਾਰਜ ਕਰ ਰਹੀ ਹੈ।
ਮੁੱਖ ਮੰਤਰੀ ਅੱਜ ਇੱਥੇ ਕੋਰੋਨਾ-19 ਦੀ ਸਮੀਖਿਆ ਮੀਟਿੰਗ ਦੀ ਅਗਵਾਈ ਕਰ ਰਹੇ ਸਨ। ਮੀਟਿੰਗ ਵਿਚ ਸਾਰੇ ਜਿਲ੍ਹਾ ਡਿਪਟੀ ਕਮਿਸ਼ਨਰ ਵੀਸੀ ਰਾਹੀਂ ਜੁੜੇ। ਉਨ੍ਹਾਂ ਨੇ ਡਿਪਟੀ ਕਮਿਸ਼ਨਰਾਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਜਿਲ੍ਹਿਆਂ ਵਿਚ ਆਕਸੀਜਨ ਪਲਾਂਟ, ਹਸਪਤਾਲ ਅਤੇ ਜਰੂਰੀ ਸਮੱਗਰੀ ਅਤੇ ਹੋਰ ਸਹੂਲਤਾਂ ਦੀ ਸਮੀਖਿਆ ਕਰਨਾ ਯਕੀਨੀ ਕਰਨ। ਮੁੱਖ ਮੰਤਰੀ ਨੇ ਕਿਹਾ ਕਿ ਡਿਪਟੀ ਕਮਿਸ਼ਨਰ ਆਪਣੇ ਜਿਲ੍ਹਿਆਂ ਦੀ ਲੋਕਲ ਲੇਵਲ ਕਮੇਟੀਆਂ ਨੂੰ ਵੀ ਚੌਕਸ ਰੱਖਣ। ਆਂਗਨਵਾੜੀ ਵਰਕਰ ਅਤੇ ਸਿਖਿਆ ਵਿਭਾਗ ਦੀ ਵੀ ਜਰੂਰਤ ਪੈਣ 'ਤੇ ਉਨ੍ਹਾਂ ਦੀਆਂ ਸੇਵਾਵਾਂ ਲਈ ਜਾ ਸਕਕਦੀਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਬੱਸ ਸਟੈਂਡ, ਮਿਨੀ ਸਕੱਤਰੇਤ, ਮਾਲ, ਜਿਮ ਅਤੇ ਹੋਰ ਪਬਲਿਕ ਸਥਾਨਾਂ 'ਤੇ ਪੂਰੀ ਨਿਗਰਾਨੀ ਰੱਖਣ ਅਤੇ ਸੰਸਥਾਨਾਂ 'ਤੇ ਬਿਨ੍ਹਾਂ ਵੈਕਸਿਨ ਡੋਜ ਲਗਵਾਏ ਲੋਕਾਂ ਦੀ ਨੌ ਐਂਟਰੀ ਕਰਨ।
ਮੁੱਖ ਮੰਤਰੀ ਨੇ ਕਿਹਾ ਕਿ ਵਿਦੇਸ਼ ਯਾਤਰਾ ਕਰ ਕੇ ਆਉਣ ਵਾਲੇ ਯਾਤਰੀਆਂ 'ਤੇ ਪੂਰੀ ਨਿਗਰਾਨੀ ਰੱਖੀ ਜਾਵੇ, ਜਦੋਂ ਤਕ ਇਹ ਯਕੀਨੀ ਨਾ ਹੋਵੇ, ਕਿ ਉਨ੍ਹਾਂ ਵਿਚ ਕਿਸੇ ਵੀ ਤਰ੍ਹਾ ਦੇ ਕੋਵਿਡ ਸਬੰਧੀ ਲੱਛਣ ਨਹੀਂ ਹੋਣ। ਟੇਸਟਿੰਗ ਦੀ ਰਿਪੋਰਟ ਆਉਣ ਤਕ ਉਨ ੍ਹਾਂ ਨੂੰ ਹੋਮ ਆਈਸੋਲੇਟ ਕਰਨ। ਮੁੱਖ ਮੰਤਰੀ ਨੇ ਇਹ ਵੀ ਜਾਣੁੰ ਕਰਵਾਇਆ ਕਿ ਨਵੇਂ ਵੈਰਇਏਂਟ ਦੀ ਟੇਸਟਿੰਗ ਦੀ ਸਹੂਲਤ ਮਹਾਰਿਸ਼ੀ ਦਿਆਨੰਦ ਯੂਨੀਵਰਸਿਟੀ ਰੋਹਤਕ ਵਿਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਹੁਣ ਟੇਸਟਿੰਗ ਦੇ ਨਤੀਜੇ ਜਲਦੀ ਆਉਣੇ ਸ਼ੁਰੂ ਹੋ ਜਾਣਗੇ। ਇਸ ਤੋਂ ਇਲਾਵਾ, ਹੋਰ ਸਥਾਨਾਂ 'ਤੇ ਟੇਸਟਿੰਗ ਵਧਾਈ ਜਾ ਰਹੀ ਹੈ।
ਉਨ੍ਹਾਂ ਨੇ ਕਿਹਾ ਕਿ ਨਵੇਂ ਵੈਰੀਏਂਟ ਦਾ ਪ੍ਰਭਾਵ ਤੇਜੀ ਨਾਲ ਵੱਧ ਰਿਹਾ ਹੈ ਅਤੇ ਦੂਜੀ ਲਹਿਰ ਦਾ ਵੈਰੀਏਂਟ ਵੀ ਐਕਟਿਵ ਹੈ। ਇਸ ਲਈ ਏਹਤਿਆਤ ਵਰਤਣਾ ਬਹੁਤ ਜਰੂਰੀ ਹੈ। ਉਨ੍ਹਾਂ ਨੇ ਨਾਇਟ ਮੂਵਮੈਂਟ ਦੀ ਪਾਬੰਦੀ ਸਖਤੀ ਨਾਲ ਪਾਲਣਾ ਕਰਨ ਦੇ ਨਿਰਦੇਸ਼ ਦਿੱਤੇ। ਮੁੱਖ ਮੰਤਰੀ ਨੇ ਕਿਹਾ ਕਿ ਨਿਜੀ ਪੱਧਰ 'ਤੇ ਕੋਵਿਡ ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਵਾਲਿਆਂ 'ਤੇ 500 ਰੁਪਏ ਅਤੇ ਸੰਸਥਾਵਾਂ 'ਤੇ 5000 ਰੁਪਏ ਤਾ ਜੁਰਮਾਨਾ ਕੀਤੇ ਜਾਣ ਦਾ ਪ੍ਰਾਵਧਾਨ ਹੈ।
ਮੁੱਖ ਮੰਤਰੀ ਨੇ ਕਿਹਾ ਕਿ ਹੈਲਥ ਵਰਕਰ ਅਤੇ ਫ੍ਰੰਟਲਾਇਨ ਵਰਕਰ ਅਤੇ 60 ਸਾਲ ਤੋਂ ਵੱਧ ਉਮਰ ਦੇ ਵਿਅਕਤੀਆਂ ਦੇ ਲਈ 10 ਜਨਵਰੀ ਤੋਂ ਕੋਰੋਨਾ ਪ੍ਰੀਕਾਸ਼ਨ ਡੋਜ ਲਗਾਉਣੀ ਸ਼ੁਰੂ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ, 15 ਤੋਂ 18 ਸਾਲ ਤਕ ਦੀ ਉਮਰ ਦੇ ਬੱਚਿਆਂ ਨੂੰ ਵੀ 3 ਜਨਵਰੀ ਤੋਂ ਕੌ-ਵੈਕਸਿਨ ਲਗਾਉਣੀ ਸ਼ੁਰੂ ਕੀੀਤ ਜਾਵੇਗੀ।
ਮੁੱਖ ਮੰਤਰੀ ਨੇ ਕਿਹਾ ਕਿ ਗੁਰੂਗ੍ਰਾਮ, ਫਰੀਦਾਬਾਦ, ਪੰਚਕੂਲਾ, ਸੋਨੀਪਤ ਤੇ ਅੰਬਾਲਾ ਵਿਚ ਕੋਰੋਨਾ ਦੇ ਮਾਮਲੇ ਵੱਧ ਰਹੇ ਹਨ। ਇਸ ਲਈ ਇੰਨ੍ਹਾਂ ਜਿਲ੍ਹਿਆਂ ਨੁੰ ਏ ਗਰੁੱਪ ਵਿਚ ਰੱਖਿਆ ਗਿਆ ਹੈ। ਇੰਨ੍ਹਾਂ ਜਿਲ੍ਹਿਆਂ ਵਿਚ ਵੱਧ ਸਾਵਧਾਨੀ ਵਰਤਣ ਅਤੇ ਚੌਕਸ ਰਹਿਣ ਦੀ ਜਰੂਰਤ ਹੈ। ਉਨ੍ਹਾਂ ਨੇ ਡਿਪਟੀ ਕਮਿਸ਼ਨਰਾਂ ਨੁੰ ਰੋਜਾਨਾ ਕੋਰੋਨਾ ਕੇਸਾਂ ਦੀ ਸਮੀਖਿਆ ਕਰਨ ਨੂੰ ਵੀ ਕਿਹਾ। ਹਰ ਰੋਜ ਲਗਭਗ 3 ਲੱਖ ਵੈਕਸੀਨੇਸ਼ਨ ਡੋਜ ਲਗਾਈ ਜਾ ਰਹੀ ਹੈ ਅਤੇ ਹੁਣ ਤਕ ਲਗਭਗ 3 ਕਰੋੜ 45 ਲੱਖ ਲੋਕਾਂ ਨੂੰ ਵੈਕਸਿਨ ਲਗਾਈ ਜਾ ਚੁੱਕੀ ਹੈ। ਇਸ ਵਿਚ ਲਗਭਗ 2 ਕਰੋੜ ਲੋਕਾਂ ਨੂੰ ਪਹਿਲੀ ਅਤੇ ਇਕ ਕਰੋੜ 44 ਲੱਖ ਲੋਕਾਂ ਨੁੱ ਦੂਜੀ ਵੈਕਸਿਨ ਡੋਜ ਸ਼ਾਮਿਲ ਹੈ।
ਮੀਟਿੰਗ ਵਿਚ ਮੁੱਖ ਮੰਤਰੀ ਦੇ ਮੁੱਖ ਪ੍ਰਧਾਨ ਸਕੱਤਰ ਡੀਐਸ ਢੇਸੀ, ਮੁੱਖ ਸਕੱਤਰ ਸੰਜੀਵ ਕੌਸ਼ਲ, ਵਧੀਕ ਮੁੱਖ ਸਕੱਤਰ ਮਾਲ ਅਤੇ ਆਪਦਾ ਪ੍ਰਬੰਧਨ ਪੀਕੇ ਦਾਸ, ਵਧੀਕ ਮੁੱਖ ਸਕੱਤਰ ਸਿਹਤ ਵਿਭਾਗ ਰਾਜੀਵ ਅਰੋੜਾ, ਐਨਐਚਐਮ ਡਾਇਰੈਕਟਰ ਪ੍ਰਭਜੋਤ ਸਿੰਘ, ਏਡੀਆਈਪੀਆਰ ਵਰਸ਼ਾ ਖਨਗਵਾਲ ਵੀ ਮੌਜੂਦ ਸਨ।