ਰਾਸ਼ਟਰੀ ਸਿੱਖਿਆ ਸਮਿਤੀ, ਟੋਹਾਣਾ, ਜਿਲ੍ਹਾ ਫਤੇਹਾਬਾਦ ਦੁਆਰਾ 'ਹਰਿਆਣਾ ਗੌਰਵ ਪੁਰਸਕਾਰ' ਦੀ ਚੋਣ ਵਾਸਤੇ ਰਾਜ-ਪੱਧਰੀ ਹਿੰਦੀ ਵਿਆਕਰਣ ਪ੍ਰਤੀਯੋਗਤਾ-2021 ਦੀ ਪ੍ਰੀਖਿਆ ਲਈ ਗਈ। ਇਸ ਮੁਕਾਬਲੇ ਵਿੱਚ ਅਕਾਲ ਅਕੈਡਮੀ ਡਾਕਰਾ ਸਾਹਿਬ, ਪੰਚਕੁਲਾ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ, ਜਿਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਨਤੀਜੇ ਵਜੋਂ ਅਕਾਲ ਅਕੈਡਮੀ ਡਾਕਰਾ ਸਾਹਿਬ ਨੂੰ ਸਭ ਤੋਂ ਜ਼ਿਆਦਾ ਮੈਰਿਟ ਜੇਤੂ ਸਕੂਲਾਂ ਦੀ ਲਿਸਟ ਵਿੱਚ ਸ਼ਾਮਲ ਕੀਤਾ ਗਿਆ। ਇਸ ਤੋਂ ਇਲਾਵਾ ਅਕੈਡਮੀ ਨੂੰ ਸਰਬੋਤਮ ਪ੍ਰੀਖਿਆ ਕੇਂਦਰਾਂ ਦੀ ਲਿਸਟ ਵਿੱਚ ਵੀ ਸ਼ਾਮਲ ਕੀਤਾ ਗਿਆ ਹੈ।
ਇਸ ਪ੍ਰਤੀਯੋਗਤਾ ਵਿੱਚ ਸੀਨੀਅਰ ਵਰਗ (9ਵੀਂ, 10ਵੀਂ), ਜੂਨੀਅਰ ਵਰਗ-ਏ (7ਵੀਂ , 8ਵੀਂ) ਅਤੇ ਜੂਨੀਅਰ ਵਰਗ-ਬੀ (5ਵੀਂ , 6ਵੀਂ) ਵਿੱਚ ਵਿਦਿਆਰਥੀਆਂ ਨੇ ਭਾਗ ਲਿਆ।
ਜੇਤੂ ਵਿਦਿਆਰਥੀਆਂ ਦਾ ਇਨਾਮ-ਵੰਡ ਸਮਾਰੋਹ 5 ਫਰਵਰੀ 2022 ਨੂੰ ਕੰਨਿਆ ਗੁਰੂਕੁਲ ਖੇੜਾ, ਜੀਂਦ ਵਿੱਚ ਕੀਤਾ ਜਾਵੇਗਾ। ਨਾਲ ਹੀ ਮੈਰਿਟ ਜੇਤੂ ਸਕੂਲਾਂ ਦੇ ਪ੍ਰਿੰਸੀਪਲ ਅਤੇ ਹਿੰਦੀ ਅਧਿਆਪਕਾਂ ਨੂੰ ਵੀ ਸਨਮਾਨਿਤ ਕੀਤਾ ਜਾਵੇਗਾ।
ਸ਼੍ਰੋਮਣੀ ਪੰਥ ਰਤਨ ਬਾਬਾ ਇਕਬਾਲ ਸਿੰਘ ਜੀ ਦੀ ਅਗਵਾਈ ਹੇਠ ਕਲਗੀਧਰ ਟ੍ਰਸਟ, ਬੜੂ ਸਾਹਿਬ ਦੁਆਰਾ ਉੱਤਰੀ ਭਾਰਤ ਦੇ ਪੇਂਡੂ ਖੇਤਰਾਂ ਵਿੱਚ 129 ਅਕਾਲ ਅਕੈਡਮੀਆਂ ਚਲਾਈਆਂ ਜਾ ਰਹੀਆਂ ਹਨ, ਜੋ ਬੱਚਿਆਂ ਦੇ ਸਰਵਪੱਖੀ ਵਿਕਾਸ ਲਈ ਆਧੁਨਿਕ ਵਿਗਿਆਨਿਕ ਵਿੱਦਿਆ ਅਤੇ ਅਧਿਆਤਮ ਦਾ ਸੁਮੇਲ ਪ੍ਰਦਾਨ ਕਰ ਰਹੀਆਂ ਹਨ।