ਰੋਪੜ ਫੁੱਟਬਾਲ ਕਲੱਬ ਨੇ ਜਿੱਤਿਆ ਮਲਿਕਪੁਰ ਟੂਰਨਾਮੈਂਟ ਵਿੱਚ ਪਹਿਲਾ ਇਨਾਮ

ਰੋਪੜ- ਬੀਤੇ ਤਿੰਨ ਦਿਨਾਂ ਤੋਂ ਪਿੰਡ ਮਲਿਕਪੁਰ ਵਿਖੇ ਚੱਲ ਰਹੇ ਫੁੱਟਬਾਲ ਟੂਰਨਾਮੈਂਟ (ਦਿਨ/ਰਾਤ) ਦੀ ਕੱਲ੍ਹ ਸ਼ਾਨਦਾਰ ਸਮਾਪਤੀ ਹੋਈ। ਜਿਸ ਬਾਰੇ ਜਾਣਕਾਰੀ ਦਿੰਦਿਆਂ ਪਹਿਲੇ ਸਥਾਨ ਤੇ ਰਹੀ ਟੀਮ ਰੋਪੜ ਫੁੱਟਬਾਲ ਕਲੱਬ ਦੇ ਕੋਚ ਅਮਨਦੀਪ ਸਿੰਘ ਲਾਡੀ ਨੇ ਦੱਸਿਆ ਕਿ ਨੋਜਵਾਨ ਸਭਾ ਵੱਲੋਂ ਕਰਵਾਏ ਗਏ ਇਸ ਟੂਰਨਾਮੈਂਟ ਵਿੱਚ ਕੁੱਲ 32 ਟੀਮਾਂ ਨੇ ਹਿੱਸਾ ਲਿਆ। ਜਿਨ੍ਹਾਂ ਵਿਚੋਂ ਰੋਪੜ ਕਲੱਬ ਦੀ ਟੀਮ ਨੇ ਪਹਿਲਾ 21000 ਤੇ ਘਨੌਲੀ ਨੇ ਦੂਜਾ 18000 ਦੇ ਇਨਾਮ ਜਿੱਤੇ। ਦੋਵੇਂ ਟੀਮਾਂ ਨੂੰ ਸ਼ਾਨਦਾਰ ਟ੍ਰਾਫੀਆਂ ਨਾਲ਼ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਭਾਜਪਾ ਆਗੂ ਅਜੇਵੀਰ ਸਿੰਘ ਲਾਲਪੁਰਾ ਡਾਇਰੈਕਟਰ 'ਪਹਿਲਾਂ ਇਨਸਾਨੀਅਤ' ਸਮਾਜ ਸੇਵੀ ਸੰਸਥਾ ਮੁੱਖ ਮਹਿਮਾਨ ਤੇ ਸਮਾਜ ਸੇਵੀ ਅਮਰਜੀਤ ਸਿੰਘ ਸੈਣੀ (ਭੱਠੇ ਵਾਲ਼ੇ) ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਇਸ ਮੌਕੇ ਜੋਗਿੰਦਰ ਸਿੰਘ ਸਰਕਲ ਸਕੱਤਰ ਆਲ ਇੰਡੀਆ ਪੋਸਟਲ ਇੰਪਲਾਈ ਯੂਨੀਅਨ, ਇੰਦਰਪਾਲ ਸਿੰਘ ਰਾਜੂ ਸਤਿਆਲ ਐੱਮ. ਸੀ., ਮਾ. ਅਜੇ ਚੰਦੇਲ, ਨਰਿੰਦਰਪਾਲ ਸਿੰਘ ਪ੍ਰਧਾਨ ਆੜ੍ਹਤੀ ਯੂਨੀਅਨ ਘਨੌਲੀ, ਹਰਜਿੰਦਰ ਸਿੰਘ ਪਟਵਾਰੀ, ਗੁਰਦਿੱਤ ਸਿੰਘ ਨਾਮਧਾਰੀ, ਇੰਦਰਜੀਤ ਸਿੰਘ ਐੱਲ.ਆਈ.ਸੀ., ਸਿਮਰਨਜੀਤ ਸਿੰਘ ਧਾਰੀਵਾਲ ਕਲੱਬ ਪ੍ਰਧਾਨ, ਅਸ਼ੋਕ ਕੁਮਾਰ ਬਾਂਸਾਂ ਵਾਲ਼ੇ, ਗੁਰਪ੍ਰੀਤ ਸਿੰਘ ਇੰਟਰਨੈਸ਼ਨਲ ਤਾਈਕਵਾਂਡੋ ਕੋਚ, ਰੋਹਿਤ ਚੌਧਰੀ (ਤੇਰਾ ਸਟੋਰ), ਗਗਨਦੀਪ ਸਿੰਘ , ਤਜਿੰਦਰ ਸਿੰਘ, ਗੋਲਡੀ, ਸੁੱਖੀ, ਡਾ. ਅਮਨ, ਤਰਨ, ਕਮਲ ਅਤੇ ਸੁਖਦੇਵ ਸਿੰਘ ਜਿਲ੍ਹਾ ਕੋਚ ਨੇ ਵਿਸ਼ੇਸ਼ ਤੌਰ ਤੇ ਮੁਬਾਰਕਬਾਦ ਦਿੱਤੀ।