ਰਵੀ ਸਿੰਘ ਖਾਲਸਾ ਜੋ ਕੇ ਅੱਜ ਦੇ ਯੁੱਗ ਵਿੱਚ ਹਰ ਆਪਦਾ ਦੀ ਘੜੀ ਵਿੱਚ ਆਪਣੀ ਸੰਸਥਾ ਖ਼ਾਲਸਾ ਏਡ ਦੇ ਰਾਹੀਂ ਲੋੜਵੰਦਾ ਤੱਕ ਨਾ ਕੇਵਲ ਦੇਸ਼ ਵਿੱਚ ਸਗੋਂ ਸੰਸਾਰ ਦੇ ਹਰ ਕੋਨੇ ਵਿਚ ਜ਼ਰੂਰੀ ਸਮੱਗਰੀ ਪਹੁੰਚਾਉਂਦੇ ਹਨ। ਜਿਨ੍ਹਾ ਦੀ ਇਸ ਸੇਵਾ ਨੂੰ ਦੇਸ਼ ਵਿਦੇਸ਼ ਵਿੱਚ ਮੰਨਿਆ ਜਾਂਦਾ ਹੈ, ਲੱਖਾਂ ਲੋਕ ਰਵੀ ਸਿੰਘ ਖਾਲਸਾ ਅਤੇ ਇਹਨਾਂ ਦੀ ਟੀਮ ਨਾਲ਼ ਮਿਲ ਕੇ ਸੇਵਾ ਨਿਭਾ ਰਹੇ ਹਨ। ਰਵੀ ਸਿੰਘ ਖ਼ਾਲਸਾ ਦਾ ਟਵਿੱਟਰ ਅਕਊਂਟ ਬੈਨ ਕਰ ਦਿੱਤਾ ਗਿਆ ਹੈ ਜਿਸ ਦਾ ਪ੍ਰਗਟਾਵਾ ਰਵੀ ਸਿੰਘ ਖ਼ਾਲਸਾ ਨੇ ਆਪਣੇ ਫੇਸਬੁੱਕ ਪੇਜ ਤੇ ਕੀਤਾ । ਜਿਸ ਵਿੱਚ ਰਵੀ ਸਿੰਘ ਵੱਲੋਂ ਸਰਕਾਰ ਵੱਲੋਂ ਐਸਾ ਕਰਨ ਦਾ ਵੀ ਜ਼ਿਕਰ ਹੈ। ਇਹ ਵਿਚਾਰ ਮੁਹਾਲੀ ਮਿਉਂਸਪਲ ਕਾਰਪੋਰੇਸ਼ਨ ਦੇ ਕੌਂਸਲਰ ਐਡਵੋਕੇਟ ਨਰਪਿੰਦਰ ਸਿੰਘ ਰੰਗੀ ਨੇ ਇਥੇ ਪ੍ਰਗਟ ਕੀਤੇ
ਇਸ ਤਰਾਂ ਕਰਨਾ ਬਹੁਤ ਗ਼ਲਤ ਹੈ ਇਸ ਤੋਂ ਭਾਜਪਾ ਦੀ ਮਾਨਸਿਕਤਾ ਦਾ ਸਾਫ਼ ਤੌਰ ਤੇ ਪਤਾ ਚੱਲਦਾ ਹੈ। ਖ਼ਾਲਸਾ ਏਡ ਕਾਲ਼ੇ ਕਾਨੂੰਨਾ ਖਿਲਾਫ਼ ਮੋਰਚਿਆਂ ਤੇ ਬੈਠੇ ਕਿਸਾਨਾਂ ਦੀ ਮਦਦ ਲਈ ਵੀ ਅੱਗੇ ਆਈ ਸੀ ਜੋ ਭਾਜਪਾ ਸਰਕਾਰ ਨੂੰ ਬਰਦਾਸ਼ਤ ਨਹੀਂ ਸੀ। ਖ਼ਾਲਸਾ ਏਡ ਕਿਸੇ ਪਾਰਟੀ ਨਾਲ਼ ਸਬੰਧਤ ਨਹੀਂ ਫ਼ੇਰ ਵੀ ਕਿਸੇ ਰਾਜਨੀਤਕ ਪਾਰਟੀ ਦਾ ਅਜਿਹਾ ਕਰਨਾ ਬਹੁਤ ਸਾਰੇ ਪ੍ਰਸ਼ਨ ਖੜ੍ਹੇ ਕਰਦਾ ਹੈ।