"ਤੇਰੀ ਮੇਰੀ ਗੱਲ ਬਣ ਗਈ", ਫਿਲਮ ਨੂੰ ਪ੍ਰੀਤਿ ਸਪਰੂ ਨੇ ਆਪਣੇ ਪ੍ਰੋਡਕਸ਼ਨ ਸਾਈ ਸਪਰੂ ਕ੍ਰੀਏਸ਼ਨਜ਼ ਹੇਠ ਜ਼ੀ ਸਟੂਡੀਓਜ਼ ਦੇ ਸਹਿਯੋਗ ਨਾਲ ਲਿਖਿਆ-ਨਿਰਦੇਸ਼ਿਤ ਅਤੇ ਨਿਰਮਿਤ ਕੀਤਾ ਹੈ। ਇਸ ਫਿਲਮ ਵਿਚ ਮੁਖ ਭੂਮਿਕਾਵਾਂ ਵਿਚ ਦਰਸ਼ਕਾਂ ਨੂੰ ਰੁਬੀਨਾ ਬਾਜਵਾ, ਅਖਿਲ, ਪ੍ਰੀਤਿ ਸਪਰੂ ਤੇ ਗੁੱਗੂ ਗਿੱਲ ਦੀ ਅਦਾਕਾਰੀ ਦੇਖਣ ਨੂੰ ਮਿਲੇਗੀ।
ਇਸਦੇ ਦੋ ਗੀਤ ਪੇਸ਼ ਕੀਤੇ ਜਾ ਚੁਕੇ ਹਨ, ਗੁਲਾਬ ਤੇ ਮੁੰਦਰੀ ਜਿਹਨਾਂ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ ਅਖਿਲ, ਮਾਸਟਰ ਸਲੀਮ ਤੇ ਗੁਰਲੇਜ਼ ਅਖ਼ਤਰ ਨੇ, ਟਾਈਮਜ਼ ਮਿਊਜ਼ਿਕ ਦੁਆਰਾ ਇਸ ਫਿਲਮ ਦੇ ਗੀਤਾਂ ਨੂੰ ਪੇਸ਼ ਕੀਤਾ ਗਿਆ ਹੈ । ਜਤਿੰਦਰ ਸ਼ਾਹ ਨੇ ਇਸਦੇ ਗੀਤਾਂ ਨੂੰ ਸੰਗੀਤ ਦਿੱਤਾ ਹੈ ਜਿਹਨਾਂ ਦੇ ਬੋਲ, ਮਨਿੰਦਰ ਕੈਲੇ, ਬਾਬੂ ਸਿੰਘ ਮਾਨ ਅਤੇ ਵੀਤ ਬਲਜੀਤ ਨੇ ਲਿਖੇ ਹਨ।
ਫਿਲਮ ਦੇ ਬਾਕੀ ਕਿਰਦਾਰਾਂ ਨੂੰ ਨਾਭਾਉਂਦੇ ਨਜ਼ਰ ਆਉਣਗੇ ਨਿਰਮਲ ਰਿਸ਼ੀ, ਹਾਰਬੀ ਸੰਘਾ, ਕਰਮਜੀਤ ਅਨਮੋਲ ਅਤੇ ਪੁਨੀਤ ਈਸਰ ਜੋ ਇਸ ਕਹਾਣੀ ਨੂੰ ਹੋਰ ਵੀ ਨਵੇਂ ਰੰਗਾਂ ਨਾਲ ਭਰ ਦੇਣਗੇ।
ਪ੍ਰੀਤੀ ਸਪਰੂ ਨੇ ਕਿਹਾ ਇਸ ਫ਼ਿਲਮ ਨੇ ਮੈਨੂੰ ਫੇਰ ਪੰਜਾਬੀ ਦਰਸ਼ਕਾਂ ਨਾਲ ਜੋੜ ਦਿੱਤਾ ਹੈ ਮੇਰੀ ਵਾਪਸੀ ਇਸੇ ਕਾਰਨ ਹੋਈ ਹੈ ਇਹ ਫ਼ਿਲਮ ਪਰਿਵਾਰਕ ਡਰਾਮਾ ਹੈ ਅਤੇ ਉਮੀਦ ਕਰਦੀ ਹਾਂ ਸਭ ਨੂੰ ਪਸੰਦ ਆਵੇਗੀ । ਐਕਟਰ ਅਖਿਲ ਜੋ ਇਸ ਫਿਲਮ ਰਾਹੀਂ ਆਪਣੇ ਫਿਲਮੀ ਕੈਰੀਅਰ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ , ਨੇ ਕਿਹਾ ਕਿ ਇਸ ਫਿਲਮ ਤੋਂ ਉਨ੍ਹਾਂ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ।
ਰੁਬੀਨਾ ਬਾਜਵਾ, ਇਸ ਫਿਲਮ ਦੀ ਮੁਖ ਕਿਰਦਾਰ ਕਹਿੰਦੀ ਹੈ, "ਹਰ ਕਿਸੇ ਵਾਂਗ ਇਹ ਫਿਲਮ ਵੀ ਕਿਸੇ ਪਰਿਵਾਰ ਤੋਂ ਘਾਟ ਨਹੀਂ ਸੀ ਜਿਸ ਵਿਚ ਪਿਆਰ ਮੁਹੱਬਤ ਵਰਗੇ ਸਾਰੀਆਂ ਹੀ ਭਾਵਨਾਵਾਂ ਮੌਜੂਦ ਹਨ ।