ਹਰਿਆਣਾ ਗੁਰਦੁਆਰਾ ਕਮੇਟੀ ਵੱਲੋਂ ਝੀਵਰਹੇੜੀ ਵਿਖੇ ਮੈਡੀਕਲ ਲੈਬਾਰਟਰੀ ਕੀਤੀ ਲੋਕ ਸਮਰਪਿਤ

 ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਗੁਰੂਘਰਾਂ ਦੇ ਪ੍ਰਬੰਧ ਨੂੰ ਸੁਚੱਜਾ ਕਰਨ ਦੇ ਨਾਲ ਨਾਲ ਧਰਮ ਪ੍ਰਚਾਰ ਪ੍ਰਸਾਰ ਦੀ ਲਹਿਰ ਵੀ ਚਲਾਈ ਜਾ ਰਹੀ ਹੈ ਜਿਸਦੇ ਨਾਲ ਨਾਲ ਲੋਕ ਭਲਾਈ ਦੇ ਕਾਰਜ ਬੱਚਿਆਂ ਵਾਸਤੇ ਕੰਪਿਊਟਰ ਸੈਂਟਰ ਅਤੇ ਮੈਡੀਕਲ ਲੈਬਾਰਟਰੀਆਂ ਦਾ ਨਿਰਮਾਣ ਵੀ ਕੀਤਾ ਜਾ ਰਿਹਾ ਹੈ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਕੱਤਰ ਭਾਈ ਸਰਬਜੀਤ ਸਿੰਘ ਜੰਮੂ ਨੇ ਮੀਡੀਆ ਨੂੰ ਲਿਖਤੀ ਪ੍ਰੈੱਸਨੋਟ ਜਾਰੀ ਕਰਦਿਆਂ ਦੱਸਿਆ ਕੇ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਜੀ ਦੇ ਯਤਨਾਂ ਸਦਕਾ ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਸ. ਐੱਸ ਪੀ ਸਿੰਘ ਓਬਰਾਏ ਦੇ ਸਹਿਯੋਗ ਨਾਲ ਬੱਚੇ ਬੱਚੀਆਂ ਲਈ ਕੰਪਿਊਟਰ ਸੈਂਟਰ ਅਤੇ ਮੈਡੀਕਲ ਲੈਬੋਰਟਰੀਆਂ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ ਹਰਿਆਣਾ ਕਮੇਟੀ ਦੇ ਪ੍ਰਬੰਧ ਹੇਠ ਚਲਦੇ ਗੁਰਦੁਆਰਾ ਥੜਾ ਸਾਹਿਬ ਪਾਤਸ਼ਾਹੀ ਨੌਵੀਂ ਝੀਵਰਹੇੜੀ ਯਮੁਨਾਨਗਰ ਵਿਖੇ ਪਹਿਲਾਂ ਵੀ ਬੱਚੇ ਬੱਚੀਆਂ ਲਈ ਫਰੀ ਕੰਪਿਊਟਰ ਸੈਂਟਰ ਚੱਲ ਰਿਹਾ ਹੈ ਅਤੇ ਹੁਣ ਇਲਾਕੇ ਦੇ ਲੋਕਾਂ ਲਈ ਮੈਡੀਕਲ ਲੈਬਾਰਟਰੀ ਦਾ ਨਿਰਮਾਣ ਕੀਤਾ ਗਿਆ ਹੈ ਜਿਸ ਦਾ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਜੀ ਅਤੇ ਸ.ਐੱਸ ਪੀ ਸਿੰਘ ਓਬਰਾਏ ਨੇ ਆਪਣੇ ਕਰ ਕਮਲਾਂ ਨਾਲ ਉਦਘਾਟਨ ਕੀਤਾ ਅਤੇ ਲੈਬਾਰਟਰੀ ਲੋਕ ਸਮਰਪਿਤ ਕਰ ਦਿੱਤੀ ਇਸ ਤੋਂ ਪਹਿਲਾਂ ਵੀ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੁੱਖ ਅਸਥਾਨ ਗੁਰਦੁਆਰਾ ਸਾਹਿਬ ਪਾਤਸ਼ਾਹੀ ਛੇਵੀਂ ਤੇ ਨੌਵੀਂ ਚੀਕਾ ਵਿਖੇ ਅਤੇ ਗੁਰਦੁਆਰਾ ਸ੍ਰੀ ਗੁਰੂ ਗ੍ਰੰਥਸਰ ਦਾਦੂ ਸਾਹਿਬ ਵਿਖੇ ਮੈਡੀਕਲ ਲੈਬਾਰਟਰੀਆਂ ਲਗਾਤਾਰ ਚੱਲ ਰਹੀਆਂ ਹਨ ਜਿਨਾਂ ਦਾ ਹਜ਼ਾਰਾਂ ਲੋਕਾਂ ਵੱਲੋਂ ਲਾਭ ਲਿਆ ਜਾ ਰਿਹਾ ਹੈ ਇਨਾਂ ਲੈਬਾਰਟਰੀਆਂ ਵਿੱਚ ਖ਼ੂਨ ਦੇ ਟੈਸਟ ਅਤੇ ਈ ਸੀ ਜੀ ਮਾਰਕੀਟ ਨਾਲੋਂ ਦਸ ਗੁਣਾ ਸਸਤੇ ਰੇਟਾਂ ਤੇ ਫਰੀ ਵਾਂਗੂੰ ਕੀਤੀ ਜਾਂਦੀ ਹੈ ਜਿਸ ਨਾਲ ਲੋਕਾਂ ਨੂੰ ਹਜ਼ਾਰਾਂ ਰੁਪਏ ਦਾ ਲਾਭ ਪ੍ਰਾਪਤ ਹੁੰਦਾ ਹੈ ਯਮੁਨਾਨਗਰ ਇਲਾਕੇ ਦੀਆਂ ਸਿੱਖ ਸੰਗਤਾਂ ਵੱਲੋਂ ਜਥੇਦਾਰ ਦਾਦੂਵਾਲ ਜੀ ਅਤੇ ਸਰਦਾਰ ਓਬਰਾਏ ਦਾ ਇੰਨਾ ਪਰਉਪਕਾਰ ਦੇ ਕਾਰਜਾਂ ਲਈ ਦਿਲ ਦੀਆਂ ਗਹਿਰਾਈਆਂ ਚੋਂ ਧੰਨਵਾਦ ਕੀਤਾ ਗਿਆ ਉਦਘਾਟਨ ਸਮੇਂ ਉਪਰੋਕਤ ਤੋਂ ਇਲਾਵਾ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਕੱਤਰ ਸਰਬਜੀਤ ਸਿੰਘ ਜੰਮੂ, ਮੈਂਬਰ ਨਿਸ਼ਾਨ ਸਿੰਘ ਬੜਤੌਲੀ, ਮੁੱਖ ਗ੍ਰੰਥੀ ਭਾਈ ਮਨਜੀਤ ਸਿੰਘ ਗੜੀ, ਮੈਨੇਜਰ ਸਮਸ਼ੇਰ ਸਿੰਘ, ਮੈਨੇਜਰ ਮਾਸਟਰ ਸਰੂਪ ਸਿੰਘ, ਮੈਨੇਜਰ ਸਿੰਘ ਚੀਕਾ, ਲਖਵਿੰਦਰ ਸਿੰਘ ਸਤਗੋਲੀ, ਮਹਿਲ ਸਿੰਘ ਸਤਗੋਲੀ, ਚਰਨਜੀਤ ਸਿੰਘ ਸਤਗੋਲੀ, ਸੁਖਵਿੰਦਰ ਸਿੰਘ ਸਤਗੋਲੀ, ਹਰਭਜਨ ਸਿੰਘ ਸਿਕੰਦਰਾ, ਗੁਰਚਰਨ ਸਿੰਘ ਹੜਤਾਨ, ਗੁਰਦੇਵ ਸਿੰਘ ਸਿਕੰਦਰਾ, ਅੰਗਰੇਜ ਸਿੰਘ ਹੜਤਾਨ, ਗੁਰਦੇਵ ਸਿੰਘ ਸਿਕੰਦਰਾ, ਮੁਖਤਿਆਰ ਸਿੰਘ ਮਾਜਰੀ, ਜਗੀਰ ਸਿੰਘ ਬਲਗੁਹਾ, ਹਜ਼ਾਰਾ ਸਿੰਘ ਮੁਸਤਫਾਬਾਦ, ਗੁਰਮੀਤ ਸਿੰਘ ਗਜ਼ਲਾਣਾ, ਜਰਨੈਲ ਸਿੰਘ ਸਿਕੰਦਰਾ, ਹਰਭਜਨ ਸਿੰਘ ਗਜਲਾਣਾ, ਗੁਰਮੀਤ ਸਿੰਘ ਲਾਡੀ ਗਜਲਾਣਾ, ਸਤਨਾਮ ਸਿੰਘ ਬੜਤੋਲੀ, ਸਰਦਾਰ ਸਿੰਘ ਬੜਤੋਲੀ, ਸਾਹਬ ਸਿੰਘ ਹੜਤਾਨ, ਦਲੀਪ ਸਿੰਘ ਗਜ਼ਲਾਣਾ, ਗੁਲਾਬ ਸਿੰਘ ਗਜ਼ਲਾਣਾ, ਹਰਮਨ ਸਿੰਘ ਗਜ਼ਲਾਣਾ, ਜਗਰੂਪ ਸਿੰਘ ਸਿਕੰਦਰਾ, ਰਾਜੂ ਮੁਸਤਫਾਬਾਦ, ਅਰਜਨ ਸਿੰਘ ਕੁੰਜਲ, ਰੁਪਿੰਦਰ ਸਿੰਘ ਭੋਗਪੁਰ, ਅਜੀਤ ਸਿੰਘ ਬੜਤੋਲੀ, ਸੁਰਿੰਦਰ ਸਿੰਘ ਲਖਨੌਰ ਪੁਰ, ਗੁਲਜਾਰ ਸਿੰਘ ਹੜਤਾਨ, ਗੁਰਦੀਪ ਸਿੰਘ ਹੜਤਾਨ, ਕਸਮੀਰ ਸਿੰਘ ਝੀਵਰਹੇੜੀ, ਪਰਮਜੀਤ ਸਿੰਘ ਗਜ਼ਲਾਣਾ ਹਾਜ਼ਰ ਸਨ