ਮੁਰਾਦਾਬਾਦ (ਉੱਤਰ ਪ੍ਰਦੇਸ਼)- ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਦੋਸ਼ ਲਾਇਆ ਹੈ ਕਿ ਬਾਲੀਵੁੱਡ ਦੇ ਚੋਟੀ ਦੇ ਕਲਾਕਾਰ ਨਸ਼ਿਆਂ ਦਾ ਸੇਵਨ ਕਰਦੇ ਹਨ।
ਉਨ੍ਹਾਂ ਦੇ ਬਿਆਨਾਂ ਦੀਆਂ ਵੀਡੀਓ ਕਲਿੱਪ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਬਾਬਾ ਰਾਮਦੇਵ ਸ਼ਨੀਵਾਰ ਨੂੰ ਮੁਰਾਦਾਬਾਦ 'ਚ ਆਰੀਆ ਵੀਰ ਅਤੇ ਵੀਰੰਗਾਨਾ ਕਾਨਫਰੰਸ 'ਚ ਬੋਲ ਰਹੇ ਸਨ, ਜਦੋਂ ਉਨ੍ਹਾਂ ਨੇ ਕਿਹਾ, ''ਸਲਮਾਨ ਖਾਨ ਡਰੱਗਜ਼ ਲੈਂਦੇ ਹਨ, ਮੈਂ ਆਮਿਰ ਖਾਨ ਬਾਰੇ ਨਹੀਂ ਜਾਣਦਾ। ਸ਼ਾਹਰੁਖ ਖਾਨ ਦਾ ਬੱਚਾ ਡਰੱਗ ਲੈਂਦੇ ਹੋਏ ਫੜਿਆ ਗਿਆ ਅਤੇ ਜੇਲ 'ਚ ਰਿਹਾ। ਅਭਿਨੇਤਰੀਆਂ ਦੇ ਨਸ਼ਿਆਂ ਤੇ ਉਨ੍ਹਾਂ ਕਿਹਾ ਕੇਵਲ ਰੱਬ ਹੀ ਜਾਣਦਾ ਹੈ।
ਉਨ੍ਹਾਂ ਅੱਗੇ ਕਿਹਾ, "ਫਿਲਮ ਇੰਡਸਟਰੀ ਵਿੱਚ ਚਾਰੇ ਪਾਸੇ ਨਸ਼ੇ ਹਨ, ਰਾਜਨੀਤੀ ਵਿੱਚ ਵੀ ਨਸ਼ੇ ਹਨ। ਚੋਣਾਂ ਦੌਰਾਨ ਸ਼ਰਾਬ ਵੰਡੀ ਜਾਂਦੀ ਹੈ। ਸਾਨੂੰ ਇਹ ਮਤਾ ਲੈਣਾ ਚਾਹੀਦਾ ਹੈ ਕਿ ਭਾਰਤ ਨੂੰ ਹਰ ਨਸ਼ੇ ਤੋਂ ਮੁਕਤ ਕਰਨਾ ਚਾਹੀਦਾ ਹੈ। ਇਸ ਲਈ ਅਸੀਂ ਇੱਕ ਅੰਦੋਲਨ ਚਲਾਵਾਂਗੇ। "