ਚੰਡੀਗੜ੍ਹ - ਚੰਡੀਗੜ੍ਹ ਦੇ ਸੈਕਟਰ 26 ਦੇ ਗੁਰੂ ਗੋਬਿੰਦ ਸਿੰਘ ਕਾਲਜ ਫਾਰ ਵੂਮੈਨ ਵਿੱਚ ਚਾਰ ਦਿਨਾਂ ਪੰਜਾਬ ਯੂਨੀਵਰਸਿਟੀ ਯੂਥ ਐਂਡ ਹੈਰੀਟੇਜ ਫੈਸਟੀਵਲ ਵਿੱਚ ਪਹਿਲੇ ਦਿਨ ਸ਼ਾਸਤਰੀ ਸੰਗੀਤ ਗਾਇਨ ਵਿੱਚ ਪੋਸਟ ਗ੍ਰੈਜੂਏਟ ਗਵਰਨਮੈਂਟ ਕਾਲਜ ਫਾਰ ਗਰਲਸ ਸੈਕਟਰ 11 ਦੀ ਪੂਜਾ ਨੇਗੀ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ । ਪੂਜਾ ਨੇਗੀ ਨੇ ‘ਰਾਗ ਅਹਿਰੀ ਤੋੜੀ’ ਦੇ ਪ੍ਰਭਾਵਸ਼ਾਲੀ ਗਾਇਨ ਨੇ ਜਿਊਰੀ ਅਤੇ ਦਰਸ਼ਕਾਂ ਨੂੰ ਝੂਮਣ ’ਤੇ ਮਜ਼ਬੂਰ ਕਰ ਦਿੱਤਾ।
ਗਰੁੱਪ ਭਜਨ ਵਿੱਚ ਪੋਸਟ ਗ੍ਰੈਜੂਏਟ ਗਵਰਨਮੈਂਟ ਕਾਲਜ ਫਾਰ ਗਰਲਸ, ਸੈਕਟਰ 11 ਪਹਿਲੇ ਸਥਾਨ, ਗਵਰਨਮੈਂਟ ਹੋਮ ਸਾਇੰਸ ਕਾਲਜ ਸੈਕਟਰ 10 ਦੂਸਰੇ ਸਥਾਨ ਅਤੇ ਦੇਵ ਸਮਾਜ ਕਾਲਜ ਸੈਕਟਰ 45 ਤੀਸਰੇ ਸਥਾਨ ਦੇ ਵਿਜੇਤਾ ਰਹੇ। ਚੰਡੀਗੜ੍ਹ ਸ਼ਹਿਰ ਦੀ ਮੇਅਰ ਸ਼੍ਰੀਮਤੀ ਸਰਬਜੀਤ ਕੌਰ ਨੇ ਵਿਜੇਤਾਵਾਂ ਨੂੰ ਪੁਰਸਕਾਰ ਪ੍ਰਦਾਨ ਕੀਤੇ। ਇਸ ਅਵਸਰ ’ਤੇ ਸਾਰੇ ਕਾਲਜਾਂ ਤੋਂ ਆਏ ਮਾਣਯੋਗ ਮਹਿਮਾਨ ਮੌਜੂਦ ਸਨ।
ਫੈਸਟੀਵਲ ਵਿੱਚ ਪੰਜਾਬ ਯੂਨੀਵਰਸਿਟੀ ਦੇ ਅਫਿਲੇਟਿਡ ਕਾਲਜ ਗੁਰੂ ਗੋਬਿੰਦ ਸਿੰਘ ਕਾਲਜ ਫਾਰ ਵੂਮਨ ਸੈਕਟਰ 26, ਜੀਸੀਜੀ 11, ਦੇਵ ਸਮਾਜ ਕਾਲਜ ਸੈਕਟਰ 45, ਹੋਮ ਸਾਇੰਸ ਕਾਲਜ ਸੈਕਟਰ 10, ਐੱਮਸੀਐੱਮ ਡੀਏਵੀ ਸੈਕਟਰ 36, ਪੋਸਟ ਗ੍ਰੈਜੂਏਟ ਗਵਰਨਮੈਂਟ ਕਾਲਜ ਫਾਰ ਗਰਲਸ, ਸੈਕਟਰ 42 ਅਤੇ ਝਾੜ ਸਾਹਿਬ ਕਾਲਜ ਦੀਆਂ ਵਿਦਿਆਰਥੀਆਂ ਨੇ ਹਿੱਸਾ ਲਿਆ।