ਚੰਡੀਗੜ੍ਹ - ਭਾਰਤ ਦੀ ਰਾਸ਼ਟਰਪਤੀ ਸ੍ਰੀਮਤੀ ਦਰੋਪਦੀ ਮੁਰਮੂ ਹਰਿਆਣਾ ਦੇ ਦੋ ਦਿਨਾਂ ਦੌਰੇ 'ਤੇ ਆ ਰਹੀ ਹੈ। 29 ਅਤੇ 30 ਨਵੰਬਰ ਨੂੰ ਰਾਸ਼ਟਰਪਤੀ ਹਰਿਆਣਾ ਵਿਚ ਵੱਖ-ਵੱਖ ਪ੍ਰੋਗ੍ਰਾਮਾਂ ਵਿਚ ਸ਼ਿਰਕਤ ਕਰੇਗੀ। ਅੱਜ ਸਵੇਰੇ 10:30 ਵਜੇ ਰਾਸ਼ਟਰਪਤੀ ਕੁਰੂਕਸ਼ੇਤਰ ਵਿਚ ਬ੍ਰਹਮਸਰੋਵਰ ਪਹੁੰਚੇਗੀ, ਜਿੱਥੇ ਉਹ ਪਵਿੱਤਰ ਗ੍ਰੰਥ ਸ੍ਰੀਮਦਭਗਵਦਗੀਤਾ 'ਤੇ ਪੁਸ਼ਪ ਅਰਪਿਤ ਕਰ ਗੀਤਾ ਪੂਜਨ ਕਰੇਗੀ ਅਤੇ ਗੀਤਾ ਯੱਗ ਵਿਚ ਆਪਣੀ ਪੂਰਨ ਆਹੂਤੀ ਪਾਉਣਗੇ। ਇਸ ਦੇ ਬਾਅਦ ਸ੍ਰੀਮਤੀ ਦਰੋਪਦੀ ਮੁਰਮੂ ਸੂਬਾ ਪ੍ਰਦਰਸ਼ਨੀ, ਹਰਿਆਣਾ ਪੈਵੇਲਿਅਨ, ਸ਼ਿਲਪ ਉਦਯੋਗ ਦਾ ਵੀ ਉਦਘਾਟਨ ਕਰਣਗੇ। ਨਾਲ ਹੀ ਰਾਸ਼ਟਰਪਤੀ ਇਸ ਵਾਰ ਦੇ ਕੌਮਾਂਤਰੀ ਗੀਤਾ ਮਹਾਉਤਸਵ ਦੇ ਭਾਗੀਦਾਰ ਸੂਬੇ ਮੱਧ ਪ੍ਰਦੇਸ਼ ਦੇ ਪੈਵੇਲਿਅਨ ਦਾ ਵੀ ਅਵਲੋਕਨ ਕਰਣਗੇ।
ਇਸ ਦੇ ਬਾਅਦ ਸ੍ਰੀਮਤੀ ਦਰੋਪਦੀ ਮੁਰਮੂ 11:30 ਵਜੇ ਕੁਰੂਕਸ਼ੇਤਰ ਯੂਨੀਵਰਸਿਟੀ, ਕੁਰੂਕਸ਼ੇਤਰ ਦੇ ਸ੍ਰੀਮਦਭਗਵਦਗੀਤਾ ਸਦਨ ਵਿਚ ਕੌਮਾਂਤਰੀ ਗੀਤਾ ਸੈਮੀਨਾਰ ਵਿਚ ਹਿੱਸਾ ਲੈਣਗੇ ਅਤੇ ਇੱਥੋਂ ਹਰਿਆਣਾ ਸਰਕਾਰ ਦੀ 3 ਵੱਡੀ ਪਰਿਯੋਜਨਾਵਾਂ ਦਾ ਵਰਚੂਅਲੀ ਸ਼ੁਰੂਆਤ ਤੇ ਨੀਂਹ ਪੱਥਰ ਰੱਖੇਗੀ। ਇੰਨ੍ਹਾਂ ਵਿਚ ਹਰਿਆਣਾ ਟ੍ਰਾਂਸਪੋਰਟ ਵਿਚ ਈ-ਟਿਕਟਿੰਗ ਵਿਵਸਥਾ, ਮੁੱਖ ਮੰਤਰੀ ਸਿਹਤ ਸਰਵੇਖਣ ਯੋਜਨਾ ਅਤੇ ਸਿਰਸਾ ਜਿਲ੍ਹੇ ਵਿਚ ਮੈਡੀਕਲ ਕਾਲਜ ਦਾ ਨੀਂਹ ਪੱਥਰ ਰੱਖਿਆ ਜਾਣਾ ਸ਼ਾਮਿਲ ਹੈ।
ਹਰਿਆਣਾ ਟ੍ਰਾਂਸਪੋਰਟ ਵਿਚ ਈ-ਟਿਕਟਿੰਗ ਪ੍ਰਣਾਲੀ ਦਾ ਕਰੇਗੀ ਸ਼ੁਰੂਆਤ
ਰਾਸ਼ਟਰਪਤੀ ਸ੍ਰੀਮਦਭਗਵਦ ਗੀਤਾ ਸਦਨ ਤੋਂ ਹੀ ਹਰਿਆਣਾ ਟ੍ਹਾਂਸਪੋਰਟ ਵਿਚ ਈ-ਟਿਕਟਿੰਗ ਪ੍ਰਣਾਲੀ ਦੀ ਸ਼ੁਰੂਆਤ ਕਰਣਗੇ। ਸ਼ੁਰੂਆਤੀ ਪੜਾਅ ਵਿਚ 6 ਡਿਪੋ ਮਤਲਬ ਚੰਡੀਗੜ੍ਹ, ਕਰਨਾਲ, ਫਰੀਦਾਬਾਦ, ਸੋਨੀਪਤ , ਭਿਵਾਨੀ ਅਤੇ ਸਿਰਸਾ ਵਿਚ ਈ-ਟਿਕਟਿੰਗ ਪਰਿਯੋਜਨਾ ਨੂੰ ਲਾਗੂ ਕੀਤਾ ਜਾਵੇਗਾ। ਇਸੀ ਤਰ੍ਹਾ ਹਰਿਆਣਾ ਰੋਡਵੇਜ ਦੇ ਬਾਕੀ 18 ਡਿਪੋ ਵਿਚ ਜਨਵਰੀ 2023 ਦੇ ਆਖੀਰ ਤਕ ਪਰਿਯੋਜਨਾ ਨੂੰ ਪੂਰੀ ਤਰ੍ਹਾ ਨਾਲ ਲਾਗੂ ਕਰ ਦਿੱਤਾ ਜਾਵੇਗਾ।
ਮੁੱਖ ਮੰਤਰੀ ਸਿਹਤ ਸਰਵੇਖਣ ਯੋਜਨਾ
ਸ੍ਰੀਮਤੀ ਦਰੋਪਦੀ ਮੁਰਮੂ ਮੁੱਖ ਮੰਤਰੀ ਸਿਹਤ ਸਰਵੇਖਣ ਯੋਜਨਾ ਦੀਵੀ ਸ਼ੁਰੂਆਤ ਕਰੇਂਗੀ। ਇਸ ਯੋਜਨਾ ਦੇ ਤਹਿਤ ਸੂਬੇ ਦੇ ਲੋਕਾਂ ਦਾ ਹੈਲਥ ਚੈਕਅੱਪ ਕੀਤਾ ਜਾਵੇਗਾ। ਯੋਜਨਾ ਦੇ ਪਹਿਲੇ ਪੜਾਅ ਵਿਚ ਅੰਤੋਂਦੇਯ ਪਰਿਵਾਰ ਦੇ ਲੋਕਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ।
ਸਰਕਾਰੀ ਮੈਡੀਕਲ ਕਾਲਜ ਸਿਰਸਾ ਦੀ ਰੱਖੇਂਗਾ ਨੀਂਹ ਪੱਥਰ
ਰਾਸ਼ਟਰਪਤੀ ਸਿਰਸਾ ਜਿਲ੍ਹੇ ਵਿਚ 21 ਏਕੜ ਜਮੀਨ 'ਤੇ ਬਨਣ ਵਾਲੇ ਮੈਡੀਕਲ ਕਾਲਜ ਅਤੇ ਹਸਪਤਾਲ ਦਾ ਵੀ ਨੀਂਹ ਪੱਥਰ ਰੱਖੇਗੀ। ਇਹ ਮੈਡੀਕਲ ਕਾਲਜ ਕਰੀਬ 950 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿਆਰ ਹੋਵੇਗਾ। ਇਸ ਵਿਚ ਸਿਰਸਾ ਜਿਲ੍ਹੇ ਤੇ ਨੇੜੇ ਦੇ ਹੋਰ ਖੇਤਰਾਂ ਦੀ ਜਨਤਾ ਨੂੰ ਅੱਤਆਧੁਨਿਕ ਸਿਹਤ ਸਬੰਧੀ ਸਹੂਲਤਾਂ ਮਿਲਣਗੀਆਂ।
ਇੰਨ੍ਹਾਂ ਪਰਿਯੋਜਨਾਵਾਂ ਦੀ ਸ਼ੁਰੂਆਤ ਕਰਨ ਦੇ ਬਾਅਦ ਪਹਿਲਾਂ ਤੋਂ ਤੈਅ ਪ੍ਰੋਗ੍ਰਾਮ ਦੇ ਅਨੁਸਾਰ ਦੁਪਹਿਰ ਬਾਅਦ 2:30 ਵਜੇ ਕੌਮੀ ਤਕਨਾਲੋਜੀ ਸੰਸਥਾਨ, ਕੁਰੂਕਸ਼ੇਤਰ ਦੇ 18ਵੇਂ ਕੰਨਵੋਕੇਸ਼ਨ ਸਮਾਰੋਹ ਵਿਚ ਮੁੱਖ ਮਹਿਮਾਨ ਵਜੋ ਸ਼ਿਰਕਤ ਕਰੇਂਗੀ ਅਤੇ ਪਾਸ ਆਊਟ ਵਿਦਿਆ+ਥੀਆਂ ਨੂੰ ਡਿਗਰੀ ਵੰਡਣਗੇ। ਉਸ ਤੋਂ ਬਾਅਦ ਰਾਸ਼ਟਰਪਤੀ 4:20 ਵਜੇ ਚੰਡੀਗੜ੍ਹ ਏਅਰਪੋਰਟ 'ਤੇ ਪਹੁੰਚੇਗੀ। ਜਿੱਥੇ ਉਲ੍ਹਾਂ ਨੁੰ ਗਾਰਡ ਆਫ ਹਾਨਰ ਦਿੱਤਾ ਜਾਵੇਗਾ। ਇਸ ਦੇ ਬਾਅਦ ਕਰੀਬ 5 ਵਜੇ ਸ੍ਰੀਮਤੀ ਦਰੋਪਦੀ ਮੁਰਮੂ ਸਟੇਟ ਗੇਸਟ ਵਜੋ ਹਰਿਆਣਾ ਰਾਜਭਵਨ, ਚੰਡੀਗੜ੍ਹ ਪਹੁੰਚੇਗੀ। ਹਰਿਆਣਾ ਰਾਜਭਵਨ ਵਿਚ ਉਨ੍ਹਾਂ ਦੇ ਆਉਣ ਦੇ ਮੌਕੇ ਵਿਚ ਸ਼ਾਮ 6:30 ਵਜੇ ਸਭਿਆਚਾਰਕ ਪ੍ਰੋਗ੍ਰਾਮ ਦਾ ਵੀ ਪ੍ਰਬੰਧ ਕੀਤਾ ਜਾਵੇਗਾ।
30 ਨਵੰਬਰ ਨੂੰ ਆਪਣੇ ਦੌਰੇ ਦੇ ਦੂਜੇ ਦਿਨ ਰਾਸ਼ਟਰਪਤੀ ਸ੍ਰੀਮਤੀ ਦਰੋਪਦੀ ਮੁਰਮੂ ਸਵੇਰੇ 6:30 ਵਜੇ ਆਸ਼ਾ ਵਰਕਰਸ ਤੇ ਹੋਰ ਹਿੱਤਧਾਰਕਾਂ ਨਾਲ ਸਿੱਧਾ ਸੰਵਾਦ ਕਰੇਗੀ ਅਤੇ ਉਨ੍ਹਾਂ ਤੋਂ ਬੇਟੀ ਬਚਾਓ-ਬੇਟੀ ਪੜਾਓ ਮੁਹਿੰਮ ਦੇ ਸਫਲਤਾ ਦੇ ਬਾਰੇ ਵਿਚ ਜਾਣਨਗੇ। ਇਸ ਤੋਂ ਇਲਾਵਾ, ਰਾਸ਼ਟਰਪਤੀ ਹਰਿਆਣਾ ਦੇ ਖਿਡਾਰੀਆਂ ਕੁੱਝ ਸਕੂਲੀ ਵਿਦਿਆਰਥੀਆਂ ਨਾਲ ਵੀ ਸੰਵਾਦ ਕਰੇਂਗੀ।