ਹਰਿਆਣਾ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਆਰ ਐਸ ਐਸ ਦੇ ਹਮਾਇਤੀਆਂ ਨੇ ਬਣਾਈ ਹੈ ਪ੍ਰਵਾਨ ਨਹੀਂ ਕਰਦੇ-ਜਗਦੀਸ਼ ਸਿੰਘ ਝੀਂਡਾ

ਵਖਰੀ ਹਰਿਆਣਾ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਲਈ ਲੰਮਾਂ ਸਮਾਂ ਜਦੋ ਜਹਿਦ ਕਰਨ ਵਾਲੇ ਹਰਿਆਣਾ ਦੇ ਸਿੱਖ ਆਗੂ ਸ੍ਰ ਜਗਦੀਸ਼ ਸਿੰਘ ਝੀਂਡਾ ਨੇ ਸਰਕਾਰ ਵਲੋ ਬਣਾਈ ਕਮੇਟੀ ਰਦ ਕਰਦਿਆਂ ਵਖਰੀ 41 ਮੈਂਬਰੀ ਕਮੇਟੀ ਦਾ ਗਠਨ ਕਰਨ ਲਈ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਮੰਗ ਪੱਤਰ ਸੋਂਪਿਆ। ਜਥੇਦਾਰ ਦੀ ਗੈਰ ਹਾਜਰੀ ਵਿਚ ਇਹ ਮੰਗ ਪੱਤਰ ਜਥੇਦਾਰ ਦੇ ਨਿਜੀ ਸਹਾਇਕ ਜ਼ਸਪਾਲ ਸਿੰਘ ਢੱਡੇ ਨੇ ਪ੍ਰਾਪਤ ਕੀਤਾ।ਪੱਤਰਕਾਰਾਂ ਨਾਲ ਗਲ ਕਰਦਿਆਂ ਸ੍ਰ ਝੀਂਡਾ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਨੇ ਆਪਣੇ ਹੱਥ ਠੋਕਿਆ ਦੀ ਤੇ ਆਰ ਐਸ ਐਸ ਦੇ ਹਮਾਇਤੀਆਂ ਦੀ ਕਮੇਟੀ ਦਾ ਗਠਨ ਕੀਤਾ ਹੈ ਜਿਸ ਨੂੰ ਹਰਿਆਣਾ ਦੇ ਸਿੱਖ ਬਿਲਕੁਲ ਸਵਿਕਾਰ ਨਹੀ ਕਰਦੇ।ਉਨਾਂ ਕਿਹਾ ਕਿ ਉਨਾਂ ਵਲੋ ਪੇਸ਼ ਕੀਤੀ ਗਈ ਸੂਚੀ ਸੰਗਤਾਂ ਦੀਆਂ ਭਾਵਨਾਵਾਂ ਮੁਤਾਬਿਕ ਹੈ ਤੇ ਹਰਿਆਣਾ ਦੇ ਸਿੱਖ ਇਸ ਕਮੇਟੀ ਨੂੰ ਹੀ ਪ੍ਰਵਾਨ ਕਰਨਗੇ। ਹਰਿਆਣਾ ਦੇ ਸਿੱਖ ਕਿਸੇ ਵੀ ਸਰਕਾਰ ਕਮੇਟੀ ਨੂੰ ਨਹੀ ਮੰਨਦੇ। ਦੁਨੀਆਂ ਭਰ ਦੇ ਸਿੱਖ ਤੇ ਖਾਸਕਰ ਹਰਿਆਣਾ ਦੇ ਸਿੱਖ ਫੈਸਲਾ ਲੈਣ ਕਿ ਉਨਾਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨਾਲ ਜਾਣਾ ਹੈ ਕਿ ਸਰਕਾਰ ਨਾਲ ਜਾਣਾ ਹੈ।ਉਨਾਂ ਕਿਹਾ ਕਿ ਮੈਨੂੰ ਵਿਸ਼ਵਾਸ ਹੈ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨਵੀ ਕਮੇਟੀ ਦੇ ਬਾਰੇ ਜਲਦ ਹੀ ਫੈਸਲਾ ਲੈ ਕੇ ਹਰਿਆਣਾ ਦੇ ਸਿੱਖਾਂ ਦੀ ਅਵਾਜ ਸੁਨਣਗੇ। ਉਨਾ ਕਿਹਾ ਕਿ ਮੈ 22 ਸਾਲ ਤਕ ਹਰਿਆਣਾ ਕਮੇਟੀ ਲਈ ਲੜਾਈ ਲੜੀ, ਅਸੀ ਬਰਾਬਰੀ ਦਾ ਸਨਮਾਨ ਚਾਹੰੁਦੇ ਹਾਂ। ਸਾਡੀ ਮੰਗ ਸੀ ਕਿ ਹਰਿਆਣਾ ਤੋ ਲਿਆਂਦਾ ਪੈਸਾ ਹਰਿਆਣਾ ਤੇ ਹੀ ਖਰਚ ਕੀਤਾ ਜਾਵੇ ਪਰ ਅਜਿਹਾ ਨਹੀ ਹੋਇਆ। ਟਸੀ ਵਖ ਵਖ ਸਮੇ ਤੇ ਵਖ ਵਖ ਪੰਥਕ ਆਗੂਆਂ ਨਾਲ ਕਈ ਵਾਰ ਮੀਟਿੰਗ ਕਰਕੇ ਹਰਿਆਣਾ ਦੇ ਸਿੱਖਾਂ ਨਾਲ ਹੋ ਰਹੀਆਂ ਧੱਕੇਸ਼ਾਹੀਆਂ ਦੇ ਬਾਰੇ ਜਾਣਕਾਰੀ ਦਿੰਤੀ ਪਰ ਕਿਸੇ ਨੇ ਸਾਡੀ ਮੰਗ ਤੇ ਗੌਰ ਨਹੀ ਕੀਤਾ। ਉਨਾਂ ਕਿਹਾ ਕਿ ਮੈ ਖੁਦ 8 ਸਾਲ ਸ਼ੋ੍ਰਮਣੀ ਕਮੇਟੀ ਦਾ ਮੈਂਬਰ ਰਿਹਾ ਹਾਂ। ਸ਼ੋ੍ਰਮਣੀ ਕਮੇਟੀ ਦੇ ਅਕਾਲੀ ਦਲ ਹਮੇਸ਼ਾਂ ਹਰਿਆਣਾ ਦੇ ਸਿੱਖਾਂ ਦੀ ਭਾਵਨਾ ਤੋ ਉਲਟ ਜਾ ਕੇ ਚੋਣਾ ਹਾਰ ਚੁੱਕੇ ਤੇ ਪੰਜਾਬ ਤੋ ਨਾਮਜਦ ਕੀਤੇ ਰਘੂਜੀਤ ਸਿੰਘ ਵਿਰਕ ਦੀ ਹੀ ਗਲ ਸੁਣਦਾ ਰਹੇ।