ਅੰਮ੍ਰਿਤਸਰ - ਸਮਾਜ ਸੇਵੀ ਬਾਵਾ ਗੁਰਦੀਪ ਸਿੰਘ ਨੇ ਅਕਾਲੀ ਫੂਲਾ ਸਿੰਘ ਦੇ 200 ਸਾਲਾ ਸ਼ਹੀਦੀ ਸ਼ਤਾਬਦੀ ਨੂੰ ਸਮਰਪਿਤ ਹੁੰਦਿਆਂ ਸਿੱਕੇ ਜਾਰੀ ਕੀਤੇ ਹਨ। ਅੱਜ ਇਹ ਜਾਣਕਾਰੀ ਦਿੰਦੇ ਬਾਵਾ ਗੁਰਦੀਪ ਸਿੰਘ ਨੇ ਦਸਿਆ ਕਿ ਸ਼ਤਾਬਦੀਆਂ ਨੂੰ ਯਾਦਗਾਰੀ ਬਣਾਉਣ ਤੇ ਇਨਾਂ ਦੀ ਯਾਦ ਸਦੀਵ ਕਾਲ ਤਕ ਬਣਾਈ ਰਖਣ ਲਈ ਉਨਾਂ ਇਹ ਸਿੱਕੇ ਜਾਰੀ ਕੀਤੇ ਹਨ। ਇਸ ਤੋ ਪਹਿਲਾਂ ਵੀ ਉਨਾਂ ਦੀ ਫਰਮ ਵਲੋ ਸ੍ਰੀ ਗੁਰੂ ਨਾਨਕ ਸਾਹਿਬ ਦੇ 550 ਸਾਲਾ ਪ੍ਰਕਾਸ਼ ਪੁਰਬ, ਸ੍ਰੀ ਦਰਬਾਰ ਸਾਹਿਬ ਸ੍ਰੀ ਕਰਤਾਰਪੁਰ ਸਾਹਿਬ ਲਾਂਘੇ ਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਹਿਲੇ ਪ੍ਰਕਾਸ਼ ਪੁਰਬ ਸਮੇਤ 5 ਯਾਦਗਾਰੀ ਸਿੱਕੇ ਜਾਰੀ ਕੀਤੇ ਜਾ ਚੁੱਕੇ ਹਨ। ਸ਼ਾਵਾ ਗੁਰਦੀਪ ਸਿੰਘ ਨੇ ਦਸਿਆ ਕਿ ਇਸ ਯਾਦਗਾਰੀ ਸਿੱਕੇ ਤੇ ਇਕ ਪਾਸੇ ਅਕਾਲੀ ਫੂਲਾ ਸਿੰਘ ਤੇ ਦੂਜ਼ੇ ਪਾਸੇ ਬੁਰਜ ਅਕਾਲੀ ਬਾਬਾ ਫੂਲਾ ਸਿੰਘ ਦੀ ਤਸਵੀਰ ਹੈ। ਇਹ ਸਿੱਵਾ ਸੁਨਹਿਰੀ ਤੇ ਚਾਂਦੀ ਰੰਗਾ ਹੈ। ਇਸ ਮੌਕੇ ਤੇ ਬਾਵਾ ਸੁਰਿੰਦਰਪਾਲ ਸਿੰਘ ਵੀ ਹਾਜਰ ਸਨ।