ਚੰਡੀਗੜ੍ਹ-ਸਾਹਿਬ ਏ ਕਮਾਲ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪਰਿਵਾਰ ਨੂੰ ਪੋਹ ਦੇ ਮਹੀਨੇ ਵਿਚ ਸ਼ਹੀਦ ਕਰ ਦਿੱਤਾ ਗਿਆ। ਇਸ ਸਾਰੇ ਘਟਨਾਕ੍ਰਮ ਨੂੰ ਗੀਤਕਾਰ ਤੇ ਗਾਇਕ ਸਰਬੰਸ ਪ੍ਰਤੀਕ ਸਿੰਘ ਨੇ ਧਾਰਮਿਕ ਗੀਤ, "ਸ਼ਹੀਦੀ ਗਾਥਾ" ਨਾ ਹੇਠ ਜਾਰੀ ਕੀਤਾ ਹੈ। ਇਸ ਨੂੰ ਸੰਗੀਤਬੱਧ ਕੀਤਾ ਹੈ ਜੀਤੇ ਨੇ ਅਤੇ ਸਾਰੰਗੀ ਉਤੇ ਸਾਥ ਦਿੱਤਾ ਹਰਪਿੰਦਰ ਸਿੰਘ ਕੰਗ ਨੇ। ਇਸ ਦੀ ਵੀਡੀਓ ਵੀ ਪਿੰਡ ਅਬਰਾਵਾਂ ਦੇ ਗੁਰਦਵਾਰੇ ਅਤੇ ਚੱਪੜ ਚਿੜੀ ਦੇ ਮੈਦਾਨ ਵਿੱਚ ਬਣਾਈ ਹੈ। ਸਹਾਇਕ ਆਵਾਜ਼ ਸੁਖਪ੍ਰੀਤ ਸਿੰਘ, ਤਜਿੰਦਰ ਪਾਲ ਸਿੰਘ, ਸ਼ਮੀਰ, ਰਮਨਦੀਪ ਦੀ ਹੈਂ।ਸਰਬੰਸ ਪ੍ਰਤੀਕ ਸਿੰਘ ਨੇ ਕਿਹਾ, "ਐਸੀ ਕੋਈ ਕਲਮ ਨਹੀਂ ਜੋ ਸਾਹਿਬ ਏ ਕਮਾਲ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਾਹਿਬਜ਼ਾਦਿਆਂ ਦੀ ਕੁਰਬਾਨੀ ਨੂੰ ਲਿਖ ਸਕੇ, ਮੇਰੀ ਸੋਚ ਅਤੇ ਲਿਖਤ ਇੱਕ ਕਣ ਦੇ ਬਰਾਬਰ ਵੀ ਨਹੀਂ ਪਰ ਫਿਰ ਵੀ ਸਾਡੇ ਪਿਤਾ, ਸਰਬੰਸ ਦਾਨੀ, ਸੰਤ ਸਿਪਾਹੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਕਿਰਪਾ ਸਦਕਾ ਇਹ ਗੀਤ ਲਿਖਣ ਦੀ ਕੋਸ਼ਿਸ਼ ਕੀਤੀ ਹੈ।ਮੇਰਾ ਇਹ ਗੀਤ ਦਾ ਇੱਕ ਇੱਕ ਅੱਖਰ ਸਮੂਹ ਸਿੰਘਾਂ ਸ਼ਹੀਦਾਂ ਨੂੰ ਕੋਟਿ ਕੋਟਿ ਪ੍ਰਣਾਮ ਕਰਦਾ ਹਾਂ। ਵੈਸੇ ਸਰਬੰਸ ਪਹਿਲਾਂ ਵੀ ਧਾਰਮਿਕ ਗੀਤ, ਵੱਡਾ ਸਾਕਾ, ਅਤੇ ਕਿਸਾਨੀ ਨਾਲ ਸਬੰਧਿਤ ਪੰਜਾਬ, ਦਿੱਲੀ ਬੋਲਦੀ ਤੋਂ ਇਲਾਵਾ ਅੱਖ ਬੋਲਦੀ, ਸੂਰਮਾ, ਸਿਖ਼ਰ ਦੁਪਹਿਰੇ, ਵੰਨ ਸਾਇਡਿੰਡ, ਪੁੱਤ ਸਾਡਾ, ਡਬਲ ਫੇਸ, ਵੇਹਲਾ ਨੀਂ, ਤੁਰ ਗਈ ਸੋਹਣੀਏ ਨੀ, ਚੁੰਨੀ, ਧੀਆਂ ਦੀ ਲੋਹੜੀ ਆਦਿ ਹਨ।