ਚੀਫ ਖ਼ਾਲਸਾ ਦੀਵਾਨ ਦੀ ਧਰਮ ਪ੍ਰਚਾਰ ਕਮੇਟੀ ਵਿਿਦਆਰਥੀਆਂ ਨੂੰ ਧਰਮ ਨਾਲ ਜੋੜਣ ਲਈ ਨਵੇ ਪ੍ਰੋਗਰਾਮ ਉਲੀਕ ਰਹੀ ਹੈ।ਧਰਮ ਪ੍ਰਚਾਰ ਕਮੇਟੀ ਦੇ ਸ੍ਰ ਤਰਲੋਚਨ ਸਿੰਘ ਤੇ ਹਰਮਨਜੀਤ ਸਿੰਘ ਨੇ ਜਾਣਕਾਰੀ ਦਿੰਦੇ ਦਸਿਆ ਕਿ ਅਸੀ ਵਿਦਿਆਰਥੀਆਂ ਨੂੰ ਧਰਮ ਨਾਲ ਜੋੜਣ ਲਈ ਕੁਝ ਪ੍ਰੋਗਰਮਾ ਉਲੀਕੇ ਹਨ ਜਿੰਘਨਾਂ ਵਿਚ ਧਰਮ ਅਸਥਾਨਾਂ ਦੀ ਯਾਤਰਾ ਵੀ ਸ਼ਾਮਲ ਹੈ। ਉਨਾ ਦਸਿਆ ਕਿ ਅਸੀ ਵਖ ਵਖ ਇਤਿਹਾਸਕ ਗੁਰਦਵਾਰਾ ਸਾਹਿਬਾਨ ਦੀਆਂ ਸਾਲ ਵਿਚ 48 ਦੇ ਕਰੀਬ ਯਾਤਰਾਵਾਂ ਦਾ ਆਯੋਜਨ ਕਰਨ ਜਾ ਰਹੇ ਹਾਂ।ਇਸ ਨਾਲ ਵਿਿਦਆਰਥੀ ਗੁਰੂ ਘਰਾਂ ਦਾ ਇਤਿਹਾਸ ਹੋਰ ਨੇੜੈ ਹੋ ਕੇ ਸਮਝ ਸਕਣਗੇ। ਵਿਦਿਆਰਥੀਆਂ ਨੂੰ ਗੁਰਮਤਿ ਸੰਗੀਤ ਨਾਲ ਜੋੜਣ ਲਈ ਅਸਹ ਹਰ ਮਹੀਨੇ ਦੀਵਾਨ ਦੇ ਵਖ ਵਖ ਸਕੂਲਾਂ ਵਿਚ ਰਾਗਬਧ ਕੀਰਤਨ ਦੀਆਂ ਕਲਾਸਾਂ ਬੀਬੀ ਪ੍ਰਭਜੋਤ ਕੌਰ ਦੀ ਅਗਵਾਈ ਹੇਠ ਲਗਾਉਣ ਜਾ ਰਹੇ ਹਾਂ।ਵਿਦਿਆਰਥੀ ਰਾਗਬਧ ਕੀਰਤਨ ਕਰ ਸਕਣ ਇਸ ਲਈ ਅਸੀ ਹਰ ਹਫਤੇ ਇਕ ਪੀਰੀਅਡ ਰਾਗਬਧ ਕੀਰਤਨ ਦਾ ਲਗਵਾਉਣ ਲਈ ਪ੍ਰਬੰਧ ਕੀਤੇ ਹਨ।ਚੀਫ ਖ਼ਾਲਸਾ ਦੀਵਾਨ ਵਿਦਿਆਰਥੀਆਂ ਨੂੰ ਧਰਮ ਨਾਲ ਜੋੜਣ ਲਈ ਅੰਮ੍ਰਿਤ ਸੰਚਾਰ ਵੀ ਕਰਵਾਏਗਾ ਜਿਸ ਦੀ ਸਾਰੀ ਜਿੰਮੇਵਾਰੀ ਬੀਬੀ ਸੁਖਜੀਤ ਕੌਰ ਨਿਭਾਉਣਗੇ। ਸ੍ਰ ਤਰਲੋਚਨ ਸਿੰਘ ਤੇ ਹਰਮਨਜੀਤ ਸਿੰਘ ਨੇ ਦਸਿਆ ਕਿ ਸਕੂਲ ਦੇ ਅਧਿਆਪਕਾਂ ਦੇ ਨਾਵਾਂ ਨਾਲ ਸਿੰਘ ਤੇ ਕੌਰ ਲਗਾਉਣਾ ਜਰੂਰੀ ਹੋਵੇਗਾ। ਹਰ ਵਿਿਦਆਰਥੀ ਤੇ ਅਧਿਆਪਕ ਲਈ ਕੜਾ ਪਹਿਨਣਾ ਜਰੂਰੀ ਹੋਵੇਗਾ।