ਹਰ ਵਰਗ ਦੀ ਭਲਾਈ ਨੂੰ ਸਮਰਪਿਤ ਹੋਵੇਗਾ ਹਰਿਆਣਾ ਦਾ ਆਮ ਬਜਟ-ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ

ਚੰਡੀਗੜ੍ਹ- ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸੂਬੇ ਦਾ ਆਗਾਮੀ ਬਜਟ ਹਰ ਨਾਗਰਿਕ ਦੀ ਖੁਸ਼ਹਾਲੀ ਅਤੇ ਹਰ ਵਰਗ ਦੀ ਭਲਾਈ ਨੂੰ ਸਮਰਪਿਤ ਹੋਵੇਗਾ। ਇਸ ਬਜਟ ਨਿਰਮਾਣ ਦੀ ਪ੍ਰਕਿਰਿਆ ਨੂੰ ਬੰਦ ਕਮਰਿਆਂ ਤੱਕ ਸੀਮਤ ਨਾ ਰੱਖ ਕੇ ਸਰਕਾਰ ਵੱਲੋਂ ਸਾਰੇ ਹਿੱਤਧਾਰਕਾਂ ਦੀ ਭਾਗੀਦਾਰੀ ਯਕੀਨੀ ਕੀਤੀ ਜਾ ਰਹੀ ਹੈ ਤਾਂ ਜੋ ਇੱਕ ਸਰਵ ਸਮਾਜ ਦੀ ਭਲਾਈ ਵਿੱਚ ਇੱਕ ਭਲਾਈਕਾਰੀ ਬਜਟ ਪੇਸ਼ ਕੀਤਾ ਜਾ ਸਕੇ।

ਬਜਟ ਪਹਿਲਾਂ ਕੰਸਲਟੇਸ਼ਨ ਮੀਟਿੰਗ ਦੇ ਕ੍ਰਮ ਵਿੱਚ ਮੁੱਖ ਮੰਤਰੀ ਸ਼ੁੱਕਰਵਾਰ ਦੇ ਸੂਰਜਕੁੰਡ ਵਿੱਚ ਉਦਯੋਗ ਅਤੇ ਵਿਨਿਰਮਾਣ ਖੇਤਰ ਦੇ ਪ੍ਰਤੀਨਿਧੀਆਂ ਨਾਲ ਸਿੱਧੀ ਗੱਲਬਾਤ ਕਰ ਰਹੇ ਸਨ। ਇਸ ਦੌਰਾਨ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਰਾਜਾ ਨਾਹਰ ਸਿੰਘ ਦੇ ਬਲਿਦਾਨ ਦਿਵਸ 'ਤੇ ਉਨ੍ਹਾਂ ਨੂੰ ਸ਼ਤ-ਸ਼ਤ ਨਮਨ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਇਹ ਫਰੀਦਾਬਾਦ ਲਈ ਮਾਣ ਦੀ ਗੱਲ ਹੈ, ਜੋ ਇਸ ਧਰਤੀ 'ਤੇ ਰਾਜਾ ਨਾਹਰ ਸਿੰਘ ਦਾ ਜਨਮ ਹੋਇਆ।

ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਹਰਿਆਣਾ ਵਿੱਚ ਤੇਜ ਗਤੀ ਨਾਲ ਉਦਯੋਗਾਂ ਦਾ ਵਿਕਾਸ ਹੋ ਰਿਹ ਹੈ। ਆਏ ਦਿਨ ਵੱਡੀ-ਵੱਡੀ ਉਦਯੋਗਿਕ ਇਕਾਇਆਂ ਹਰਿਆਣਾ ਵਿੱਚ ਆ ਰਹੀਆਂ ਹਨ। ਅਜਿਹੇ ਵਿੱਚ ਸੂਬਾ ਸਰਕਾਰ ਇੱਕ ਬੇਹਤਰ ਉਦਯੋਗਿਕ ਇਕੋਸਿਸਟਮ ਬਨਾਉਣ ਲਈ ਨਵੀਂ- ਨਵੀਂ ਨੀਤੀਆਂ ਬਣਾ ਰਹੀ ਹੈ। ਹਰਿਆਣਾ ਦੇ ਉਦਯੋਗਿਕ ਵਿਕਾਸ ਲਈ ਬਜਟ ਪ੍ਰਾਵਧਾਨਾਂ ਵਿੱਚ ਕੋਈ ਘਾਟ ਨਹੀਂ ਆਉਣ ਦਿੱਤੀ ਜਾਵੇਗੀ। ਸੂਬਾ ਸਰਕਾਰ ਨੇ ਆਗਾਮੀ ਬਜਟ ਲਈ ਇਹ ਟੀਚਾ ਰੱਖਿਆ ਹੈ ਕਿ ਇਹ ਬਜਟ ਵੱਧ ਤੋਂ ਵੱਧ ਉਦਯੋਗਾਂ ਦੇ ਅਨੁਕੂਲ ਹੋਣ ਤਾਂ ਜੋ ਸੂਬੇ ਦੀ ਅਰਥਵਿਵਸਥਾ ਨੂੰ ਮਜਬੂਤੀ ਮਿਲੇ ਅਤੇ 2047 ਤੱਕ ਵਿਕਸਿਤ ਭਾਰਤ ਦਾ ਟੀਚਾ ਪੂਰਾ ਹੋਵੇ।

ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਨੇ ਬੀਤੇ ਸਾਲ ਵੀ ਬਜਟ ਪਹਿਲਾਂ ਕੰਸਲਟੇਸ਼ਨ ਮੀਟਿੰਗ ਦਾ ਆਯੋਜਨ ਕੀਤਾ ਸੀ, ਜਿਸ ਵਿੱਚ ਵਿਸਥਾਰ ਅਤੇ ਸਾਰਥਕ ਵਿਚਾਰ-ਵਟਾਂਦਰਾ ਹੋਈ ਸੀ ਅਤੇ 71 ਸੁਝਾਵਾ ਨੂੰ ਅਸੀ ਸਿੱਧੇ ਬਜਟ ਦਾ ਹਿੱਸਾ ਬਣਾਇਆ ਸੀ। ਉਨ੍ਹਾਂ ਨੇ ਕਿਹਾ ਕਿ ਉਦਯੋਗ ਅਤੇ ਕਿਰਤ ਵਿਭਾਗ ਹਰਿਆਣਾ ਦੀ ਅਰਥਵਿਵਸਥਾ ਦੀ ਰੀਢ ਹੈ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸਾਲ 2025-26 ਵਿੱਚ ਇਸ ਵਿਭਾਗ ਲਈ ਲਗਭਗ 1 ਹਜ਼ਾਰ 951 ਕਰੋੜ 43 ਲੱਖ ਰੁਪਏ ਦਾ ਪ੍ਰਾਵਧਾਨ ਕੀਤਾ ਗਿਆ। ਇਨ੍ਹਾਂ ਵਿੱਚੋਂ ਹੁਣ ਤੱਕ 873 ਕਰੋੜ 51 ਲੱਖ ਰੁਪਏ ਦੀ ਰਕਮ ਖਰਚ ਕੀਤੀ ਜਾ ਚੁੱਕੀ ਹੈ।

ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਨੇ ਉਦਯੋਗਾਂ ਦੇ ਹਿੱਤ ਲਈ ਕਈ ਦੂਰਗਾਮੀ ਫੈਸਲੇ ਲਏ ਹਨ ਜਿਨ੍ਹਾਂ ਵਿੱਚੋਂ ਅਨਅਧਿਕਾਰਤ ਕਲੋਨਿਆਂ ਦਾ ਨਿਅਮਤੀਕਰਨ, ਉਦਯੋਗਿਕ ਖੇਤਰਾਂ ਵਿੱਚ ਭੂਮਿ ਵੰਡ ਦੀ ਪ੍ਰਕਿਰਿਆਵਾਂ ਨੂੰ ਅਸਾਨ ਬਨਾਉਣਾ, ਨਵੇ ਇੰਕਯੂਬੇਸ਼ਨ ਸੈਂਟਰਾਂ ਦੀ ਸਥਾਪਨਾ, ਟੇਕਸਟਾਇਲ ਨੀਤੀ ਦਾ ਵਿਸਥਾਰ, ਪਦਮਾ ਨੀਤੀ ਤਹਿਤ ਪਰਿਯੋਜਨਾਵਾਂ ਦੀ ਮੰਜ਼ੂਰੀ ਅਤੇ ਜੀਰੋ ਵੇਸਟ ਅਤੇ ਜੀਰੋ ਵਾਟਰ ਵੇਸਟੇਜ ਦੀ ਦਿਸ਼ਾ ਵਿੱਚ ਉਦਯੋਗਿਕ ਖੇਤਰਾਂ ਵਿੱਚ ਈ.ਟੀ.ਪੀ. ਪਲਾਂਟਸ ਦੀ ਸਥਾਪਨਾ ਜਿਹੇ ਫੈਸਲੇ ਸ਼ਾਮਲ ਹਨ। ਇਨ੍ਹਾਂ ਉਪਲਬਧੀਆਂ ਪਿੱਛੇ ਅਸੀ ਸਾਰਿਆਂ ਦੇ ਬਹੁਮੱਲ੍ਹੇ ਸੁਝਾਅ, ਸਮਝ ਅਤੇ ਵਿਭਾਗ ਦੇ ਤਾਲਮੇਲ ਦੀ ਵੱਡੀ ਭੂਮਿਕਾ ਰਹੀ ਹੈ।

ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਉਦਯੋਗਿਕ ਵਿਕਾਸ ਲਈ ਬਜਟ ਵਿੱਚ ਕੋਈ ਘਾਟ ਨਹੀਂ ਆਉਣ ਦਿੱਤੀ ਜਾਵੇਗੀ। ਸਾਡਾ ਪੂਰਾ ਯਤਨ ਹੈ ਕਿ ਆਗਾਮੀ ਬਜਟ ਰੁਜਗਾਰ, ਨਿਵੇਸ਼, ਨਵਾਚਾਰ ਅਤੇ ਸਵੈ-ਨਿਰਭਰਤਾ ਨੂੰ ਮਜਬੂਤ ਕਰਨ ਵਾਲਾ ਬਜਟ ਹੋਵੇ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਸੂਬੇ ਦੀ ਜਨਤਾ ਨੂੰ ਭਰੋਸਾ ਦਿਲਾਉਂਦਾ ਹਾਂ ਕਿ ਸੂਬੇ ਵਿੱਚ ਉਦਯੋਗਿਕ ਵਿਕਾਸ, ਵਿਆਪਾਰਿਕ ਸੁਗਮਤਾ ਅਤੇ ਨਿਵੇਸ਼ ਪ੍ਰੋਤਸਾਹਨ ਲਈ ਬਜਟ ਪ੍ਰਾਵਧਾਨਾਂ ਵਿੱਚ ਕੋਈ ਘਾਟ ਨਹੀਂ ਛੱਡੀ ਜਾਵੇਗੀ। ਉਨ੍ਹਾਂ ਨੇ ਬਜਟ ਨਾਲ ਜੁੜੇ ਸਾਰੇ ਹਿੱਤਧਾਰਕਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਬਹੁਮੁੱਲੇ ਸੁਝਾਅ ਏਆਈ ਚੈਟਬਾਟ 'ਤੇ ਦੇਣ ਤਾਂ ਜੋ ਬੇਹਤਰੀਨ ਸੁਝਾਵਾਂ ਨੂੰ ਇਸ ਬਜਟ ਵਿੱਚ ਸ਼ਾਮਲ ਕੀਤਾ ਜਾ ਸਕੇ।

ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ 2047 ਵਿੱਚ ਭਾਰਤ ਨੂੰ ਵਿਕਸਿਤ ਬਨਾਉਣ ਦਾ ਸੰਕਲਪ ਲਿਆ ਹੈ। ਅਸੀ ਸਾਰੇ ਇਸ ਦਿਸ਼ਾ ਵਿੱਚ ਸਾਮੂਹਿਕ ਯਤਨ ਕਰੀਏ ਅਤੇ ਦੇਸ਼ ਅਤੇ ਹਰਿਆਣਾ ਨੂੰ ਵਿਕਸਿਤ ਬਨਾਉਣ ਦਾ ਸੰਕਲਪ ਲੈਣ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਅਤੇ ਉਦਯੋਗ ਦੋ ਰਸਤੇ ਨਹੀਂ ਸਗੋਂ ਦੋ ਪਹਇਏ ਹਨ ਜੋ ਵਿਕਸਿਤ ਭਾਰਤ ਅਤੇ ਵਿਕਸਿਤ ਹਰਿਆਣਾ ਬਨਾਉਣ ਦਾ ਸਪਨਾ ਪੂਰਾ ਕਰਨਗੇ। ਅੱਜ ਵੀ ਫਰੀਦਾਬਾਦ ਅਤੇ ਪਲਵਲ ਖੇਤਰ ਵਿੱਚ ਵਿਕਾਸ ਦੀ ਭਾਰੀ ਸੰਭਾਵਨਾ ਹੈ, ਨਵਾ ਆਈਐਮਟੀ ਬਨਾਉਣ ਲਈ ਭੂਮਿ ਖਰੀਦਣ ਲਈ ਈ-ਭੂਮਿ ਪੋਰਟਲ ਰਾਹੀਂ ਸੁਲਹੇੜਾ, ਬਾਗਪੁਰ, ਹਸਨਪੁਰ, ਮੋਹਨਾ ਅਤੇ ਛਾਯੰਸਾ ਪਿੰਡਾਂ ਵਿੱਚ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਟੈਂਡਰ ਪ੍ਰਕਿਰਿਆ ਚਲ ਰਹੀ ਹੈ। ਸਰਕਾਰ ਡਿਫੇਂਸ ਕਾਰਿਡੋਰ 'ਤੇ ਵੀ ਵਿਚਾਰ ਕਰ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾਂ ਵਿੱਚ ਉਦਯੋਗਿਕਰਨ ਦੀ ਸ਼ੁਰੂਆਤ ਫਰੀਦਾਬਾਦ ਤੋਂ ਹੋਈ, ਇੱਥੇ ਮੈਨਯੂਫੈਕਚਰਿੰਗ ਦਾ ਇੱਕ ਬੇਹਤਰ ਇਕੋਸਿਸਟਮ ਹੈ।

ਇਸ ਮੌਕੇ 'ਤੇ ਹਰਿਆਣਾ ਦੇ ਉਦਯੋਗ ਅਤੇ ਵਣਜ ਮੰਤਰੀ ਰਾਓ ਨਰਬੀਰ ਸਿੰਘ, ਕੈਬਨਿਟ ਮੰਤਰੀ ਸ੍ਰੀ ਵਿਪੁਲ ਗੋਇਲ, ਰਾਜ ਮੰਤਰੀ ਸ੍ਰੀ ਰਾਜੇਸ਼ ਨਾਗਰ, ਬੱਲਭਗੜ੍ਹ ਵਿਧਾਇਕ ਸ੍ਰੀ ਮੂਲਚੰਦ ਸ਼ਰਮਾ, ਬੜਖਲ ਵਿਧਾਇਕ ਸਕ੍ਰੀ ਧਨੇਸ਼ ਅਦਲਖਾ, ਵਿਧਾਇਕ ਸ੍ਰੀ ਸਤੀਸ਼ ਫਾਗਨਾ, ਨਗਰ ਨਿਗਮ ਮੇਅਰ ਪ੍ਰਵੀਣ ਜੋਸ਼ੀ, ਮੁੱਖ ਮੰਤਰੀ ਦੇ ਮੁੱਖ ਪ੍ਰਧਾਨ ਸਕੱਤਰ ਸ੍ਰੀ ਰਾਜੇਸ਼ ਖੁੱਲਰ, ਵਿਤੀ ਵਿਭਾਗ ਦੇ ਕਮੀਸ਼ਨਰ ਅਤੇ ਸਕੱਤਰ ਸ੍ਰੀ ਮੁਹੱਮਦ ਸ਼ਾਇਨ, ਉਦਯੋਗ ਅਤੇ ਵਣਜ ਵਿਭਾਗ ਦੇ ਕਮੀਸ਼ਨਰ ਅਤੇ ਸਕੱਤਰ ਡਾ. ਅਮਿਤ ਅਗਰਵਾਲ, ਐਮਡੀ ਐਚਐਸਆਈਆਈਡੀਸੀ ਡਾ. ਆਦਿਤਿਆ ਦਹਿਯਾ, ਡਾਇਰੈਕਟਰ ਜਨਰਲ ਹਰਿਆਣਾ ਵਿਤੀ ਪ੍ਰਬੰਧਨ ਸੰਸਥਾਨ ਅਤੇ ਓਐਸਡੀ ਰਾਜ ਨੇਹਰੂ, ਮਹਿਲਾ ਕਮੀਸ਼ਨ ਅਤੇ ਲਘੁ ਭਾਰਤੀ ਉਦਯੋਗ ਦੀ ਮਹਿਲਾ ਪ੍ਰਕੋਸ਼ਠ ਚੇਅਰਪਰਸਨ ਸ੍ਰੀਮਤੀ ਰੇਣੂ ਭਾਟਿਆ ਮੌਜ਼ੂਦ ਰਹੇ।