ਪ੍ਰਬੰਧ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਐਡਵੋਕਟ ਧਾਮੀ ਨੇ ਸ਼ੋ੍ਰਮਣੀ ਕਮੇਟੀ ਦੇ ਅਧਿਕਾਰੀਆਂ ਦੇ ਮਹਿਕਮੇ ਕੀਤੇ ਤਬਦੀਲ

ਅੰਮ੍ਰਿਤਸਰ - ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕਟ ਹਰਜਿੰਦਰ ਸਿੰਘ ਧਾਮੀ ਨੇ ਸ਼ੋ੍ਰਮਣੀ ਕਮੇਟੀ ਦੇ ਪ੍ਰਬੰਧ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਕੁਝ ਅਧਿਕਾਰੀਆਂ ਦੇ ਮਹਿਕਮੇ ਤਬਦੀਲ ਕੀਤੇ ਹਨ। ਇਸ ਨੂੰ ਕੁਝ ਲੋਕ ਮੋਹਾਲੀ ਦੇ ਗੁਰਦਵਾਰਾ ਅੰਬ ਸਾਹਿਬ ਦੀ ਜਮੀਨ ਮਾਮਲੇ ਨਾਲ ਜੋੜ ਕੇ ਦੇਖ ਰਹੇ ਹਨ ਜੋ ਕਿ ਸੱਚ ਤੋ ਕੋਹਾਂ ਦੂਰ ਹੈ। ਪ੍ਰਧਾਨ ਐਡਵੋਕੇਟ ਧਾਮੀ ਨੇ ਸ਼ੈ਼ਕਸ਼ਨ 85 ਦੇ ਸਕੱਤਰ ਸ੍ਰ ਪ੍ਰਤਾਪ ਸਿੰਘ ਕੋਲੋ ਸ਼ੈਕਸ਼ਨ 85 ਦਾ ਪ੍ਰਬੰਧ ਵਾਪਸ ਲੈ ਕੇ ਵਧੀਕ ਸਕੱਤਰ ਸ੍ਰ ਗੁਰਿੰਦਰ ਸਿੰਘ ਮਥਰੇਵਾਲ ਨੂੰ ਸੋਪਿਆ ਹੈ।ਸ੍ਰ ਮਥਰੇਵਾਲ ਅਜਾਦਾਨਾ ਤੌਰ ਤੇ ਸ਼ੈਕਸ਼ਨ 85 ਦਾ ਕੰਮ ਦੇਖਣਗੇ।ਉਹ ਵਿਦੇਸ਼ ਜਾਣ ਤੋ ਪਹਿਲਾਂ ਵੀ ਇਹ ਪ੍ਰਬੰਧ ਦੇਖਦੇ ਸਨ।ਇਸੇ ਤਰ੍ਹਾ ਐਡਵੋਕੇਟ ਧਾਮੀ ਨੇ ਇਕ ਅਹਿਮ ਤਬਦੀਲੀ ਕਰਦਿਆਂ ਮੀਤ ਸਕੱਤਰ ਸ੍ਰ ਜਸਵਿੰਦਰ ਸਿੰਘ ਕੋਲੋ ਟਰਸਟ, ਵਿਦੇਸ਼ ਤੇ ਸਿਿਖਆ ਵਿਭਾਗ ਵਾਪਸ ਲੈ ਕੇ ਉਨਾਂ ਨੂੰ ਧਰਮ ਪ੍ਰਚਾਰ ਕਮੇਟੀ ਵਿਚ ਮੀਤ ਸਕੱਤਰ ਵਜੋ ਸੇਵਾ ਨਿਭਾਉਣ ਲਈ ਕਿਹਾ ਹੈ। ਸ੍ਰ ਜੱਸੀ ਸ਼ੋ੍ਰਮਣੀ ਕਮੇਟੀ ਵਿਚ ਲੰਮੇ ਸਮੇ ਤੋ ਸੇਵਾਵਾਂ ਦੇ ਰਹੇ ਹਨ। ਉਹ ਕਰੀਬ 19 ਸਾਲ ਤਕ ਸ੍ਰੀ ਦਰਬਾਰ ਸਾਹਿਬ ਸੂਚਨਾ ਕੇਂਦਰ ਵਿਖੇ ਤੈਨਾਤ ਰਹੇ ਹਨ। ਉਹ ਵਿਸ਼ਵ ਦੀਆਂ ਕਰੀਬ ਸੱਤ ਭਾਸਾ਼ਵਾ ਬੋਲਣ ਦੀ ਸਮਰਥਾ ਰਖਦੇ ਹਨ ਤੇ ਧਰਮ ਪ੍ਰਚਾਰ ਖੇਤਰ ਵਿਚ ਉਨਾਂ ਦੀ ਵਖਰੀ ਪਕੜ ਤੇ ਪਹਿਚਾਣ ਹੈ। ਧਰਮ ਪ੍ਰਚਾਰ ਕਮੇਟੀ ਦੇ ਮੀਤ ਸਕੱਤਰ ਸ੍ਰ ਗੁਰਦਿਆਲ ਸਿੰਘ ਨੂੰ ਟਰਸਟ, ਵਿਦੇਸ਼ ਤੇ ਸਿਿਖਆ ਵਿਭਾਗ ਦੀਆਂ ਸੇਵਾਵਾਂ ਸੋਂਪੀਆਂ ਗਈਆਂ ਹਨ।ਗੁਰਦੁਆਰਾ ਸੈਕਸ਼ਨ 85 ਵਿਭਾਗ ਦੇ ਇੰਚਾਰਜ ਸਿਮਰਜੀਤ ਸਿੰਘ ਕੰਗ ਨੂੰ ਇੰਚਾਰਜ ਫਲਾਇੰਗ ਲਗਾਇਆ ਗਿਆ ਹੈ। ਟਰਸਟ ਵਿਭਾਗ ਤੋ ਭਰੋਸੇਯੋਗ ਸੂਤਰਾ ਮੁਤਾਬਿਕ ਮੁਹਾਲੀ ਜਮੀਨ ਘੋਟਾਲੇ ਵਿਚ ਸਕੱਤਰ ਸ੍ਰ ਪ੍ਰਤਾਪ ਸਿੰਘ ਦੀ ਜਿਸ ਚਿਠੀ ਦਾ ਹਵਾਲਾ ਦਿੱਤਾ ਜਾ ਰਿਹਾ ਹੈ ਉਸ ਤੇ ਲਗਾ ਨੰਬਰ ਜਾਅਲੀ ਸਾਬਤ ਹੋਇਆ ਹੈ। ਸ਼ੋ੍ਰਮਣੀ ਕਮੇਟੀ ਦੇ ਪ੍ਰਬੰਧ ਨੂੰ ਸਵਾਲਾ ਦੇ ਘੇਰੇ ਵਿਚ ਲਿਆਉਣ ਲਈ ਚਿਠੀ ਤੇ ਦਿਖਾਏ ਜਾ ਰਹੇ ਸ੍ਰ ਪ੍ਰਤਾਪ ਸਿੰਘ ਦੇ ਦਸਤਖਤ ਡਿਜੀਟਲ ਵੀ ਦਸੇ ਜਾ ਰਹੇ ਹਨ।