ਮੇਜਰ ਸਿੰਘ ਸ੍ਰੀ ਦਰਬਾਰ ਸਾਹਿਬ ਦੇ ਮੈਨੇਜਰ ਨਿਯੁਕਤ

ਸ਼ੋ੍ਰਮਣੀ ਕਮੇਟੀ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੇ ਪ੍ਰਬੰਧਾਂ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਪ੍ਰਬੰਧਾਂ ਵਿਚ ਅਹਿਮ ਤਬਦੀਲੀਆਂ ਕੀਤੀਆ ਹਨ। ਪ੍ਰਾਪਤ ਵੇਰਵਿਆਂ ਮੁਤਾਬਿਕ ਸ੍ਰ ਮੇਜਰ ਸਿੰਘ ਨੂੰ ਸ੍ਰੀ ਦਰਬਾਰ ਸਾਹਿਬ ਦਾ ਮੈਨੇਜਰ ਨਿਯੁਕਤ ਕੀਤਾ ਹੈ। ਸ੍ਰ ਮੇਜਰ ਸਿੰਘ ਕੁਸ਼ਲ ਪ੍ਰਬੰਧਕ ਵਜੋ ਜਾਣੇ ਜਾਂਦੇ ਹਨ ਤੇ ਉਹ ਹੁਣ ਤਕ ਅਨੇਕਾਂ ਗੁਰੂ ਘਰਾਂ ਦੇ ਮੈਨੇਜਰ ਵਜੋ ਸੇਵਾਵਾਂ ਦੇ ਚੁੱਕੇ ਹਨ।ਸ੍ਰ ਮੇਜਰ ਸਿੰਘ ਡਿਉਟੀ ਪ੍ਰਤੀ ਸਮਰਪਣ ਦੀ ਭਾਵਨਾ ਰਖਣ ਦੇ ਨਾਲ ਨਾਲ ਗੁਰੂ ਭੈਅ ਵਿਚ ਕੰਮ ਕਰਦੇ ਹਨ।ਉਹ ਬੇਹਦ ਮਿਲਣਸਾਰ ਤੇ ਹਰ ਕਿਸੇ ਦੇ ਦਿਲ ਵਿਚ ਘਰ ਕਰ ਜਾਣ ਵਾਲੇ ਅਧਿਕਾਰੀਆਂ ਵਿਚੋ ਇਕ ਹਨ। ਇਸ ਦੇ ਨਾਲ ਹੀ ਐਡਵੋਕੇਟ ਧਾਮੀ ਨੇ ਸ਼ੋ੍ਰਮਣੀ ਕਮੇਟੀ ਦੀ ਧਰਮ ਪ੍ਰਚਾਰ ਕਮੇਟੀ ਦੇ ਮੀਤ ਸਕੱਤਰ ਸ੍ਰ ਜ਼ਸਵਿੰਦਰ ਸਿੰਘ ਜੱਸੀ ਨੂੰ ਤਰੱਕੀ ਦੇ ਕੇ ਵਧੀਕ ਸਕੱਤਰ ਸ਼ੈਕਸ਼ਨ 85 ਬਣਾਇਆ ਹੈ, ਜਦਕਿ ਸਕੱਤਰ ਸ੍ਰ ਗੁਰਿੰਦਰ ਸਿੰਘ ਮਥਰੇਵਾਲ ਨੂੰ ਸ਼ੈਕਸ਼ਨ 85 ਤੋ ਬਦਲ ਕੇ ਸਕੱਤਰ ਧਰਮ ਪ੍ਰਚਾਰ ਕਮੇਟੀ ਦੀ ਜਿੰਮੇਵਾਰੀ ਸੌਂਪੀ ਹੈ। ਸ੍ਰੀ ਦਰਬਾਰ ਸਾਹਿਬ ਦੇ ਸਾਬਕਾ ਮੈਨੇਜਰ ਸ੍ਰ ਭਗਵੰਤ ਸਿੰਘ ਧੰਗੇੜਾ ਨੂੰ ਤਰੱਕੀ ਦੇ ਕੇ ਵਧੀਕ ਸਕੱਤਰ ਅਕਾਉਟਸ ਬਣਾਇਆ ਗਿਆ ਹੈ।ਮੀਤ ਸਕੱਤਰ ਸ੍ਰ ਲਖਬੀਰ ਸਿੰਘ ਨੂੰ ਵੀ ਵਧੀਕ ਸਕੱਤਰ ਦੀ ਸੇਵਾ ਸੌਂਪੀ ਗਈ ਹੈ।ਐਡਵੋਕੇਟ ਧਾਮੀ ਨੇ ਸ੍ਰ ਗੁਰਮੀਤ ਸਿੰਘ ਮੁਕਤਸਰੀ, ਅਜਾਦ ਦੀਪ ਸਿੰਘ ਅਤੇ ਸ੍ਰੀ ਦਰਬਾਰ ਸਾਹਿਬ ਦੇ ਮੈਨੇਜਰ ਜਾਇਦਾਦਾਂ ਸ੍ਰ ਸਤਨਾਮ ਸਿੰਘ ਰਿਆੜ ਨੂੰ ਵੀ ਤਰੱਕੀਆਂ ਦੇ ਕੇ ਮੀਤ ਸਕੱਤਰ ਲਗਾਇਆ ਹੈ।