ਯੂਪੀ ਤੋ ਆਏ ਇਕ ਵਿਅਕਤੀ ਵਲੋ ਗੁਰਦਵਾਰਾ ਬਾਬਾ ਗੁਰਬਖਸ਼ ਸਿੰਘ ਵਿਖੇ ਕੀਤੀ ਬੇਅਦਬੀ

ਅੰਮ੍ਰਿਤਸਰ- ਸ੍ਰੀ ਦਰਬਾਰ ਸਾਹਿਬ ਸਮੂੰਹ ਵਿਖੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਪਿੱਛੇ ਸਥਿਤ ਗੁਰਦਵਾਰਾ ਬਾਬਾ ਗੁਰਬਖਸ਼ ਸਿੰਘ ਵਿਖੇ ਉਤਰ ਪ੍ਰਦੇਸ਼ ਤੋ ਆਏ ਅਭੈ ਸਿੰਘ ਨਾਮਕ ਵਿਅਕਤੀ ਨੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਚਲ ਰਹੇ ਅਖੰਡ ਪਾਠ ਦੌਰਾਨ ਸਿੰਘਾਸਨ ਤੇ ਬਿਰਾਜਮਾਨ ਸ੍ਰੀ ਸਾਹਿਬ ਚੁੱਕ ਕੇ ਬੇਅਦਬੀ ਕੀਤੀ। ਅਭੈ ਸਿੰਘ ਨੂੰ ਸੰਗਤ ਨੇ ਫੜ ਲਿਆ ਤੇ ਸ੍ਰੀ ਦਰਬਾਰ ਸਾਹਿਬ ਦੇ ਸੇਵਾਦਾਰਾਂ ਦੇ ਹਵਾਲੇ ਕੀਤਾ।ਪੁਲੀਸ ਨੇ ਉਕਤ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਕਰਦਿਆਂ ਨਿਗਰਾਣ ਪ੍ਰਕਰਮਾਂ ਬਲਵਿੰਦਰ ਸਿੰਘ ਦੀ ਸ਼ਿਕਾਇਤ ਤੇ ਮਾਮਲਾ ਦਰਜ ਕਰ ਲਿਆ ਹੈ। ਦੋਸ਼ੀ ਤੇ ਉਸ ਦਾ ਇਕ ਹੋਰ ਸਾਥੀ ਪੁਲੀਸ ਦੇ ਕਬਜੇ ਵਿਚ ਹਨ। ਜਾਣਕਾਰੀ ਮੁਤਾਬਿਕ ਬੀਤੀ ਰਾਤ ਕਰੀਬ ਇਕ ਵਜੇ ਅਭੈ ਸਿੰਘ ਨਾਮਕ ਵਿਅਕਤੀ ਨੇ ਇਹ ਬੇਅਦਬੀ ਕੀਤੀ ਹੈ। ਉਸ ਦਾ ਇਕ ਹੋਰ ਵੰਸ਼ ਨਾਮਕ ਸਾਥੀ ਜੋ ਕਿ ਸ੍ਰੀ ਗੁਰੂ ਰਾਮਦਾਸ ਸਰਾਂ ਵਿਚ ਸੀ ਨੇ ਦੇਰ ਰਾਤ ਕਿਸੇ ਵਿਅਕਤੀ ਨਾਲ ਫੋਨ ਤ ਗਲ ਕਰਦਿਆਂ ਸੁਣਿਆ ਕਿ ਉਹ ਦਰਬਾਰ ਸਾਹਿਬ ਪਹੰੁਚ ਗਿਆ ਹੈ ਤੇ ਘਟਨਾਂ ਕਰਨ ਤੋ ਬਾਅਦ ਹੀ ਆਵੇਗਾ। ਉਕਤ ਦੀ ਗਲ ਸੰਗਤ ਵਿਚ ਦੋ ਬੀਬੀਆਂ ਨੇ ਸੁਣੀ ਤੇ ਸਾਰੀ ਗਲ ਸਰਾਂ ਦੇ ਸੇਵਾਦਾਰਾਂ ਦੇ ਧਿਆਨ ਵਿਚ ਲਿਆਂਦੀ। ਜਿਸ ਤੋ ਬਾਅਦ ਵੰਸ਼ ਨੂੰ ਫੜ ਕੇ ਪੁਲੀਸ ਦੇ ਹਵਾਲੇ ਕੀਤਾ। ਹਲੇ ਇਸ ਘਟਨਾਂ ਦੀ ਚਰਚਾ ਚਲ ਰਹੀ ਸੀ ਕਿ ਅਭੈ ਸਿੰਘ ਨੇ ਬੇਅਦਬੀ ਦਾ ਕਾਰਾ ਕਰ ਦਿੱਤਾ ਜਿਸ ਤੋ ਸੰਕੇਤ ਮਿਲਦਾ ਹੈ ਕਿ ਇਹ ਸਾਰਾ ਕਿਸੇ ਵੱਡੀ ਸ਼ਾਜਿਸ਼ ਦਾ ਹਿੱਸਾ ਹੈ। ਅਭੈ ਸਿੰਘ ਨੇ ਪੁਛਗਿਛ ਦੌਰਾਨ ਝੂਠ ਬੋਲਦਿਆਂ ਕਿਹਾ ਕਿ ਉਸ ਨੇ ਕਿਸੇ ਸਾਹਿਬ ਸਿੰਘ ਨਾਮੀ ਵਿਅਕਤੀ ਕੋਲੋ ਪੈਸੇ ਲੈ ਕੇ ਅੰਮ੍ਰਿਤਸਰ ਆਇਆ ਹੈ। ਉਸ ਨੇ ਦਸਿਆ ਕਿ ਉਸ ਦੀ ਗੱਡੀ ਦਾ ਚਲਾਣ ਅੰਬਾਲਾ ਵਿਖੇ ਕਟਿਆ ਗਿਆ ਸੀ ਤੇ ਉਹ ਬਸ ਰਾਹੀ ਜਲੰਧਰ ਤੋ ਅੰਮ੍ਰਿਤਸਰ ਆਇਆ ਹੈ। ਉਸ ਨੇ ਦਸਿਆ ਕਿ ਉਸ ਨੂੰ ਮਰਨ ਤੋ ਡਰ ਨਹੀ ਲਗਦਾ ਤੇ ਉਹ ਇਕਲਾ ਹੀ ਅੰਮ੍ਰਿਤਸਰ ਆਇਆ ਹੈ।ਪੁਲੀਸ ਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਸਤਿਕਾਰ ਐਕਟ ਦੀਆਂ ਧਰਾਵਾਂ ਤੇ ਅਧੀਨ ਮੁਕਦਮਾਂ ਨੰਬਰ 63 ਦਰਜ ਕਰ ਲਿਆ ਹੈ।ਇਸ ਸੰਬਧੀ ਏ ਸੀ ਪੀ ਸੁਰਿੰਦਰ ਸਿੰਘ ਨੇ ਦਸਿਆ ਕਿ ਇਸ ਦੋਸ਼ੀ ਨੂੰ ਅਦਾਲਤ ਵਿਚ ਪੇਸ਼ ਕਰਕੇ ਵਧੇਰੇ ਪੁੱਛਗਿਛ ਕਰਨ ਲਈ ਰਿਮਾਂਡ ਤੇ ਲਿਆ ਜਾਵੇਗਾ। ਇਸ ਸਾਰੇ ਘਟਨਾਕ੍ਰਮ ਤੇ ਬੋਲਦਿਆਂ ਸ੍ਰੀ ਦਰਬਾਰ ਸਾਹਿਬ ਦੇ ਮੈਨੇਜਰ ਸ੍ਰ ਮੇਜਰ ਸਿੰਘ ਨੇ ਦਸਿਆ ਕਿ ਇਸ ਦੋਸ਼ੀ ਦੇ ਖਿਲਾਫ ਸਖਤ ਧਰਾਵਾਂ ਲਗਾ ਕੇ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ।ਪੁਲੀਸ ਦੇ ਨਾਲ ਨਾਲ ਅਸੀ ਆਪਣੇ ਤੌਰ ਤੇ ਵੀ ਘੋਖ ਕਰ ਰਹੇ ਹਾਂ ਕਿ ਇਸ ਨੂੰ ਕਿਸ ਨੇ ਭੇਜਿਆ ਹੈ। ਸ੍ਰ ਮੇਜਰ ਸਿੰਘ ਨੇ ਦਸਿਆ ਕਿ ਇਸ ਦੀ ਨਕਲੋ ਹਰਕਤ ਦੇਖਣ ਲਈ ਸੀਸੀ ਟੀਵੀ ਫੁਟੇਜ਼ ਖ਼ੰਗਾਲੀ ਜਾ ਰਹੀ ਹੈ।