ਵੈਨਕੂਵਰ-ਪਿਛਲੇ ਦਿਨੀ ਵਿੱਛੜੇ ਚਿਤਰਕਾਰ ਸ. ਮਿਹਰ ਸਿੰਘ ਤੇ ਡ. ਦਰਿਆ ਦੇ ਬੇਵਕਤ ਚਲਾਣੇ 'ਤੇ ਵੈਨਕੂਵਰ ਵਿਚਾਰ ਮੰਚ ਵਲੋਂ ਇਕਤਰਤਾ ਕਰ ਕੇ ਸ਼ੋਕ ਪ੍ਰਗਟਾਇਆ ਗਿਆ।ਸਾਹਿਤ ਤੇ ਸਭਿਆਚਾਰਕ ਸੰਸਥਾ ਵੈਨਕੂਵਰ ਵਿਚਾਰ ਮੰਚ ਵਲੋਂ ਵਿਛੜੀਆਂ ਸ਼ਖਸੀਅਤਾਂ ਦੀ ਕਲਾ ਤੇ ਸਾਹਿਤ ਵਿਚ ਦੇਣ ਦਾ ਜ਼ਿਕਰ ਕੀਤਾ ਗਿਆ ਤੇ ਉਹਨਾਂ ਦੇ ਚਲਾਣੇ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਦੱਸਿਆ ਗਿਆ।ਜਰਨੈਲ ਆਰਟ ਗੈਲਰੀ ਵਿਚ ਹੋਈ ਇਸ ਇਕਤਰਤਾ ਵਿਚ ਚਿਤਰਕਾਰ ਮਿਹਰ ਸਿੰਘ ਬਾਰੇ ਗਲਬਾਤ ਕਰਦਿਆਂ ਜਰਨੈਲ ਸਿੰਘ ਆਰਟਿਸਟ ਨੇ ਉਹਨਾਂ ਦੀ ਪੋਰਟਰੇਟ ਕਲਾ ਬਾਰੇ ਤੇ ਪੰਜਾਬ ਲਲਿਤ ਕਲਾ ਅਕਾਦਮੀ ਵਿਚ ਉਹਨਾਂ ਦੀ ਪ੍ਰਧਾਨਗੀ ਸਮੇਂ ਬਤੌਰ ਉਹਨਾਂ ਨਾਲ ਜਨਰਲ ਸਕੱਤਰ ਵਜੋਂ ਕੰਮ ਕਾਜ ਦੇ ਅਨੁਭਵ ਸਾਂਝੇ ਕੀਤੇ ਤੇ ਉਹਨਾਂ ਦੀ ਸ਼ਖਸੀਅਤ ਦੀ ਸਰਲਤਾ, ਮਜ਼ਾਹੀਆ ਸੁਭਾ ਤੇ ਹੋਰ ਕਲਾਕਾਰਾਂ ਨੂੰ ਉਤਸ਼ਾਹਤ ਕਰਨ ਤੇ ਪੇਂਡੂ ਖੇਤਰ ਵਿਚ ਕਲਾ ਵਰਕਸ਼ਾਪਾਂ ਲਾਉਣ ਦੇ ਵਾਕਿਅਤ ਬਿਆਨ ਕੀਤੇ।ਉਘੇ ਨਾਵਲਕਾਰ ਸ. ਜਰਨੈਲ ਸਿੰਘ ਸੇਖਾ ਨੇ ਡਾ. ਦਰਿਆਦੇ ਸਾਧਾਰਨ ਦਲਿਤ ਪਿਛੋਕੜ ਤੇ ੳਹਨਾਂ ਦੇ ਪਿਤਾ ਗਿਆਨੀ ਸ਼ਿੰਗਾਰਾ ਆਜੜੀ ਦੀ ਦੇਣ ਬਾਰੇ ਵਿਸਥਾਰ ਨਾਲ ਦੱਸਿਆ। ਉਹਨਾਂ ਦੱਸਿਆ ਕਿ 19 ਕਿਤਾਬਾਂ ਦੇ ਲੇਖਕ ਤੇ ਸੰਪਾਦਕ ਡਾ. ਦਰਿਆ ਇਕ ਵਧੀਆ ਕਵੀਵੀ ਸਨ ਤੇ ਉਹਨਾਂ ਦੀ ਕਵਿਤਾ ਦੀ ਪੁਸਤਕ ਜੰਗਲ ਜੰਗਲ ਵੀ ਛਪ ਚੁੱਕੀ ਹੈ।ਸ਼ਾਇਰ ਮੋਹਨ ਗਿੱਲ ਨੇ ਵੀ ਦੋਹਨਾਂ ਸ਼ਖਸੀਅਤਾਂ ਨੂੰ ਸ਼ਰਧਾ ਦੇ ਫੁਲ ਭੇਟ ਕਰਦਿਆਂ ਕਿਹਾ ਕਿ ਡਾ. ਦਰਿਆ ਦੀ ਐਨੀ ਛੋਟੀ ਉਮਰ ਵਿਚਮੌਤ ਚੌਂਕਾ ਦੇਣ ਵਾਲੀ ਹੈ।ਇਸ ਮੌਕੇ ਅੰਗਰੇਜ ਸਿੰਘ ਬਰਾੜ ਤੇ ਹਰਦਮ ਸਿੰਘ ਮਾਨ ਨੇ ਵੀ ਵਿਛੜੀਆਂ ਸ਼ਖਸੀਅਤਾਂ ਨੂੰ ਯਾਦ ਕਰਦਿਆਂ ਸ਼ਰਧਾਂਜਲੀ ਪੇਸ਼ ਕੀਤੀ ਤੇ ਮੌਤ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਕਿਹਾ ।