ਨਵੀਂ ਦਿੱਲੀ - ਸਿੱਖ ਕੌਸਿਲ ਵਲੋਂ ਕੀਤੇ ਗਏ ਇਕ ਸਮਾਗਮ ਅੰਦਰ 5 ਮੈਬਰੀਂ ਨਵੀ ਪ੍ਰਬੰਧਕੀ ਕਮੇਟੀ ਬਣਾਈ ਗਈ ਹੈ । ਜਿਸ ਵਿਚ ਗੁਰਪ੍ਰੀਤ ਸਿੰਘ ਆਨੰਦ ਨੂੰ ਜਨਰਲ ਸਕੱਤਰ, ਸੁਰਜੀਤ ਸਿੰਘ ਦੁਸਾਂਝ ਨੂੰ ਬੁਲਾਰਾ, ਜਗਜੀਤ ਸਿੰਘ ਨੂੰ ਖਜਾਨਚੀ, ਭਰੇਵਿੰਦਰ ਸਿੰਘ ਨੂੰ ਐਫੀਲੀਏਟ ਸੰਸਥਾਵਾਂ ਦੇ ਕੋਆਰਡੀਨੇਟਰ ਅਤੇ ਗੁਰਪ੍ਰੀਤ ਸਿੰਘ ਜੌਹਲ ਨੂੰ ਪ੍ਰਬੰਧਕੀ ਸਕੱਤਰ ਥਾਪਿਆ ਗਿਆ ਹੈ । ਕੌਸਿਲ ਵਲੋਂ ਭੇਜੇ ਗਏ ਪ੍ਰੈਸ ਨੋਟ ਮੁਤਾਬਿਕ ਇਸ ਨਵੀ ਟੀਮ ਅੰਦਰ ਸਾਰੇ ਹੀ ਪ੍ਰਤਿਭਾਵਾਨ ਮੈਬਂਰ ਹਨ ਅਤੇ ਬਹੁਤ ਸਾਰੀ ਕਾਬਲੀਅਤਾਂ ਅਤੇ ਕੰੰਮਕਾਜੀ ਮੁੱਹਰਤ ਰਖਦੇ ਹਨ । ਇਹ ਸਿੱਖ ਕੌਸਿਲ ਦਾ ਸਾਲ 2020-22 ਦਾ 6ਵਾਂ ਪ੍ਰਬੰਧਕੀ ਢਾਚਾਂ ਹੈ ਜਿਸਨੂੰ ਇਕ ਮਹੀਨੇ ਦੇ ਸਫਲਤਾਪੁਰਵਕ ਮੈਂਬਰਸ਼ਿਪ ਮੁਹਿੰਮ ਨਾਲ ਜਨਰਲ ਅਸੈਬਲੀ ਦੇ 100 ਤੋਂ ਵੱਧ ਡੈਲੀਗੇਟਾਂ ਨੇ ਮੰਨਜੂਰੀ ਦਿੱਤੀ ਹੈ । ਜਿਕਰਯੋਗ ਹੈ ਕਿ ਸਿੱਖ ਕੌਸਿਲ ਯੂਕੇ ਦੀ ਸਥਾਪਨਾ ਅਜ ਤੋਂ ਦਸ ਸਾਲ ਪਹਿਲਾਂ ਹੋਈ ਸੀ । ਸਿੱਖ ਕੌਂਸਲ ਯੂਕੇ, ਗੁਰਦੁਆਰਿਆਂ ਅਤੇ ਸਿੱਖ ਸੰਗਠਨਾਂ ਲਈ ਇੱਕ ਪਲੇਟਫਾਰਮ ਹੈ, ਜੋ ਸਿੱਖ ਕਾਰਜਾਂ ਵਿੱਚ ਯੋਗਦਾਨ ਪਾ ਰਹੀ ਹੈ