ਨਵੀਂ ਦਿੱਲੀ -ਸਿੱਖ ਕੌਮ ਲਈ ਬੜੇ ਫਕਰ ਵਾਲੀ ਖ਼ਬਰ ਹੈ ਕਿ ਬਰਤਾਨੀਆ ਦੀ ਸਿੱਖ ਐਮਪੀ ਪ੍ਰੀਤ ਕੌਰ ਗਿੱਲ ਨੂੰ ਯੂ ਕੇ ਦੀ ਪਾਰਲੀਮੈਂਟ ਮੈਂਬਰਾਂ ਦੇ ਕੰਮ ਕਾਜ ਤੇ ਨਿਗਰਾਨੀ ਰੱਖਣ ਵਾਲੀ ਸੰਸਥਾ ਪੈਚ ਵਰਕ ਨੇ ਸਾਲ ਦੀ ਸਰਵੋਤਮ ਐਮਪੀ ਦੇ ਐਵਾਰਡ ਨਾਲ ਨਿਵਾਜਿਆ ਹੈ । ਇਸ ਬਾਰੇ ਫੋਨ ਰਾਹੀ ਗੱਲਬਾਤ ਕਰਦਿਆਂ ਪ੍ਰੀਤ ਕੌਰ ਨੇ ਦੱਸਿਆ ਕੀ ਇਸ ਸੰਸਥਾ ਵਲੋਂ ਮੇਰੇ ਕੀਤੇ ਗਏ ਕੰਮਾਂ ਨੂੰ ਦੇਖਦਿਆਂ ਮੈਨੂੰ ਇਹ ਐਵਾਰਡ ਦਿਤਾ ਜਾ ਰਿਹਾ ਹੈ ਜੋ ਕਿ ਸਿੱਖ ਕੌਮ ਦੇ ਮਾਣ ਦੇ ਨਾਲ ਨਾਲ ਮੇਰੇ ਲਈ ਵੀ ਬਹੁਤ ਖੁਸ਼ੀ ਦੀ ਗੱਲ ਹੈ । ਉਨ੍ਹਾਂ ਦਸਿਆ ਕਿ ਮੇਰੇ ਵਲੋਂ ਘੱਟ ਗਿਣਤੀਆਂ ਖਾਸ ਕਰਕੇ ਗਰੀਬ ਤਬਕੇ ਜਿਸ ਵਿਚ ਨੌਜੁਆਨਾਂ ਲਈ ਕੁਝ ਸਕੀਮਾਂ ਚਾਲੂ ਕੀਤੀਆਂ ਗਈਆਂ ਸਨ ਜਿਸ ਨਾਲ ਉਨ੍ਹਾਂ ਨੂੰ ਆ ਰਹੀਆਂ ਪ੍ਰੇਸ਼ਾਨੀਆਂ ਸਰਕਾਰ ਤਕ ਪਹੁੰਚ ਸਕਣ । ਇਸ ਸਕੀਮ ਦਾ ਬਹੁਤੇ ਲੋਕਾਂ ਨੂੰ ਬਹੁਤ ਫਾਇਦਾ ਪਹੁੰਚ ਰਿਹਾ ਹੈ । ਉਨ੍ਹਾਂ ਦਸਿਆ ਕਿ ਮੇਰੇ ਦਫਤਰ ਵਿਚ ਹਰ ਹਫਤੇ ਕੋਈ ਨਾ ਕੋਈ ਨੌਜੁਆਨ ਜਰੂਰ ਆਂਦਾ ਹੈ ਤੇ ਆਪਣੀ ਪ੍ਰੇਸ਼ਾਨੀ ਦਸਦਾ ਹੈ ਜਿਸ ਨੂੰ ਹੱਲ ਕਰਣ ਵਿਚ ਸਾਡੀ ਪੂਰੀ ਟੀਮ ਨੂੰ ਬਹੁਤ ਖੁਸ਼ੀ ਹੁੰਦੀ ਹੈ ।
ਪ੍ਰੀਤ ਕੌਰ ਗਿੱਲ ਨੂੰ ਸਰਵੋਤਮ ਐਵਾਰਡ ਮਿਲਣ ਤੇ ਸਿੱਖ ਫੇਡਰੇਸ਼ਨ ਦੇ ਮੁੱਖੀ ਭਾਈ ਅਮਰੀਕ ਸਿੰਘ, ਬੁਲਾਰੇ ਭਾਈ ਦੁਬਿੰਦਰਜੀਤ ਸਿੰਘ ਅਤੇ ਹੋਰ ਬਹੁਤ ਸਾਰੀ ਸਿੱਖ ਸੰਸਥਾਵਾਂ ਨੇ ਮੁਬਾਰਕਾਂ ਦਿਤੀਆਂ ਹਨ ।