ਖ਼ਾਲਸਾ ਸਾਜਣਾ ਦਿਵਸ ਮਨਾਉਣ ਲਈ ਪਾਕਿਸਤਾਨ ਗਏ ਜਥੇ ਦੇ ਨਾਲ ਗਏ ਸ਼ੋ੍ਰਮਣੀ ਕਮੇਟੀ ਕਰਮਚਾਰੀਆਂ ਵਿਚੋ ਦੋ ਕਰਮਚਾਰੀਆਂ ਨੇ ਉਥੇ ਜਾ ਕੇ ਇਕ ਮਸਜਿਦ ਵਿਚ ਪੂਰੇ ਮਸਲਿਮ ਰਹੁਰੀਤਾ ਨਾਲ ਨਮਾਜ ਅਦਾ ਕਰਕੇ ਪੰਥਕ ਹਲਕਿਆਂ ਵਿਚ ਨਵਾ ਅਧਿਆਏ ਜੋੜ ਦਿੱਤਾ। ਪਟਿਆਲਾ ਦੇ ਗੁਰਦਵਾਰਾ ਦੂਖ ਨਿਵਾਰਣ ਸਾਹਿਬ ਵਿਖੇ ਬਤੌਰ ਸੇਵਾਦਾਰ ਤੈਨਾਤ ਰਾਮ ਸਿੰਘ ਚੱਠਾ ਤੇ ਗੋਬਿੰਦ ਸਿੰਘ ਨਾਮਕ ਦੋ ਕਰਮਚਾਰੀਆਂ ਨੇ ਪਾਕਿਸਤਾਨ ਵਿਚ ਆਪਣੇ ਪ੍ਰਵਾਸ ਦੌਰਾਨ ਇਕ ਮਸਜਿਦ ਵਿਚ ਚਲ ਰਹੀ ਨਮਾਜ ਅਦਾ ਕਰਨ ਦੀ ਰਸਮ ਵਿਚ ਭਾਗ ਲਿਆ। ਇਸ ਗਲ ਦੀ ਪੁਸ਼ਟੀ ਗੁਰਦਵਾਰਾ ਦੂਖ ਨਿਵਾਰਣ ਸਾਹਿਬ ਦੇ ਮੈਨੇਜਰ ਸ੍ਰ ਕਰਨੈਲ ਸਿੰਘ ਨੇ ਵੀ ਕੀਤੀ। ਸ੍ਰ ਕਰਨੈਨ ਸਿੰਘ ਨੇ ਦਸਿਆ ਕਿ ਇਹ ਮੁਲਾਜਮ ਜੱਥੈ ਨਾਲ ਪਾਕਿਸਤਾਨ ਗਏ ਸਨ ਤੇ ਉਥੇ ਉਨਾਂ ਮਸਜਿਦ ਵਿਚ ਜਾ ਕੇ ਨਮਾਜ ਅਦਾ ਕੀਤੀ। ਇਸ ਗਲ ਦੀ ਜਾਣਕਾਰੀ ਮਿਲਣ ਤੋ ਬਾਅਦ ਅਸੀ ਸ਼ੋ੍ਰਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਹੈਡ ਆਫਿਸ ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ ਇਨਾਂ ਮੁਲਾਜਮਾਂ ਦੇ ਖਿਲਾਫ ਕਾਰਵਾਈ ਕਰਨ ਲਈ ਲਿਖਤੀ ਤੌਰ ਤੇ ਭੇਜ਼ ਦਿੱਤਾ ਹੈ। ਇਸ ਮਾਮਲੇ ਤੇ ਸ਼ੋ੍ਰਮਣੀ ਕਮੇਟੀ ਦਫਤਰ ਨੇ ਵੀ ਆਪਣੇ ਵਲੋ ਕਾਰਵਾਈ ਸ਼ੁਰੂ ਕਰ ਦਿੱਛੀ ਹੈ ਇਸ ਪੂਰੇ ਮਾਮਲੇ ਦੀ ਪੜਤਾਲ ਕਰਨ ਲਈ ਸ਼ੋ੍ਰਮਣੀ ਕਮੇਟੀ ਦਫਤਰ ਨੇ ਆਪਣੇ ਫਲਾਇੰਗ ਸਕਵੈਡ ਦੇ ਇੰਸਪੈਕਟਰ ਹਰਵਿੰਦਰ ਸਿੰਘ ਨੂੰ ਗੁਰਦਵਾਰਾ ਦੂਖ ਨਿਵਾਰਣ ਸਾਹਿਬ ਪੜਤਾਨ ਕਰਨ ਲਈ ਭੇਜਿਆ ਸੀ। ਇਸ ਬਾਰੇ ਸ਼ੋ੍ਰਮਣੀ ਕਮੇਟੀ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਦੇ ਨਿਜੀ ਸਹਾਇਕ ਸ੍ਰ ਸਤਬੀਰ ਸਿੰਘ ਨੇ ਇਸ ਘਟਨਾਕ੍ਰਮ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਫਲਾਇੰਗ ਦੀ ਰਿਪੋਰਟ ਆਉਣ ਤੋ ਬਾਅਦ ਹੀ ਉਹ ਇਸ ਬਾਰੇ ਹੋਰ ਗਲਬਾਤ ਕਰ ਸਕਣਗੇ।