ਚੰਡੀਗੜ੍ਹ - ਹਰਿਆਣਾ ਦੇ ਡਿਪਟੀ ਮੁੱਖ ਮੰਤਰੀ ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਕਿਹਾ ਕਿ ਰਾਜ ਸਰਕਾਰ ਨਵੀਂ ਸਟਾਰਟਅੱਪ-ਪੋਲਿਸੀ ਬਣਾਏਗੀ ਜੋ ਕਿ ਪਿੰਡ ਦੇ ਟੇਲੇਂਟਿਡ ਨੌਜੁਆਨਾਂ ਨੂੰ ਉਲ੍ਹਾਂ ਦੀ ਪ੍ਰਤਿਭਾ ਨੂੰ ਪ੍ਰਦਰਸ਼ਿਤ ਕਰਨ ਤੇ ਆਰਥਕ ਰੂਪ ਨਾਲ ਸਪੰਨ ਕਰਨ ਵਿਚ ਗੇ੍ਰਮ-ਚੇਂਜਰ ਸਾਬਿਤ ਹੋਵੇਗੀ।
ਫਿਪਟੀ ਸੀਐਮ ਨੇ ਇਹ ਜਾਣਕਾਰੀ ਅੱਜ ਇੱਥੇ ਸੂਚਨਾ ਤਕਨੀਕ ਵਿਭਾਗ ਦੇ ਅਧਿਕਾਰੀਆਂ ਦੀ ਮੀਟਿੰਗ ਦੀ ਅਗਵਾਈ ਕਰਨ ਦੇ ਬਾਅਦ ਦਿੱਤੀ। ਮੀਟਿੰਗ ਵਿਚ ਕਿਰਤ ਅਤੇ ਰੁਜਗਾਰ ਰਾਜ ਮੰਤਰੀ ਸ੍ਰੀ ਅਨੁਪ ਧਾਨਕ ਤੋਂ ਇਲਾਵਾ ਸੂਚਨਾ ਤਕਨੀਕ, ਇਲੈਕਟ੍ਰੋਨਿਕਸ ਕੰਮਿਯੂਨੀਕੇਸ਼ਨ ਵਿਭਾਗ ਦੇ ਪ੍ਰਧਾਨ ਸਕੱਤਰ ਸ੍ਰੀ ਅਨਿਲ ਮਲਿਕ, ਨਿਦੇਸ਼ਕ ਸ੍ਰੀ ਰਾਜਨਰਾਇਣ ਕੌਸ਼ਿਕ, ਡਿਪਟੀ ਮੁੱਖ ਮੰਤਰੀ ਦੇ ਓਐਸਡੀ ਕਮਲੇਸ਼ ਭਾਦੂ ਸਮੇਤ ਹੋਰ ਅਧਿਕਾਰੀ ਮੌਜੂਦ ਸਨ।
ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਨਵੀਂ ਸਟਾਰਟਅੱਪ ਪੋਲਿਸੀ ਵਿਚ ਅਜਿਹੇ ਪ੍ਰਾਵਧਾਨ ਕਰਨ ਜਿਸ ਨਾਲ ਗ੍ਰਾਮੀਣ ਖੇਤਰ ਤੇ ਛੋਟੇ ਕਸਬਿਆਂ ਦੇ ਨੌਜੁਆਨਾਂ ਨੂੰ ਆਪਣੀ ਤਕਨੀਕ ਨੂੰ ਕੌਮੀ ਅਤੇ ਕੌਮਾਂਤਰੀ ਪੱਧਰ 'ਤੇ ਪ੍ਰਦਰਸ਼ਿਤ ਕਰਨ ਦਾ ਮੌਕਾ ਮਿਲ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਕਾਲਜ ਤੇ ਯੂਨੀਵਰਸਿਟੀ ਦੇ ਨੌਜੁਆਨਾਂ ਲਈ ਨਵੇਂ ਖੋਜ ਤੇ ਪੇਟੇਂਟ ਦੇ ਖੇਤਰ ਵਿਚ ਆਰਥਕ ਸਹਾਇਤਾ ਉਪਲਬਧ ਕਰਵਾ ਕੇ ਅੱਗੇ ਵੱਧਣ ਵਿਚ ਪੋ੍ਰਤਸਾਹਿਤ ਕਰਨ।
ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਪੋਲਿਸੀ ਵਿਚ ਅਜਿਹਾ ਪ੍ਰਾਵਧਾਨ ਕਰਨ ਜਿਸ ਨਾਲ ਸੂਬੇ ਵਿਚ ਪਿਛੜੇ ਖੇਤਰਾਂ ਦੇ ਨੌਜੁਆਨਾਂ ਨੂੰ ਖੇਤੀਬਾੜੀ, ਡੇਅਰੀ ਬਾਗਬਾਨੀ ਵਰਗੇ ਖੇਤਰ ਵਿਚ ਆਪਣਾ ਸਟਾਰਟਅੱਪ ਸ਼ੁਰੂ ਕਰਨ ਦੀ ਸਹੂਲਤ ਹੋਵੇ। ਉਨ੍ਹਾਂ ਨੇ ਗ੍ਰਾਮੀਣ ਦੇ ਨੌਜੁਆਨਾਂ ਨੂੰ ਆਰਥਿਕ ਸਹਾਇਤਾ ਉਪਲਬਧ ਕਰਵਾਉਣ ਤੇ ਸਬਸਿਡੀ ਦਾ ਪ੍ਰਾਵਧਾਨ ਕਰਨ ਦੇ ਲਈ ਕਦਮ ਚੁੱਕਣ ਨੂੰ ਕਿਹਾ। ਉਨ੍ਹਾਂ ਨੇ ਕਿਹਾ ਕਿ ਨਵੀਂ ਸਟਾਰਟਅੱਪ ਪੋਲਿਸੀ ਰਾਜ ਦੇ ਵਿਕਾਸ ਅਤੇ ਰੁਜਗਾਰ ਦੇ ਖੇਤਰ ਵਿਚ ਵਰਨਣਯੋਗ ਯੋਗਦਾਨ ਦੇਵੇਗੀ।
ਸੂਚਨਾ ਤਕਨੀਕ, ਇਲੈਕਟ੍ਰੇਨਿਕਸ ਐਂਡ ਕੰਮਿਯੂਨੀਕੇਸ਼ਨ ਵਿਭਾਗ ਦੇ ਪ੍ਰਧਾਨ ਸਕੱਤਰ ਸ੍ਰੀ ਅਨਿਲ ਮਲਿਕ ਨੇ ਮੀਟਿੰਗ ਵਿਚ ਜਾਣਕਾਰੀ ਦਿੱਤੀ ਕਿ ਅੱਜ ਕਲ 99 ਫੀਸਦੀ ਤੋਂ ਵੀ ਵੱਧ ਸਟਾਰਟਅੱਪ ਆਈਟੀ 'ਤੇ ਅਧਾਰਿਤ ਹਨ ਪਰ ਨਵੀਂ ਸਟਾਰਟਅੱਪ ਪੋਲਿਸੀ ਵਿਚ ਸਿਖਿਆ, ਸਿਹਤ ਤੇ ਖੇਤੀਬਾੜੀ ਦੇ ਖੇਤਰ ਵਿਚ ਵੀ ਸਟਾਰਟਅੱਪ ਚਾਲੂ ਕਰਨ ਦੇ ਲਈ ਨੌਜੁਆਨਾਂ ਨੂੰ ਪ੍ਰੇਰਿਤ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਇਹ ਵੀ ਦਸਿਆ ਕਿ ਜੇਕਰ ਕੋਈ ਵਿਅਕਤੀ ਨਵਾਂ ਸਟਾਰਟਅੱਪ ਸ਼ੁਰੂ ਕਰਨਾ ਚਾਹੁੰਦਾ ਹੈ ਤਾਂ ਰਾਜ ਸਰਕਾਰ ਉਸ ਦੇ ਆਈਡਿਆ ਨੂੰ ਧਿਆਨ ਵਿਚ ਰੱਖ ਕੇ ਆਰਥਕ ਮਦਦ ਵੀ ਕਰੇਗੀ।