ਮਨੋਰੰਜਨ

ਬਹੁਰੰਗਾ ਪ੍ਰੋਗਰਾਮ ਰੰਗ ਪੰਜਾਬ ਦੇ ਪੰਜਾਬ ਕਲਾ ਭਵਨ ਵਿਚ ਕਰਵਾਇਆ ਗਿਆ

ਕੌਮੀ ਮਾਰਗ ਬਿਊਰੋ | September 04, 2023 09:11 PM

ਚੰਡੀਗੜ੍ਹ-ਪੰਜਾਬੀ ਸੱਭਿਆਚਾਰਕ ਥੀਏਟਰ ਗਰੁੱਪ ਵਲੋਂ ਪੰਜਾਬ ਕਲਾ ਪ੍ਰੀਸ਼ਦ ਦੇ ਸਹਿਯੋਗ ਨਾਲ ਬਹੁਰੰਗਾ ਪ੍ਰੋਗਰਾਮ "ਰੰਗ ਪੰਜਾਬ ਦੇ" ਨਾਂ ਹੇਠ ਲੋਕ ਨਾਚਾਂ ਤੇ ਲੋਕ ਗੀਤਾਂ ਸੰਗ ਇਥੋਂ ਦੇ ਸੈਕਟਰ 16 ਸਥਿਤ ਪੰਜਾਬ ਕਲਾ ਭਵਨ ਦੇ ਡਾ ਰੰਧਾਵਾ ਐਡੀਟੋਰੀਅਮ ਵਿਚ ਕਰਵਾਇਆ ਗਿਆ ਜਿਸ ਵਿੱਚ ਮੁੱਖ ਮਹਿਮਾਨ ਵਜੋਂ ਡਾਕਟਰ ਯੋਗਰਾਜ ਉਪ ਚੇਅਰਮੈਨ, ਪੰਜਾਬ ਕਲਾ ਪ੍ਰੀਸ਼ਦ ਤੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ੍ਰੀ ਦੀਨਾ ਨਾਥ ( ਨੱਚ ਬੱਲੀਏ ਫ਼ੇਮ) ਹਾਜ਼ਰ ਹੋਏ। ਪ੍ਰੋਗਰਾਮ ਦੀ ਸ਼ੁਰੂਆਤ ਧਾਰਮਿਕ ਗੀਤ " ਬੋਲੇ ਸੋ ਨਿਹਾਲ" ਨਾਲ ਦਮਦਾਰ ਤਰੀਕੇ ਨਾਲ ਹੋਈ ਜਿਸ ਵਿੱਚ ਗਾਇਕ ਸਰਬੰਸ ਪ੍ਰਤੀਕ ਸਿੰਘ ਤੇ ਅਜੈਵੀਰ ਨੇ 15 ਕਲਾਕਾਰਾਂ ਸਮੇਤ ਅਵਤਾਰ ਸਿੰਘ ਖੀਵੇ ਤੇ ਦੀਪ ਢੋਲੀ ਦੇ ਸੰਗੀਤ ਵਿਚ ਹਾਲ ਗੁੰਜਣ ਲਾ ਦਿੱਤਾ। ਅਜੈਵੀਰ ਨੇ ਬਾਬਾ ਬੁੱਲ੍ਹੇ ਸ਼ਾਹ ਦੀ ਕਾਫ਼ੀ ਸੁਣਾਈ ਅਤੇ ਸਰਬੰਸ ਪ੍ਰਤੀਕ ਸਿੰਘ ਨੇ ਸੋਹਣੀ ਮਹੀਂਵਾਲ ਪ੍ਰੀਤ ਕਿੱਸੇ ਵਿਚਲੇ ਗੀਤ, " ਮੈਨੂੰ ਪਾਰ ਲਗਾਂਦੇ ਦੇ ਘੜਿਆਂ ਮਿੰਨਤਾਂ ਤੇਰੀਆਂ ਕਰਦੀ" ਨਾਲ ਮੁੱਢ ਬੰਨਿਆ। ਇਸ ਤੋਂ ਬਾਅਦ ਲੋਕ ਨਾਚ ਲੁੱਡੀ ਅਤੇ ਬੈਲੇ " ਵੰਗਾਂ ਦਾ ਵਣਜਾਰਾ" ਨੇ ਪੁਰਾਣੇ ਪੰਜਾਬ ਦੀ ਬਾਤ ਪਾਈ। ਪ੍ਰੋਗਰਾਮ ਵਿੱਚ ਹਰਪ੍ਰੀਤ ਮੰਜੂ, ਸੁੱਖਪ੍ਰੀਤ ਸਿੰਘ, ਤੇਜਿੰਦਰ ਪਾਲ ਸਿੰਘ, ਅਜੈਦੀਪ ਸਿੰਘ, ਓਂਕਾਰ ਮੋਹਨ ਸਿੰਘ, ਵੰਸ਼ ਪ੍ਰੀਤ ਸਿੰਘ, ਕਾਜਲ, ਗੁਰਨੂਰ, ਅਰੂਸ਼ੀ, ਕੌਮਲ, ਅਵਨੀਤ ਕਲਾਕਾਰ ਨਿਭੇ। ਕਰਮਵੀਰ ਸਿੰਘ ਦਾ ਤੂੰਬਾ, ਸੰਦੀਪ ਸਿੰਘ ਦਾ ਢੋਲ ਰੰਗ ਬੰਨਣ ਵਿਚ ਸਹਾਈ ਹੋਏ। ਨਰਿੰਦਰ ਪਾਲ ਸਿੰਘ ਨੀਨਾ ਦੁਆਰਾ ਮੰਚ ਸੰਚਾਲਨ ਬਾਖੂਬੀ ਢੰਗ ਨਾਲ ਕੀਤਾ ਸਮੁੱਚਾ ਪ੍ਰੋਗਰਾਮ ਕੁਲਦੀਪ ਸਿੰਘ ਭੱਟੀ ਦੀ ਨਿਰਦੇਸ਼ਨਾ ਹੇਠ ਹੋਇਆ।

 

Have something to say? Post your comment

 

ਮਨੋਰੰਜਨ

ਟ੍ਰਾਈਸਿਟੀ ਦੇ ਕਲਾਕਾਰ ਪੀਯੂਸ਼ ਪਨੇਸਰ ਨੇ ਡਿਜੀਟਲ ਪਲੇਟਫਾਰਮ 'ਤੇ ਸਿੱਧੂ ਮੂਸੇਵਾਲਾ ਆਰਟ ਕਲੈਕਸ਼ਨ ਨੂੰ ਕੀਤਾ ਲਾਂਚ

ਮਸਤਾਨੇ ਫਿਲਮ ਦੀ ਸਮੁੱਚੀ ਟੀਮ ਗੁਰਦੁਆਰਾ ਬੁਰਜ ਅਕਾਲੀ ਬਾਬਾ ਫੂਲਾ ਸਿੰਘ ਵਿਖੇ ਨਤਮਸਤਕ ਹੋਈ

ਮਸਤਾਨੇ ਫਿਲਮ ਦਾ ਸਪੈਸ਼ਲ ਸ਼ੋਅ ਸੰਗਤਾਂ ਨੂੰ ਇੰਦਰਪ੍ਰੀਤ ਸਿੰਘ ਮੌਂਟੀ ਕੌਛੜ ਦੇ ਸਹਿਯੋਗ ਨਾਲ ਦਿਖਾਇਆ

ਸ਼ੈਮਰਾਕ ਸੀਨੀਅਰ ਸਕੈਂਡਰੀ ਸਕੂਲ ਦੇ ਵਿਦਿਆਰਥੀਆਂ ਨੇ ਉੱਨ੍ਹੀਵੀਂ ਸਦੀ ਦੇ ਪਾਤਰਾਂ ਨੂੰ ਸਟੇਜ ਤੇ ਕੀਤਾ ਜਿਊਂਦਾ

ਹਰ ਚਿਹਰੇ ਪਿੱਛੇ ਕੋਈ ਨਾ ਕੋਈ ਮਕਸਦ ਹੁੰਦਾ ਹੈ- ਸ਼ਾਹਰੁਖ ਖਾਨ

ਕੁਲਦੀਪ ਭੱਟੀ ਦੀ ਨਿਰਦੇਸ਼ਨਾ ਹੇਠ ਖੇਡਿਆਂ ਨਾਟਕ ਠੰਡੇ ਬੁਰਜ ਦੀ ਦਾਸਤਾਨ

ਬੈਂਕ ਆਫ ਬੜੌਦਾ ਨੇ 56 ਕਰੋੜ ਦੇ ਕਰਜ਼ੇ ਦੇ ਬਕਾਏ ਲਈ ਸੰਨੀ ਦਿਓਲ ਦੀ ਜਾਇਦਾਦ ਨੂੰ ਈ-ਨਿਲਾਮੀ ਲਈ ਰੱਖਿਆ

ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੇ ਸਲਮਾਨ ਖਾਨ ਨੂੰ ਮਾਰਨ ਦਾ ਕੰਮ ਦਿੱਤਾ ਆਪਣੇ ਭਰਾ ਅਨਮੋਲ ਬਿਸ਼ਨੋਈ ਨੂੰ

ਬੰਬੇ ਬੈਂਕੁਇਟ ਹਾਲ ‘ਚ ਗਾਇਕ ਜੀ ਐਸ ਪੀਟਰ ਨੇ ਸਜਾਈ ਸੁਰੀਲੀ ਸ਼ਾਮ

ਬਾਜ ਛੋਕਰ ਦਾ ਸਿੰਗਲ ਟਰੈਕ "ਵਨ ਡੇ" ਕਨੇਡਾ ਵਿੱਚ ਰੀਲੀਜ਼