ਅੰਮ੍ਰਿਤਸਰ -ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਛੇ ਪਾਵਨ ਸਰੂਪ ਸਤਿਕਾਰ ਨਾ ਹੋਣ ਕਾਰਨ ਸੰਗਤਾਂ ਨੇ ਡੇਹਰਾਦੂਨ ਦੇ ਇਕ ਪਖੰਡੀ ਸਾਧ ਦੇ ਡੇਰੇ ਤੋ ਤੋ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਫਿਰ ਗੁਰਦਵਾਰਾ ਰਾਮਸਰ ਸਾਹਿਬ ਵਿਖੇ ਸ਼ਸ਼ੋਬਿਤ ਕਰਵਾਏ।ਜਾਣਕਾਰੀ ਦਿੰਦੇ ਹੋਏ ਅਕਾਲੀ ਜ਼ਸਵਿੰਦਰ ਸਿੰਘ ਤੇ ਇਸ਼ਮੀਤ ਸਿੰਘ ਨੇ ਦਸਿਆ ਕਿ ਡੇਹਰਾਦੂਨ ਦੇ ਵਿਚ ਰਹਿੰਦੇ ਬਾਬਾ ਵਡਭਾਗ ਸਿੰਘ ਦੇ ਉਪਾਸ਼ਕ ਆਚਲ ਸਿੰਘ ਨਾਮਕ ਇਕ ਪਖੰਡੀ ਨੇ ਗੁਰਦਵਾਰਾ ਦੁਖ ਭੰਜਨ ਸਾਹਿਬ ਨਾਮ ਦਾ ਡੇਰਾ ਬਣਾਇਆ ਹੋਇਆ ਸੀ। ਉਕਤ ਉਸ ਡੇਰੇ ਵਿਚ ਲੋਕਾਂ ਨੂੰ ਗੁਰਬਾਣੀ ਦੇ ਸ਼ਬਦ ਮੋਟੀਆਂ ਰਕਮਾਂ ਲੈ ਕੇ ਵੇਚਦਾ ਸੀ।ਉਕਤ ਦਾ ਪਤਾ ਲਗਣ ਤੇ ਸਥਾਨਕ ਸੰਗਤਾਂ ਦੇ ਰੋਸ ਨੂੰ ਦੇਖਦਿਆਂ ਇਨਾਂ ਸਿੰਘਾਂ ਨੇ ਉਸ ਪਾਂਸੋ ਸਵਾਲ ਜਵਾਬ ਕੀਤੇ। ਉਕਤ ਪਖੰਡੀ ਇਨਾਂ ਸਵਾਲਾ ਦਾ ਜਵਾਬ ਨਹੀ ਦੇ ਸਕਿਆ। ਜਿਸ ਤੋ ਬਾਅਦ ਸਿੰਘ ਉਸ ਦੇ ਡੇਰੇ ਵਿਚੋ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਸਰੂਪ ਲੈ ਕੇ ਅੰਮ੍ਰਿਤਸਰ ਆ ਗਏ। ਇਨਾਂ ਸਿੰਘਾਂ ਵਿਚ ਅਕਾਲੀ ਜ਼ਸਦੀਪ ਸਿੰਘ, ਭਾਈ ਸ਼ਿਵਾ ਸਿੰਘ, ਭਾਈ ਸ਼ੁਸ਼ੀਲ ਸਿੰਘ, ਭਾਈ ਅਜ਼ੈ ਸਿੰਘ ਨਿਹੰਗ, ਭਾਈ ਪ੍ਰਭਜੋਤ ਸਿੰਘ, ਭਾਈ ਨਵਜੋਤ ਸਿੰਘ, ਭਾਈ ਸਮੀਤ ਸਿੰਘ ਤੇ ਭਾਈ ਕਮਲਜੀਤ ਸਿੰਘ ਸ਼ਾਮਲ ਸਨ।