ਲੁਧਿਆਣਾ-ਸਿੱਖ ਕੌਮ ਦੀ ਆਨ ਸ਼ਾਨ ਤੇ ਬਾਨ ਦੀ ਪ੍ਰਤੀਕ ਪੱਗ ਦੀ ਮਹੱਤਤਾ ਤੇ ਇਤਿਹਾਸ ਤੋ ਸਮੁੱਚੀ ਲੋਕਾਈ ਨੂੰ ਜਾਣੂ ਕਰਵਾਉਣ ਅਤੇ ਮੌਜੂਦਾ ਸਮੇਂ ਦੀ ਨੌਜਵਾਨ ਪੀੜ੍ਹੀ ਨੂੰ ਆਪਣੇ ਸਿਰਾਂ ਤੇ ਸੋਹਣੀਆਂ ਪੱਗਾਂ ਸਜਾਉਣ ਦੀ ਪ੍ਰੇਣਾ ਦੇਣ ਲਈ ਯੂਨਾਈਟਿਡ ਸਿੱਖਸ ਵੱਲੋ ਆਰੰਭੀ ਪ੍ਰਚਾਰ ਮੁਹਿੰਮ ਸਾਡੀ ਪੱਗ ਸਾਡੀ ਸ਼ਾਨ ਦੀ ਲੜ੍ਹੀ ਤਹਿਤ ਗਾਇਕ ਸਤਪਾਲ ਸਿੰਘ ਦੁੱਗਰੀ ਵੱਲੋ ਗਏ ਇਤਿਹਾਸਕ ਗੀਤ "ਪੱਗਾਂ ਵਾਲੇ " ਦੇ ਪੋਸਟਰ ਨੂੰ ਅੱਜ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਸਰਾਭਾ ਨਗਰ ਲੁਧਿਆਣਾ ਵਿਖੇ ਸ.ਅੰਮ੍ਰਿਤਪਾਲ ਸਿੰਘ ਡਾਈਰੈਟਰ ਯੂਨਾਈਟਿਡ ਸਿੱਖਸ ਪੰਜਾਬ ਦੀ ਅਗਵਾਈ ਹੇਠ ਪ੍ਰਮੁੱਖ ਸ਼ਖਸੀਅਤਾਂ ਵੱਲੋ ਸਾਂਝੇ ਤੌਰ ਤੇ ਜੈ ਕਾਰਿਆਂ ਦੀ ਗੂੰਜ ਵਿੱਚ ਰਿਲੀਜ਼ ਕੀਤਾ ਗਿਆ! ਇਸ ਦੌਰਾਨ ਆਯੋਜਿਤ ਕੀਤੇ ਗਏ "ਪੱਗਾਂ ਵਾਲੇ " ਗੀਤ ਦੇ ਪੋਸਟਰ ਰਿਲੀਜ਼ ਸਮਾਗਮ ਦੌਰਾਨ ਆਪਣੇ ਵਿਚਾਰਾਂ ਦੀ ਸਾਂਝ ਕਰਦਿਆਂ ਹੋਇਆ ਸ.ਚਰਨਜੀਤ ਸਿੰਘ(ਪੀ.ਐਸ.ਬੀ), ਨੇ ਕਿਹਾ ਕਿ ਪੱਗ ਕੇਵਲ ਇੱਕ ਸਿਰ ਢੱਕਣ ਵਾਲਾ ਕੱਪੜਾ ਨਹੀ ਬਲਕਿ ਹਰ ਸਿੱਖ ਦੇ ਸਿਰ ਦਾ ਤਾਜ ਹੈ! ਜਿਸ ਦੇ ਅੰਦਰੋ ਪ੍ਰਤੱਖ ਰੂਪ ਵਿੱਚ ਦੂਰੋ ਹੀ ਖਾਲਸੇ ਦੀ ਸਰਦਾਰੀ ਤੇ ਖੁਦ ਮੁਖਤਿਆਰੀ ਝਲਕਦੀ ਹੋਈ ਨਜ਼ਰ ਆਉਦੀ ਹੈ! ਇਸੇ ਸਰਦਾਰੀ ਦੇ ਸਦਕਾ ਹੀ ਅੱਜ ਪੱਗਾਂ ਵਾਲਿਆਂ ਨੂੰ ਮਨੁੱਖਤਾ ਦੇ ਰਾਖੇ ਦੇ ਰੂਪ ਵੱਜੋ ਜਾਣਿਆ ਜਾਦਾਂ ਹੈ! ਸੋ ਇਸੇ ਪੱਗ ਦੀ ਆਨ ਸ਼ਾਨ ਨੂੰ ਬਹਾਲ ਰੱਖਣ ਅਤੇ ਸਮਾਜ ਦੇ ਲੋਕਾਂ ਨੂੰ ਪੱਗ ਦੀ ਅਸਲ ਮਹੱਤਤਾ ਤੋ ਜਾਣੂ ਕਰਵਾਉਣ ਹਿੱਤ ਪੰਜਾਬੀ ਗਾਇਕ ਸਤਪਾਲ ਸਿੰਘ ਦੁੱਗਰੀ ਵੱਲੋ ਗਾਇਆ ਗੀਤ ਪੱਗਾਂ ਵਾਲੇ ਇੱਕ ਪ੍ਰੇਣਾਦਾਇਕ ਗੀਤ ਹੈ! ਜਿਸਨੂੰ ਸੁਣ ਕੇ ਹਰ ਸਰੋਤੇ ਦਾ ਮਨ ਭਾਵ ਵਿਭੋਰ ਹੋ ਜਾਵੇਗਾ !ਇਸ ਦੌਰਾਨ ਗੁਰੂ ਨਾਨਕ ਸੇਵਾ ਮਿਸ਼ਨ ਦੇ ਮੁੱਖ ਸੇਵਾਦਾਰ ਸ. ਸੁਰਿੰਦਰ ਸਿੰਘ ਚੌਹਾਨ, ਡਾਇਰੈਕਟਰ ਯੂਨਾਈਟਿਡ ਸਿੱਖਸ ਪੰਜਾਬ ਸ. ਅੰਮ੍ਰਿਤਪਾਲ ਸਿੰਘ, ਸ. ਸਰਿੰਦਰ ਸਿੰਘ ਮੱਕੜ, ਡਾ. ਗੁਰਪ੍ਰੀਤ ਸਿੰਘ ਬਜਾਜ ਪ੍ਰਧਾਨ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਸਰਾਭਾ ਨਗਰ, ਬੀਬੀ ਰਵਿੰਦਰ ਕੌਰ, ਪਰਮਵੀਰ ਸਿੰਘ ਪਟਿਆਲਾ, ਸ. ਜਗਧਰ ਸਿੰਘ ਤੇ ਸ. ਰਣਜੀਤ ਸਿੰਘ ਖਾਲਸਾ ਨੇ ਵੀ ਆਪਣੇ ਖੋਜ਼ ਭਰਪੂਰ ਵਿਚਾਰਾਂ ਦੀ ਸਾਂਝ ਕਰਦਿਆਂ ਹੋਇਆ ਪੱਗ ਦੀ ਇਤਿਹਾਸਕ ਮਹੱਤਤਾ ਤੇ ਚਾਨਣਾ ਪਾਉਦਿਆਂ ਹੋਇਆ ਮੌਜੂਦਾ ਸਮੇਂ ਦੀ ਨੌਜਵਾਨ ਪੀੜ੍ਹੀ ਨੂੰ ਆਪਣੇ ਸਿਰਾ ਤੇ ਸੋਹਣੀਆਂ ਪੱਗਾਂ ਸਜਾਉਣ ਦਾ ਜੋਰਦਾਰ ਸੱਦਾ ਦਿੱਤਾ ਅਤੇ ਸਿੱਖ ਗਾਇਕ ਸਤਪਾਲ ਸਿੰਘ ਦੁੱਗਰੀ ਨੂੰ ਆਪਣੀ ਪਿਆਰ ਭਰੀ ਆਸੀਸ ਵੀ ਦਿੱਤੀ! ਇਸ ਮੌਕੇ ਗਾਇਕ ਸਤਪਾਲ ਸਿੰਘ ਦੁੱਗਰੀ ਨੇ ਆਪਣੀ ਗੱਲਬਾਤ ਦੌਰਾਨ ਦੱਸਿਆ ਕਿ ਵਿਰਾਸਤ ਦੇ ਰੂਪ ਵੱਜੋ ਮਿਲੀ ਪੱਗ ਦੇ ਪੁਰਾਤਨ, ਵਰਤਮਾਨ ਤੇ ਭਵਿੱਖ ਦੇ ਇਤਿਹਾਸ ਦੇ ਇਤਿਹਾਸ ਨੂੰ ਦਰਸਾਉਦਾ ਗੀਤ ਪੱਗਾਂ ਵਾਲੇ ਕੇਵਲ ਇੱਕ ਗੀਤ ਨਹੀਂ ਬਲਕਿ ਜ਼ਜਬਾਤੀ ਹੂਕ ਹੈ! ਜੋ ਸਾਨੂੰ ਅਣਖ, ਗੈਰਤ ਤੇ ਇੱਜਤ ਨਾਲ ਲਰਬੇਜ ਪੱਗ ਦੇ ਅਸਲ ਕਿਰਦਾਰ ਦੀ ਬਿਆਨੀ ਕਰਦਾ ਹੈ! ਇਸ ਦੌਰਾਨ ਸਤਪਾਲ ਸਿੰਘ ਦੁੱਗਰੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਵੱਲੋ ਗਾਏ ਗੀਤ ਨੂੰ ਸੰਗੀਤ ਐਸ. ਬੀ ਰੰਧਾਵਾ ਨੇ ਦਿੱਤਾ ਹੈ ਅਤੇ ਵੀਡਿਓ ਮਲਵਿੰਦਰ ਚੰਨੋ ਨੇ ਤਿਆਰ ਕੀਤੀ ਹੈ! ਉਨ੍ਹਾਂ ਨੇ ਸਮੁੱਚੇ ਪੰਜਾਬੀਆਂ ਨੂੰ ਅਪੀਲ ਕੀਤੀ ਕਿ ਖਾਲਸਾਈ ਜਾਹੋ ਜਲਾਲ ਦੇ ਪ੍ਰਤੀਕ ਤਿਉਹਾਰ ਹੋਲਾ ਮਹੱਲਾ ਨੂੰ ਸਮਰਪਿਤ ਗਾਏ ਉਕਤ ਗੀਤ ਨੂੰ ਸੁਣਕੇ ਆਪਣੀਆਂ ਵੱਧ ਤੋ ਵੱਧ ਪਿਆਰ ਭਰੀਆਂ ਅਸੀਸਾਂ ਦੇਣ! ਇਸ ਤੋ ਪਹਿਲਾਂ ਆਯੋਜਿਤ ਕੀਤੇ ਪੋਸਟਰ ਰਿਲੀਜ਼ ਸਮਾਗਮ ਦੌਰਾਨ ਸ. ਅੰਮ੍ਰਿਤਪਾਲ ਸਿੰਘ ਡਾਇਰੈਕਟਰ ਯੂਨਾਈਟਿਡ ਸਿੱਖਸ ਪੰਜਾਬ ਤੇ ਉਨ੍ਹਾਂ ਦੇ ਸਾਥੀਆਂ ਨੇ ਗਾਇਕ ਸਤਪਾਲ ਸਿੰਘ ਦੁੱਗਰੀ ਨੂੰ ਯਾਦਗਾਰੀ ਤਸਵੀਰ ਭੇਟ ਕਰਕੇ ਸਨਮਾਨਿਤ ਵੀ ਕੀਤਾ!ਇਸ ਸਮੇ ਉਨ੍ਹਾਂ ਦੇ ਨਾਲ ਉੱਘੇ ਯੂ- ਟਿਊਬਰ ਕਲਾਕਾਰ ਸੁਰਿੰਦਰ ਸਿੰਘ, ਗਗਨਪ੍ਰੀਤ ਸਿੰਘ ਸ਼ੈਰੀ, ਹਰਜੀਤ ਸਿੰਘ ਆਨੰਦ, ਪਰਮਵੀਰ ਸਿੰਘ ਪਟਿਆਲਾ, ਜਗਦੀਪ ਸਿੰਘ ਨੀਲੂ, ਸਰਬਜੀਤ ਸਿੰਘ (ਮੰਨਟੂ ਭਾਜੀ) ਤਜਿੰਦਰ ਸਿੰਘ ਨੀਟੂ, ਦਵਿੰਦਰ ਕੌਰ ਸੋਹਲ, ਤਰਨਜੀਤ ਕੌਰ, ਸੁਮਨਜੀਤ ਕੌਰ, ਦਪਿੰਦਰ ਕੌਰ ਸਮੇਤ ਕਈ ਪ੍ਰਮੁੱਖ ਸ਼ਖਸੀਅਤਾਂ ਵਿਸੇਸ਼ ਤੌਰ ਤੇ ਹਾਜ਼ਰ ਸਨ!