ਆਪਣੀ ਬਹਾਦਰੀ ਲਈ ਦੁਨੀਆਂ ਵਿੱਚ ਜਾਣੀ ਜਾਂਦੀ ਸਿੱਖ ਕੌਮ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਰੋਕਣ ਲਈ ਕਾਨੂੰਨ ਬਣਾਉਣ ਦੀ ਮੰਗ ਕਰ ਰਹੇ ਹਨ-ਬੀਬੀ ਕਿਰਨਜੋਤ ਕੌਰ

ਅੰਮ੍ਰਿਤਸਰ- ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦੇ ਮਾਮਲਿਆਂ ਸਬੰਧੀ ਸਰਕਾਰ ਵੱਲੋਂ ਕਾਨੂੰਨ ਬਨਾਉਣ ਨੂੰ ਲੈ ਕੇ ਸੱਦੀ ਪੰਥਕ ਇਕੱਤਰਤਾ ’ਚ ਸੰਬੋਧਨ ਕਰਦਿਆਂ ਸ਼ੋ੍ਰਮਣੀ ਕਮੇਟੀ ਮੈਂਬਰ ਬੀਬੀ ਕਿਰਨਜੋਤ ਕੌਰ ਨੇ ਪੰਥ ਨੂੰ ਹਲੂਣਾ ਦਿੰਦੇ ਕਿਹਾ ਕਿ ਮੇਰੀ ਕੌਮ ਦਲੇਰਾਂ ਦੀ ਕੌਮ ਹੈ ਤੇ ਦੁਨੀਆਂ ਵਿਚ ਆਪਣੀ ਬਹਾਦਰੀ ਕਰਕੇ ਜਾਣੀ ਜਾਂਦੀ ਹੈ। ਅੱਜ ਅਸੀਂ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਰੋਕਣ ਲਈ ਕਾਨੂੰਨ ਮੰਗ ਰਹੇ ਹਾਂ।ਉਨਾਂ ਕਿਹਾ ਕਿ ਅੱਜ ਆਪਣੇ ਅੰਦਰ ਝਾਤੀ ਮਾਰਨ ਦੀ ਲੋੜ ਹੈ ਕਿ ਆਖਿਰ ਕੀ ਹੋ ਗਿਆ, ਕਿਸੇ ਦੀ ਜੁਅਰਤ ਕਿਵੇ ਪਈ ਕਿ ਆ ਕੇ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਕਰੇ। ਉਨਾ ਕਿਹਾ ਕਿ ਮੇਰੇ ਪੰਥ ਦੀ ਜਿਹੜੀ ਰੂਹ ਸੀ ਕਿੱਥੇ ਗਈ ਉਸ ਰੂਹ ਨੂੰ ਲੱਭੋ।ਅੱਜ ਅਸੀਂ ਗੁਰੂ ਗ੍ਰੰਥ ਸਾਹਿਬ ਨੂੰ ਕਾਨੂੰਨ ਦੇ ਦਾਇਰੇ ਚ ਲਿਆਉਣ ਦੀਆ ਗੱਲਾਂ ਕਰ ਰਹੇ ਹਾਂ। ਉਨਾਂ ਕਿਹਾ ਕਿ ਜਿਸ ਤਰੀਕੇ ਦੇ ਨਾਲ ਪੰਜਾਬ ਸਰਕਾਰ ਨੇ ਕਾਨੂੰਨ ਲਿਆਂਦਾ ਇੱਕ ਤਰੀਕ ਮਿਥ ਦਿੱਤੀ ਹੈ, ਯਾਦ ਕਰਨ ਦੀ ਗਲ ਹੈ ਕਿ ਅਗਲੇ ਸਾਲ ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾਂ ਆ ਰਹੀਆਂ ਹਨ।ਜਿਹੜਾ ਸਾਡੇ ਧਰਮ ਦਾ ਕਾਰਜ ਹੈ ਉਸ ਨੂੰ ਵੋਟਾਂ ਦੀ ਰਾਜਨੀਤੀ ਵਿੱਚ ਬਦਲਣ ਦੀ ਇੱਕ ਕੋਸ਼ਿਸ਼ ਨਜਰ ਆ ਰਹੀ ਹੈ। ਬੀਬੀ ਕਿਰਨਜੋਤ ਕੌਰ ਨੇ ਕਿਹਾ ਕਿ ਅੱਜ ਪੰਜਾਬ ਦੇ ਵਿੱਚ ਸਿਆਸਤ ਹੋ ਰਹੀ ਹੈ ਇਹ ਪੰਜਾਬ ਦੇ ਭਲੇ ਵਾਸਤੇ ਨਹੀਂ। ਬੇਅਦਬੀ ਦੇ ਨਾਂ ਤੇ ਅਕਾਲੀ ਦਲ, ਸ਼੍ਰੋਮਣੀ ਕਮੇਟੀ ਅਤੇ ਸਿੱਖ ਸੰਸਥਾਵਾਂ ਨੂੰ ਥੱਲੇ ਲਾਉਣ ਦੀ ਸਿਆਸਤ ਹੈ।ਕਿੰਨੇ ਅਫਸੋਸ ਦੀ ਗੱਲ ਹੈ ਇਹ ਸਿਆਸਤ ਗੁਰੂ ਗ੍ਰੰਥ ਸਾਹਿਬ ਦੇ ਨਾਂ ਤੇ ਹੋ ਰਹੀ ਹੈ।ਉਨਾਂ ਕਿਹਾ ਕਿ ਕੌਮ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਆਓ ਇਕੱਠੇ ਹੋਈਏ ਇਹਨਾਂ ਬੇਅਦਬੀਆਂ ਦਾ ਟਾਕਰਾ ਵੀ ਕਰੀਏ।ਮੁੱਖ ਮੰਤਰੀ ਬਾਰੇ ਬੋਲਦਿਆਂ ਬੀਬੀ ਨੇ ਕਿਹਾ ਕਿ ਜਿਹੜਾ ਆਪ ਆਪਣੇ ਜੀਵਨ ਵਿੱਚ ਸਿੱਖ ਨਹੀਂ ਜਿਹੜਾ ਆਪ ਇਕ ਪਤਿਤ ਵਿਅਕਤੀ ਹੈ ਉਹ ਖੜਾ ਹੋ ਕੇ ਕਹੇ ਕਿ ਮੈਂ ਵਿਸਾਖੀ ਵਾਲੇ ਦਿਨ ਸਿੱਖਾਂ ਨੂੰ ਇੱਕ ਤੋਹਫਾ ਦੇ ਰਿਹਾ ਹਾਂ। ਇੱਕ ਕਾਨੂੰਨ ਬਣਾ ਰਿਹਾ ਹਾਂ।ਉਨਾਂ ਕਿਹਾ ਕਿ ਮੁੱਖ ਮੰਤਰੀ ਕਹਿੰਦੇ ਸੀ ਕਿ ਜਿਹੜਾ ਕਾਨੂੰਨ 2008 ਵਿੱਚ ਅਕਾਲੀ ਸਰਕਾਰ ਵੇਲੇ ਬਣਿਆ ਸੀ ਉਸ ਵਿਚ ਸੋਧ ਕਰਨ ਦੀ ਲੋੜ ਹੈ। ਉਸ ਕਾਨੂੰਨ ਦੇ ਵਿੱਚ ਗੁਰੂ ਗ੍ਰੰਥ ਸਾਹਿਬ ਦੀ ਛਪਾਈ ਸੇਵਾ ਔਰ ਸੰਗਤ ਦਾ ਪਹੁੰਚਾਣ ਦਾ ਕੰਮ ਸ਼੍ਰੋਮਣੀ ਕਮੇਟੀ ਦਾ ਏਕਾ ਅਧਿਕਾਰ ਹੈ। ਕੱਲ ਨੂੰ ਪੁਲੀਸ ਵਾਲੇ ਸਾਨੂੰ ਸਿਖਾਉਣਗੇ ਕਿ ਅਦਬ ਕਿਵੇਂ ਕਰਨਾ ਹੈ। 2008 ਵਾਲੇ ਕਾਨੂੰਨ ਦੇ ਵਿੱਚ ਕਿਸੇ ਤਰ੍ਹਾਂ ਦੀ ਛੇੜਛਾੜ ਦਾ ਮੈਂ ਸਖਤ ਵਿਰੋਧ ਕਰਦੀ ਹਾਂ।ਉਨਾਂ ਯਾਦ ਕਰਵਾਇਆ ਕਿ 1986 ਦੇ ਵਿੱਚ ਨਕੋਦਰ ਦੇ ਵਿੱਚ ਪੰਜ ਗੁਰੂ ਗ੍ਰੰਥ ਸਾਹਿਬ ਦੀਆਂ ਬੀੜਾ ਨੂੰ ਅੱਗ ਲਾ ਕੇ ਤੇ ਉਥੇ ਦੇ ਨੌਜਵਾਨਾਂ ਜੋ ਕਿ ਸਿੱਖ ਸਟੂਡੈਂਟ ਫੈਡਰੇਸ਼ਨ ਦੇ ਨਾਲ ਸੰਬਧਤ ਸਨ ਨੇ ਵਿਰੋਧ ਕੀਤਾ ਸ਼ਾਂਤਮਈ ਵਿਰੋਧ ਦੇ ਬਾਵਜੂਦ ਪੁਲਿਸ ਚਾਰ ਬੰਦਿਆਂ ਨੂੰ ਚੁੱਕ ਕੇ ਲੈ ਗਈ। ਚਾਰ ਨੌਜਵਾਨਾਂ ਦੇ ਝੂਠੇ ਪੁਲਿਸ ਮੁਕਾਬਲੇ ਬਣਾਏ, ਅੱਜ ਤੱਕ ਉਹਨਾਂ ਦੇ ਪਰਿਵਾਰ ਨਿਆਂ ਲਈ ਦਰ ਦਰ ਫਿਰਦੇ ਦੇਖੇ ਜਾ ਸਕਦੇ ਹਨ।2015 ਚ ਬਰਗਾੜੀ ਵਿਚ ਬੇਅਦਬੀ ਹੋਈ। ਇਹ ਮੁੱਖ ਮੰਤਰੀ ਕਹਿੰਦਾ ਸੀ ਮੈਨੂੰ ਵੋਟਾਂ ਪਾਓ ਮੈਂ ਤਾਂ ਅਗਲੇ ਦਿਨ ਹੀ ਸੌਦਾ ਸਾਧ ਨੂੰ ਅੰਦਰ ਦੇ ਦਿਆਂਗਾ । ਹੁਣ ਸਰਕਾਰ ਨੂੰ ਪੁੱਛਣਾ ਬਣਦਾ ਹੈ ਕਿ ਦੱਸ ਭਾਈ ਤੇਰੀ ਤਾਂ ਸਰਕਾਰ ਦਾ ਟਾਈਮ ਖਤਮ ਹੋਣ ਵਾਲਾ ਹੈ ਸੌਦਾ ਸਾਧ ਦਾ ਕੀ ਕੀਤਾ। ਜਿਹੜੇ ਬੇਅਦਬੀ ਦੇ ਕਾਂਡ ਹੋਏ ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਕਿਸੇ ਨੇ ਤੜਕੇ ਬੀੜੀ ਸੁਲਗਾਨ ਦੀ ਕੋਸ਼ਿਸ਼ ਕੀਤੀ, ਸਾਡੇ ਮੁਲਾਜ਼ਮਾਂ ਨੇ ਫੜ ਕੇ ਉਹ ਬੰਦਾ ਪੁਲਿਸ ਨੂੰ ਦਿੱਤਾ ਤੇ ਪੁਲਿਸ ਨੇ ਕਿਹਾ ਮਾਨਸਿਕ ਤੌਰ ਤੇ ਹਿਿਲਆ ਹੋਇਆ ਸੀ। ਇਹਨਾਂ ਦੀ ਹਿੰਮਤ ਇਨੀ ਵੱਧ ਗਈ ਕਿ ਸ੍ਰੀ ਦਰਬਾਰ ਸਾਹਿਬ ਆ ਕੇ ਇਹਨਾਂ ਬੇਅਦਬੀ ਦੀ ਕੋਸ਼ਿਸ਼ ਕੀਤੀ, ਖਾਲਸਾ ਪੰਥ ਨੇ ਫਿਰ ਆਪਣੀਆਂ ਰਵਾਇਤਾਂ ਨੂੰ ਸਾਰ ਜੋ ਕਰਨਾ ਸੀ ਕੀਤਾ ਅੱਜ ਤੱਕ ਪਤਾ ਲੱਗਾ ਉਹ ਬੰਦਾ ਕੌਣ ਸੀ ਕਿਸ ਨੇ ਭੇਜਿਆ ਸੀ।