ਚੌਥੇ ਦਸਤਾਰ ਸਜਾਉਣ ਮੁਕਾਬਲੇ ' ਗਗਨਪ੍ਰੀਤ ਸਿੰਘ ਤੇ ਸਰਬਜੋਤ ਸਿੰਘ ਅੱਵਲ

ਚੰਡੀਗੜ੍ਹ- ਚੋਥਾਂ ਦਸਤਾਰ ਸਜਾਉਣ ਮੁਕਾਬਲਾ ਇਥੋਂ ਦੇ ਪਿੰਡ ਅਬਰਾਵਾਂ (ਦੇਵੀਨਗਰ) ਵਿਖੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਗ੍ਰਾਮ ਪੰਚਾਇਤ ਤੇ ਸਮੂਹ ਨਿਵਾਸੀਆਂ ਵਲੋਂ ਕਰਵਾਇਆ ਗਿਆ ਜਿਸ ਵਿੱਚ ਪੰਜਾਬ ਭਰ ਵਿਚੋਂ 61 ਮੁੰਡਿਆਂ ਨੇ ਹਿੱਸਾ ਲਿਆ। ਪਹਿਲੇ ਵਰਗ 8 ਤੋਂ 15 ਸਾਲ ਉਮਰ ਵਰਗ ਵਿਚ ਸਰਬਜੋਤ ਸਿੰਘ ਪੁੱਤਰ ਸ੍ਰੀ ਸਿਮਰਨਜੀਤ ਸਿੰਘ ਰੋਪੜ ਪਹਿਲੇ, ਸਾਹਿਬ ਪ੍ਰੀਤ ਸਿੰਘ ਪੁੱਤਰ ਸਰਦਾਰ ਪਰਮਿੰਦਰ ਸਿੰਘ ਅਬਰਾਵਾਂ ਦੂਜੇ ਅਤੇ ਗਗਨਪ੍ਰੀਤ ਸਿੰਘ ਪੁੱਤਰ ਸਰਦਾਰ ਬਲਵਿੰਦਰ ਸਿੰਘ ਅਬਰਾਵਾਂ ਤੀਜੇ ਸਥਾਨ , ਗਗਨਦੀਪ ਸਿੰਘ ਪੁੱਤਰ ਸਰਦਾਰ ਪਰਮਜੀਤ ਸਿੰਘ ਅਬਰਾਵਾਂ ਚੋਥੇ ਅਤੇ ਅੰਮ੍ਰਿਤਵੀਰ ਸਿੰਘ ਪੁੱਤਰ ਸਰਦਾਰ ਗੁਰਜੀਤ ਸਿੰਘ ਗੀਗੇਮਾਜਰਾ ਪੰਜਵੇ ਸਥਾਨ ਉਤੇ ਰਹੇ। ਉਮਰ 16 ਤੋਂ 22 ਸਾਲ ਵਰਗ ਵਿੱਚ ਗਗਨਪ੍ਰੀਤ ਸਿੰਘ ਪੁੱਤਰ ਸਰਦਾਰ ਸੁਖਦੇਵ ਸਿੰਘ ਅੰਮ੍ਰਿਤਸਰ ਪਹਿਲੇ, ਪਰਾਸ਼ੂ ਵਰਮਾ ਪੁੱਤਰ ਸ੍ਰੀ ਹਰੀ ਰਾਮ ਸੰਗਰੂਰ ਦੂਜੇ , ਗੁਰਕੀਰਤ ਸਿੰਘ ਪੁੱਤਰ ਸਰਦਾਰ ਸਰਵਨ ਸਿੰਘ ਅਬਰਾਵਾਂ ਤੀਜੇ, ਹਰਮਨਪ੍ਰੀਤ ਸਿੰਘ ਪੁੱਤਰ ਸਰਦਾਰ ਗੁਰਪ੍ਰੀਤ ਸਿੰਘ ਖਮਾਣੋ ਚੌਥੇ ਤੇ ਅੰਮ੍ਰਿਤਪਾਲ ਸਿੰਘ ਪੁੱਤਰ ਸ ਹਰਵਿੰਦਰ ਸਿੰਘ ਘਟੋਲੀ ਪੰਜਵੇ ਸਥਾਨ ਉਤੇ ਰਹੇ। ਜੱਜ ਸਰਦਾਰ ਗੁਰਚਰਨ ਸਿੰਘ ਤੇ ਸਰਦਾਰ ਨਵਤੰਨ ਸਿੰਘ ਦੁਆਰਾ ਪੱਗੜੀ ਮੁਕਾਬਲੇ ਦੀ ਸਹੀ ਚੋਣ ਨੂੰ ਲੋਕਾਂ ਨੇ ਸਰਾਹਿਆ। ਲੰਮੇਰੇ ਕੇਸ ਮੁਕਾਬਲੇ ਵਿਚ ਹਰਮਨਪ੍ਰੀਤ ਕੌਰ ਪਹਿਲੇ, ਨਵਦੀਪ ਕੌਰ ਦੂਜੇ, ਤਾਨੀਆ ਕੌਰ ਤੇ ਮਨਦੀਪ ਕੌਰ ਦੋਵੇ ਤੀਜੇ ਸਥਾਨ ਉਤੇ ਰਹੀਆ, ਇਵੇ ਹੀ ਮੁੰਡਿਆ ਲੰਮੇ ਕੇਸ ਮੁਕਾਬਲੇ ਵਿਚ ਗਗਨਪ੍ਰੀਤ ਸਿੰਘ ਪਹਿਲੇ, ਜਸ਼ਨਪਰੀਤ ਸਿੰਘ ਦੂਜੋ ਤੇ ਜੋਬਨਪ੍ਰੀਤ ਸਿੰਘ- ਸਾਹਿਬਾਨ ਸਿੰਘ ਤੀਜੇ ਸਥਾਨ ਉਤੇ ਰਹੇ। ਪ੍ਰਬੰਧਕਾਂ ਨੇ ਦੱਸਿਆ ਕਿ ਸਾਰੇ ਹਿੱਸਾ ਲੈਣ ਵਾਲਿਆਂ ਨੂੰ ਮੈਡਲ ਅਤੇ ਨਕਦ ਇਨਾਮ ਪ੍ਰਦਾਨ ਕੀਤਾ। ਢਾਡੀ ਜਥੇ ਜੁਝਾਰ ਸਿੰਘ ਆਜਾਦ ਤੇ ਸਾਥੀਆਂ ਨੇ ਸੰਗਤਾਂ ਨੂੰ ਵਿਸਾਖੀ ਦੇ ਮਹੱਤਵ ਬਾਰੇ ਦੱਸਿਆ ।