ਜਾਗਤ ਜੋਤ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਸਬੰਧੀ ਸੋਧਨਾ ਬਿੱਲ ਉੱਪਰ ਬੋਲਦਿਆਂ ਕਾਂਗਰਸੀ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਨੇ ਕਿਹਾ ਕਿ ਉਹ ਇਸ ਬਿੱਲ ਦਾ ਤਹਿ ਦਿਲੋਂ ਸਮਰਥਨ ਕਰਦੇ ਹਨ । ਪਰੰਤੂ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਦੀਆਂ ਬੇਅਦਬੀਆਂ ਜਿਸ ਡੇਰੇ ਸੱਚੇ ਸੌਦੇ ਵੱਲੋਂ ਕੀਤੀਆਂ ਗਈਆਂ ਉਸ ਡੇਰੇ ਮੁਖੀ ਨੂੰ ਸਰਕਾਰ ਨੇ ਇੱਕ ਵੈਰਾ ਵੀ ਪ੍ਰੋਡਕਸ਼ਨ ਵਰੰਟ ਤੇ ਲਿਆ ਕੇ ਇੰਟੈਰੋਗੇਟ ਨਹੀਂ ਕੀਤਾ। ਉਹਨਾਂ ਅੱਗੇ ਕਿਹਾ ਕਿ ਸਰਕਾਰ ਨੇ ਉਸ ਦਾ ਇਹ ਰਿਮਾਂਡ ਲੈਣ ਦੀ ਕਦੇ ਕੋਸ਼ਿਸ਼ ਨਹੀਂ ਕੀਤੀ। ਖਹਿਰਾ ਨੇ ਬੋਲਦਿਆਂ ਹਾਂ ਕਿਹਾ ਕਿ ਇਹ ਠੀਕ ਹੈ ਕਿ ਇਹ ਸੋਧਨਾ ਬਿੱਲ ਅੱਗੇ ਤੋਂ ਜੋ ਵੀ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਸਬੰਧੀ ਅਜਈ ਹਿਮਾਕਤ ਕਰੇਗਾ ਉਸ ਤੇ ਕਰੜੀ ਕਾਰਵਾਈ ਲਈ ਕਾਨੂੰਨੀ ਸਿਸਟਮ ਤਿਆਰ ਕਰੇਗਾ. ਪਰੰਤੂ ਜੋ 2015 ਤੋਂ ਲੈ ਕੇ ਹੋਈਆਂ ਕਈ ਸੌ ਘਟਨਾਵਾਂ ਜੋ ਇਨਸਾਫ ਲੋਚਦੀਆਂ ਹਨ ਉਹਨਾਂ ਦਾ ਕੀ ਬਣਿਆ । ਇਹ ਸਵਾਲ ਉਹਨਾਂ ਨੇ ਵਿਧਾਨ ਸਭਾ ਵਿੱਚ ਚੁੱਕਿਆ। ਜਿਸ ਉੱਪਰ ਸਪੀਕਰ ਪੰਜਾਬ ਵਿਧਾਨ ਸਭਾ ਕੁਲਤਾਰ ਸਿੰਘ ਸੰਧਵਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੇ ਕਾਨੂੰਨੀ ਸ਼ਿਕੰਜੇ ਕਾਰਨ ਹੀ ਪਹਿਲੀ ਵਾਰ ਉਹਨਾਂ ਵਿਅਕਤੀਆਂ ਨੂੰ ਜਮਾਨਤਾਂ ਕਰਾਉਣੀਆਂ ਪਈਆਂ ਜਿਨਾਂ ਦੇ ਨਾਮ ਇਸ ਇਨਵੈਸਟੀਗੇਸ਼ਨ ਵਿੱਚ ਆਏ ਸਨ। ਸਪੀਕਰ ਸੰਧਵਾਂ ਨੇ ਕਿਹਾ ਕਿ ਪਿਛਲੀਆਂ ਸਰਕਾਰਾਂ ਨੇ ਸਿਰਫ ਇਨਵੈਸਟੀਗੇਸ਼ਨ ਨੂੰ ਖਰਾਬ ਹੀ ਕੀਤਾ ਹੈ ਜਸਟਿਸ ਵਾਲੇ ਪਾਸੇ ਨਹੀਂ ਲੈ ਕੇ ਗਏ ਉਹਨਾਂ ਸਦਨ ਨੂੰ ਫਿਰ ਬੇਨਤੀ ਕੀਤੀ ਆਓ ਰਲ ਕੇ ਇਹ ਕਾਨੂੰਨ ਪਾਸ ਕਰਵਾਈਏ
ਅੱਜ ਸਦਨ ਵਿੱਚ ਜਦੋਂ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਸਬੰਧੀ ਸੋਧਨਾ ਬਿਲ ਉੱਪਰ ਵਿਚਾਰ ਰੱਖ ਰਹੇ ਸਨ ਅਤੇ ਬਾਰ ਬਾਰ ਅਕਾਲੀ ਦਲ ਬਾਦਲ ਤੇ ਨਿਸ਼ਾਨਾ ਸਾਧ ਰਹੇ ਸਨ ਤੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਨੇ ਕਿਹਾ ਕਿ ਇਸ ਪਾਰਟੀ ਨੂੰ ਜੇ ਆਪਾਂ ਅਕਾਲੀ ਦਲ ਨਾ ਕਹੀਏ ਤਾਂ ਜਿਆਦਾ ਵਧੀਆ ਹੈ ਸਿਰਫ ਬਾਦਲ ਦਲ ਕਹਿ ਕੇ ਹੀ ਸੰਬੋਧਨ ਕਰ ਲਵੋ ਇਹ ਉਹਨਾਂ ਸੁਝਾ ਸਦਨ ਵਿੱਚ ਪੇਸ਼ ਕੀਤਾ।